關於 毒不可耐 ，我們在網路上蒐集到這些相關的討論、資訊與評價

【天靈靈眼靈靈，眼袋眼圈速速移平！當eye mask用更神嘅全天然眼霜！】
retreatment BOTANICS FIRMING EYE CONTOUR CREAM 抗浮腫緊致祛紋眼霜 15ML

眾所9知，擁有遺傳性眼袋嘅瘋，對眼一向都係毒不可耐！捱咗一晚夜咋，已經勁到招惹咗13億隻熊貓！除咗咒怨咁嘅黑眼圈，啲乾紋仲衝埋出嚟贈慶... 面對日覆日嘅毒眼問題，你又煩，佢又煩？

天靈靈眼靈靈咁介紹返，澳洲全天然純素品牌retreatment BOTANICS抗浮腫緊致祛紋眼霜已經榮獲 beauty shortlist AWARDS 2020 editors’s choice！含有豐富抗氧化劑，促進肌膚血液循環，改善眼部浮腫、鬆弛及細紋問題！

主要成分有澳洲本土框東堅果、綠咖啡豆、積雪草及透明質酸等，含有豐富維他命A、C、E，強效抗氧化劑刺激血液循環，減淡黑眼圈及浮腫！促進膠原蛋白增生，減少細紋及魚尾紋，同時緊致肌膚，Lv up眼周肌膚彈性！補濕力亦相當唔錯，仲兼顧埋抗炎添！

但瘋發現呢支眼霜，最好用竟然係當eye mask使用！只要厚敷15-20分鐘，瞬間已經可以回到未頹時！原本眼肚位置乾到牛肉乾咁，敷完已經變返做嫩滑和牛，啲乾紋用放大鏡都搵佢地唔返呀！

瘋最得心應手嘅用法係厚敷20分鐘，之後用花水濕化妝棉輕輕印走eye cream，之後再用少量Root Science Bright 免腫睛靈油按摩眼周皮膚！做咗三日已經發現黑眼圈係明顯淡咗！明顯淡咗！明顯淡咗！重要的事情說三遍都嫌唔夠吖！

不過留意返，做人千萬不要太低b豬，黑咗幾個世紀嘅眼圈係唔會單單敷廿分鐘就冇Q咗嘅！都要配合埋適合自己嘅眼部產品，同正常嘅作息時間，先可以將千年眼圈慢慢改善架呢～

TAG Concept
www.tag-concept.com
總店：旺角新之城3樓306
13:30 - 21:30（十二月份逢星期日休息）
分店：銅鑼灣東角駅2樓275
13:30 - 21:30（十二月份逢星期日休息）
WhatsApp：54425298

可以WhatsApp 54425298下單以[Payme]或[轉數快]付款
購物滿$1000或以上免本地工商區、順豐站/智能櫃及住宅運費
$1000以下運費到付

#tagconcept
#cleanbeauty
#retreatmentbotanics

林忌：今年諾貝爾和平獎，各大雜誌與賭場莊家預測，最高呼聲得獎嘅，WHO? 唔係問乜水，係講緊世界衛生組織 (World Heath Organization)！一個累到全人類雞毛鴨血，去到四月都反對戴口罩嘅腐敗無能組織，再加埋嗰位事後孔明，不斷擦習總鞋嘅譚德塞，居然被列為奪獎熱門？我睇緊啲乜？

睇返香港武肺又爆第四波，民生唔理疫情唔理，就日日去批鬥小學生同教師，吹到有教師「宣揚港獨」然後被釘牌，睇下份工作紙？叫你睇完大氣電波嘅電視節目，討論點解有人支持港獨－－咁就變咗「港獨」？冇嘢呀？

討論點解，正如問你點解有人飢渴到要J林鄭，或者連登點解有人個 post，題目係「香港某女名人流出！僅穿貼身衣服於公眾場合將(張)開雙腿。」，福你個佳 click 入去，就見到葉劉踢腿晨運照一樣，連隔夜飯都嘔出來！你可以自行解讀，例如開 post 嗰個毒不可耐，又或者反過來你認為，林鄭加葉劉，係香港最靚嘅美女，咦？唔通討論就變咗支持，貼葉劉自拍，就等如支持煲老藕呀？好心啦！我睇緊啲乜呀？

點解大家寧可討論呢啲核突嘢，都唔想再討論更加正經嘅話題？係呢，因為啲垃圾已經臭到冇任何正常討論嘅價值──例如葉劉，同你討論佢十月一號登咗紐約時報篇文好冇？紐約時報呀！好 Grand 呀，睇下佢寫乜？題目係《Hong Kong is China, Like It or not》──咦？既然香港就係中國，咁邱騰華同成班高官，之前投訴乜嘢美國要求你改標籤，要廢 Made in Hong Kong，而改做 Made in China呢？Hong Kong is China, Like it or not──美國反港獨，幫你香港主動改做中國，又唔開心呀？所以做咩要去世貿投訴呀？

美國人睇完葉劉篇文，應該都會問：「我睇緊啲乜？」葉劉篇文最後一段，呼籲外國政府唔應該以西方國家標準，去量度香港，而應該用中國與香港嘅距離──開放、人權、自由、法治來量度喎──美國政府，淨係話以往畀香港特殊待遇，係因為當香港係可以同西方世界睇齊嘅地方！家下你代香港「自認」，話香港唔應該同西方比，只應同中國比？咁所以咪要取消所有特殊待遇囉，去美國幫特區政府倒米呀？一定係身在曹營心在漢啦！（未完，全文按連結，請訂閱壹週刊）

