關於 揀飲擇食普通話 ，我們在網路上蒐集到這些相關的討論、資訊與評價

#double👧🏽👧🏻吃在觀塘
-
【👧🏻吃在工廈】
除咗普通台灣菜食之外呢度仲可以打邊爐
有藥膳湯底 泰式酸辣 牛奶菌菇 呢啲少見嘅湯底可以揀
-
不過#🍋👧🏻同朋友兩個人嚟到 所以就冇選擇打邊爐 都係食返啲湯麵同埋小食拼盤
-
🔸和牛薯餅沙茶乾拌麵（$60）
🔸豪華刀客牛肉湯麵（$72）
🔸炸物拼盤（$49）
🔸黑白珍珠豆漿紅茶（$26）（折扣$10）
🔸哈豆鮮果茶（$39）（折扣$10）
-
麵底採用刀削麵 彈牙有咬口 仲有厚度 👧🏻同朋友都好鍾意
-
朋友嗰碗麵嘅湯底好大浸藥材味 而配料就一般 牛肉唔韌 所有嘢中規中矩 未算好突出
-
至於👧🏻揀嘅乾拌麵 眼睇份量好少 但其實都幾飽肚 沙茶醬分量足夠 而且撈落個面度唔會太乾 但係香味就被實際食落去重 調味適中 唔算太鹹
至於配菜 和牛薯餅 薯餅來講炸得幾好食 但和牛就唔多覺 你話牛肉碎我都信嘅
-
好啦 到講下個小食拼盤 有香腸 丸子 薯條 鹽酥雞 呢幾樣都做得冇咁出色 講到最差我覺得係個雞 冇乜肉汁而且乾身 講真可能係大陸東門街食嗰啲都會好食過佢 至於香腸 同平時食嗰啲台灣腸有啲唔同 味道差咁啲 呢度嘅比較淡味 平時食嘅會偏甜 丸子 就有花枝丸同埋貢丸
-
之後就到嘢飲朋友有啲失望因為以為自己叫咗珍珠奶茶 點知嚟到嘅係一杯有珍珠嘅豆漿紅茶 飲落係有豆漿味 但係望落顏色唔夠 紅茶佔大比例 而且珍珠好似未煮熟 有啲硬
-
鮮果茶叫咗少甜都係好甜 另外仲有個茶杯仔俾你倒出黎 係幾得意嘅
-
最後講埋個環境 平日晚上時段 其實都唔算多人 同埋餐廳都有幾多位 呢度店員係講普通話 落單方式係自己寫紙仔出去交俾佢哋 然後坐返埋位等食就可以啦
-
埋單二百幾蚊 價錢算係咁啦 不過我哋都覺得 工廠區同台灣菜嚟揀 下次會選擇其他囉 佢唔算好難食 但係未至於會返轉頭
－－－－－－－－－
🏝環境：7/10
🛋服務：7/10
💲價錢：6/10
💥翻兜指數：5/10
-
🍴餐廳名稱：哈豆 (觀塘)
📍地址：觀塘駿業里6號富利工業大廈3樓A室
-
🔎餐廳類別👉🏼#double_樓上cafe
🔎食物種類👉🏼#double_麵食
🔎菜式類別👉🏼#double_台灣菜
🔎選擇口味👉🏼#double_咸
-
#double_official #double_兩姐妹
#double_mango #double_apple #doubleig #doublefood #相機食先 #hkig #hkgirl#hkfood #hkfoodieblogger #hkfoodie #hklife #hk#hk852#likeforlikes

#非廣告

嚟到 #孤毒遊東京系列 嘅最後一個Full Day。單拖出外對我嚟講，食飯係比較頭痛嘅一環；一條友，想試多幾款嘢又食唔晒，一個人坐喺度，隔離枱全部一大班人，又會覺得自己有啲奇怪。