曾經有一份真摯的感情放在面前，但佬編沒有珍惜。

那是毒不可耐的中學年代。佬編睇戲很難感動流淚，但為了要討好那個肯一齊睇戲的初戀對象，結果帶了一支眼藥水入場。

也許是想讓自己看上去感性一點，也可能是FF對方看到自己淚流滿面，會賣大包offer一個愛的抱抱。在催淚位開始的一刻，借著戲院的昏暗，佬編滴了兩滴眼藥水。

滴完之後，無數浪漫場景在腦海掠過。最後流在臉上的，其實不肯定是眼藥水，還是沉溺在戀愛喜悅的感動淚水。就在佬編chok好樣，轉向對象的時候，她乾淨無暇的臉蛋上毫無表情，冷冷地說了一句：「個位咁假你都喊到呀？」

完場後佬編再滴了眼藥水，一刻間頓時醒覺，塵世間最諷刺的霧水情緣莫過於此。希望靠偽裝去打動人，但做回自己才是最有機；本來以為會愛上一個人，最後卻愛上了用眼藥水。那位對象當然沒有留得住，但用眼藥水的習慣卻留了下來。

尤其宜家成日對住個mon，眼藥水總是常備。例如可對抗藍光傷害*嘅樂敦PRO眼藥水，專為使用電腦和手機而設 ，舒緩眼部不適。滴一滴，有時候比愛的抱抱更能reboot自己。

一齊睇下達哥的樂敦一刻：https://www.youtube.com/watch?v=WyZYiRHnGt0

*有效消除因紫外線及藍光等強光刺激而引致的眼部不適、眼結膜充血、因眼部分泌物過盛而引起之視覺模糊及眼睛疲勞

#樂敦一刻 #用一分鐘喚醒自己 #樂敦PRO眼藥水 #全球Ｎo1眼藥水品牌

正所謂「有頭髮邊個想做毒 L」
做埋網絡流傳嘅毒 L 計分表，睇吓自己真毒定偽毒！

#Memo子 #MemoSonBB #毒不可耐 #食咩可以排毒 #1分18嗰位其實係想行多兩步做運動

http://www.facebook.com/lamfungfrances
http://www.facebook.com/tagconcept

【眼皮鞋到冇知覺的人有福了！可能係最快柔軟眼部肌膚嘅精油！】
Odacité PURE ELEMENTS Eye Serum Concentrate 眼部精華濃縮液
Ba+S BAOBAB+SARSAPARILLA 明眸收腫眼部精油 5ml

咪睇小瘋瘋皮膚好到連毛孔都冇個，一講起黑眼圈同眼袋問題，我真係想拎包tempo出嚟喊... 人生於世上試問有邊個臨瞓前唔係舉頭望明月，低頭see個mon架？但好衰唔衰，電話呢家嘢，越㩒就㩒精神，唉搞到老子一星期必有兩、三晚安不到眠... 眼圈股黑勢力日益壯大，毒不可耐，下眼皮仲dry到硬晒軚，冇咗個柔軟感添呀陰公pig！到底我對囧眼要持續毒到幾多歲呢？


雖然瘋瘋食鹽未必多過你食米，但試眼精華一定多過你 j 劉德華！眾所9知啦，老子一年都介紹唔到5款眼部產品，事關我真係巧鬼屎挑剔！美帝Odacité喺TAG Concept已經活躍咗一年有多，拖到最近先試佢支眼精油，純粹係因為我自私，我自己對於拎油搽眼有敏感陰影，就直接skip9咗佢... 較早前代理商再次誠意邀請我試下，仲叫我加埋導入或離子棒用... 就係咁，就速成呢單美瞳事件嘞！


介紹返，Odacité Ba+S含有有機認證麵包樹油、維他命A、維他命E、維他命F及植物固醇，有效改善眼部皮膚老化，刺激細胞內膠原蛋白及透明質酸增生！同時刺激微循環，加強肌膚吸收力，喺肌膚表面形成彈性保護膜，收緊並提升弛已鬆嘅眼部皮膚，令雙眼線條更加鮮明，更加出眾！而且，仲識玩到加入有機認證白千層油菝葜、玫瑰草、橙花、洋甘菊同薰衣草油，具治療及強效消炎殺菌功效，笨且能夠防止油脂粒形成！同時減少幼紋，舒緩眼部浮腫及淡化黑眼圈！


Well，雖然瘋瘋用下用下都幾中意Odacité呢支眼精油，因為滋潤度真係幾高，又冇敏感冇出油脂粒！但其實真正試到佢奧妙之處嘅，並唔是瘋眼！而是有個鼻敏感嘅熟客一個月前入手咗Ba+S，當時佢眼肚位置災難程度係直迫伊滕潤二入面嘅雙一咁... 乾到又鞋又多幼紋，黑眼圈亦相當嚇人！持續用咗三星期，有埋導入嘅加持下，佢眼部肌膚久旱逢甘露咁柔軟返！嗱瘋瘋做證，佢黑眼圈同幼紋係堅有好咗嘅！咁當然未去到K.O.晒咁誇張啦！但同佢之前嘅毒梟慘況相比，起碼似返個向毒品說不嘅正常人先囉！