嗱先旨聲明呀下，我唔係旅遊達人又唔係日本通；講到食呢，由細到大，幾乎只要係食物我就會擺入口，唔執著亦都冇要求，好又一餐唔好又一餐(好易養)嗰種；好味嘅很好，唔好味咪下次囉。所以千祈咪覺得奇怪：每次去日本，我一定會幫趁某一間喺香港有分店嘅牛肉飯連鎖店 - 係每一次都會食。

次次同人講，十個有八個嘅反應係：「吓？有冇病呀你？搭飛機去食啲香港都有嘅嘢呀？」又有人嫌太普通，話就算食呀，都起碼揀間香港冇㗎啦，點解唔去X屋啫？

第一，我鍾意食牛肉，第四，我鍾意食飯，所以牛肉飯呢家嘢真係開正我嗰瓣；作為牛肉飯忠實愛好者，當然間間都試過晒啦。經過幾次實驗之後，我依然堅持XX家比X屋好味 - 都係嗰句，口味嘅嘢真係好睇人。記得頭一兩次去日本嗰時候，我都同好多人一樣係藐佢嘅；不過細個嘅時候冇乜錢，玩到最後一日山窮水盡之際，喂幾百yen有咁大碗飯喎，簡直救命啦；一食，就鍾意到而家嘞。

話「香港都有啦」嘅朋友，應該就未試過喺日本食佢哋嘞；或者係食材問題，又可能係任何嘢喺輸出之後就一定有啲唔同，總之同平時食嘅完全係兩種口味啦：粒粒飽滿嘅日本米、渾圓性感嘅生雞蛋、一大碗香蔥，加起上嚟甚至比我嘅初戀更加詩情畫意；一嘢拮爆隻蛋，蛋汁慢慢流入熱辣辣嘅飯入面，用筷子輕輕撈下，夾起佢；米香、蛋滑、蔥爽，盡在口中 - 頂，我啱啱今朝食咗碗先出發去機場，寫到呢度竟然仲可以Feel到啲口水湧緊出嚟；佢好味嘅另一個原因，就係牛肉汁份量啱啱好。喺香港食，有時汁少得滯會唔夠味兼太乾：多過頭，又搞到成兜湯飯咁。

好彩阿太係同好，佢話以前飛日本嗰陣都成日食嘅。人大咗，有能力可以食價錢高少少嘅嘢；去得多，乜鬼隱世超邪惡彈牙拉絲綠茶爆汁紫薯焦糖文青打卡熱點都食過；試埋其他做法例如烤或者燒嘅牛肉飯，當然全部都好食啦，但我始終心繁呢碗喺香港似有還無、好多人眼中普通過普通嘅牛肉飯，每次都會留番一、兩個朝早去佢哋度開餐；特別係冬天嗰陣，一早食碗飯，成身暖笠笠。我鍾意食，並唔係咩條件反射呀食回憶呀想回味當年嘅味道呀嗰啲咁嘅嘢，完全唔關事，我係真係覺得佢好好食㗎！

講自己一個人食飯，日本真係多選擇，而且好食。今次我終於克服咗心魔，一條友去食日式燒肉；原來只要當周圍嘅人唔存在，個感覺係冇事嘅。而終極大佬就係單人匹馬去嗰啲女士們至鍾意嘅靚靚Cafe，咁朋友介紹話有款蛋糕好好食吖嘛，咁啱我喺嗰頭，咪行入去囉；坐低、叫嘢食叫嘢飲，之後枱高頭望下，周圍都係啲OL放工茶聚，成間舖除咗個待應之外，就得我一個麻甩佬，好在舊蛋糕好食杯茶好飲啫；今次之後，我覺得我對人生嘅體會已經昇華咗去另一個層次。昇到幾高？我諗七、八樓咁高左右啦；朋友仲話毒自去Cafe太濕碎，單拖去女僕Cafe先至夠勇敢 - Sorry，我諗我未夠Level。

最後一日，病況開始嚴重。由於呢幾日同人對話嘅機會實在少，喺好想講嘢又苦無對象嘅情況之下，自己同自己傾計嘅次數就不斷增多；我先發現劇集入面嗰啲人喺屋企同自己講：「咦？好肚餓添！等我煮個麵畀自己食先！」，原來都唔係唔合理嘅，我決定一陣返到嚟就要搵人瘋狂傾計。各位，香港見喇！

#毒不可耐
#孤毒的美食家
#孤毒的劣食家

好多人關心上次俾人有投訴啲乜嘢。說穿了，就係我唔肯對住Big6講普通話。Big6入嚟，同我劈頭第一句就講普通話，我問番佢你識唔識聽廣東話？唔識，我再問佢用英文你O唔OK？

大學生英文雖然唔好，但係起碼能夠比我問到佢基本嘅食物藥物敏感，之前健康嘅狀況，有冇食煙飲酒習慣，家族歷史等等。另外我可以問到佢皮膚痕癢出紅點嘅時間，身體位置，痕癢程度，有冇越嚟越好緊/差緊等等。

如果我用英文問，問黎問去都問唔到我想要嘅嘢，我先至會就範，講普通話。但係既然你又溝通到，咁我覺得你英文程度唔差。你如果覺得溝通唔到，你可以選擇睇第二個醫生。你可以要求翻譯。你可以用紙筆寫中文字俾我。

但係你冇要求到任何野，冇喺診所發爛渣，無含住泡眼淚同姑娘即刻講我嘅不是。淨係兩個半月之後先至心血來潮D7我，咁我覺得你有精神病多啲囉。

我唔係話我去佔中我係激進黃絲，但係我始終係一個香港出世嘅香港人。我鍾意張國榮多過譚詠麟。我係聽四大天王大。我細個講咗好多句「飲啖茶食個包。」我覺得周慧敏宮廷嗰輯Yes！卡好靚。我迷過陳曉東大家一齊打開天窗。我掛住深井燒鵝，雞蛋仔，卡樂B薯片，維他檸檬茶。呢啲係我係外國住嘅時候全部都冇。但係我繼續唱卡拉OK ，繼續買勁貴嘅Yes！黎睇。喺學校炒Yes！閃卡賣俾同學仔賺零用錢。

我覺得我想有返基本權利去揀我鍾意用廣東話或者英文去睇症。其實我遲早知,佢哋會投訴我唔鍾意講普通話。雖然我普通話應該勁過好多人。我中同好多都係台灣人。我老公屋企係講普通話。我啲口音唔正,但係至少一定聽得明我講啲乜嘢。當我讀Medic嘅時候，教嘅係用英文教。我睇病人係用廣東話睇。點解我出到嚟你劈頭第一句我就要就返你講普通話？我唔係話我唔肯講普通話。但係至少你可以學吓啲唔鹹唔淡嘅廣東話，或者攞啲Effort出嚟證明你好想學但係始終唔識。你劈頭第一句老奉咁覺得我要同你講國語，老娘就係唔順超！如果你去日本睇醫生，你會唔會逼一個日本醫生同你講廣東話？英文幾時已經變咗唔係國際語言？

我知道遲早有一日我係會俾人投訴。我四年黎喺呢間診所都係咁樣做。而家先俾人投訴應該係我賺咗。我想講我係有件「我係香港人T恤」。幾年係年宵買，一直着到而家。好有衝動聽日着返工。

～～～

Apparently坐過我間房嘅好多醫生都好快SortSort地同走左。姑娘1同姑娘2好快就買咗陸柚葉，煲咗水幫我抹過手/摸房。跟住兩支嘢係我個X光箱前邊。我好多謝佢哋。雖然我唔信，但係如果佢地覺得心安理得嘅，我唔會反對佢哋嘅心意。其實我知係我個人嘅問題。呢間診所容納唔到我。又或者係新嘅香港人已經容納唔到舊一批嘅香港人。就算你係專業人士也好，唔改變都好快被淘汰。面對要改變同放棄自我價值VS被投訴被炒嘅風險該如何平衡？諗到嘅留comment俾我。