關於 nee_eat_shatin ，我們在網路上蒐集到這些相關的討論、資訊與評價

💖科學園第一餐廳！半開放空間望住草地食飯飲嘢都好正💕
-
科學園，對我黎講就係n年前來接男朋友放工之荒蕪之地。多年過去，而家第三期都落成埋，好多人好多餐廳，不再荒蕪，但仍然無M記KFC、無譚仔南記（發展令人失望！），所以仍然係沙漠，而當中環境最正，回頭最多的一定就係Hunky Dory！🤓🤓科學園黎講真係數一數二。

最有特色的是它是半開放式的餐廳，接著戶外草地，加上呢度有個不錯的酒吧，在這裡飲嘢特別寫意。平時午後仲有一家大細來食嘢，食完嘢就去草地玩，好正～

呢度有西式同韓式嘢食，之前食過覺得最穩陣嘅係呢度嘅burger ，今次夜晚來就食左威靈頓牛柳～～金黃酥皮包著軟嫩牛柳，中間夾了點磨菇，配菜有焗薯！

呢日其實我剛剛剝左隻好難剝嘅牙，真心痛到喊左，人人都叫我食雪糕，所以點了Homemade apple pie ($58) 配雲呢拿雪糕及焦糖醬，想講個雪糕幾好食🙂🙂，蘋果批似乎都係餐廳自製的，兩者夾埋真係好夾！

好痛所以要飲好凍嘅嘢，我點了Berry paradise ($52)～～～ 好飲，但我算漏左d berry 籽會掉落我的牙洞中😂😂😂😂
————
✅ #nee_eat_shatin
Hunky Dory (沙田)
沙田白石角香港科學園科技大道西19號19W大樓2樓245室
-
㊙️ 剝完牙食呢d! 值的紀念的一餐！
剝完牙點解唔返屋企抖下，仲去科學園？因為我果晚book左去科學園新開嘅serviced apt 試住😂😂結果就係入左去養傷😤😤食飯時四枝麻醉藥藥效未過，還頂到，但再夜d就頂唔順啦，然後食左隻會敏感氣喘嘅止痛藥.... 😅好彩捱過了，沒大礙，感恩！
.
.
.
#科學園美食 #hunkydory #威靈頓牛柳 #科學園

@ Hunky-Dory

💖久違的家庭聚餐！開開心心大小通吃💕
-
假期去沙田同家人食飯，有老有嫩，一定要揀一間坐得舒服又易去嘅餐廳，新城市7樓嘅意粉屋就fit哂我要求👍🏻有升降機到達、有BB椅、有兒童餐、有洗手間、有飯有意粉有薄餅有肉有沙律，份量夠大又啱分享食，可以滿足哂每位親友嘅不同需求😎😎

今次去見到有重新設計的主餐牌，有超多意粉選擇！唔怪得叫做「意粉圖書館」！選了必食之選之一的芝士焗龍蝦尾帶子天使，老人家鍾意食龍蝦🦞呢個意粉賣相好吸引😋醬汁夠多，條條意粉麵掛到汁。

春天餐牌有「seafood delight」，烤海蝦柚子沙律清新醒胃，用木盆盛載，份量比想像中多好多！！！完全唔驚唔夠食，生菜新鮮爽脆，配黑醋汁清爽健康。西班牙海鮮飯和意大利海鮮薄餅，海鮮種類夠多，味濃惹味。

醬燒原條丹麥豬仔骨(710 克)脆薯條·烤菠蘿，係原條豬肋骨，烤出黎唔乾仲有肉汁👍🏻份量巨大夠哂視覺效果，烤菠蘿好食😁

最後有小朋友就一定要點呢個兒童餐啦😌欣賞意粉屋有幾款可以揀，配搭多樣，我呢款有菠蘿火腿忌廉煙斗粉、檸檬蜜糖雞翼、薯條仲有啫喱和水果，配qoo 果汁 （$88），全都是小孩最愛，用埋車車碟，小朋友食得好開心！
————
✅ #nee_eat_shatin
意粉屋（沙田）
新城市廣場一期7樓710 號舖
-
㊙️佛誕之家庭聚會
在沙田食完意粉屋仲可以去snoopyland坐船仔，非常好嘅假日親子活動🎉🎉
.
.
.
#意粉屋 #意粉專家 #沙田美食 #新城市廣場 #newtownplaza @ 沙田意粉屋

💖吃的是芝士火腿卷，嚐的是共同回憶💖
-
一件用方包包著片裝芝士與廉價火腿，再用高溫油炸的高熱量小食，外脆內芝士流心，是NA Can 下午茶名物芝士火腿卷。它在中大人心中的地位，大慨比大學校長要高。我可能忘記教授的名字，卻不會忘記自暴自棄餐。

經營逾20年的NA Can 不敵疫情要結業，吸引好多死老鬼回來見芝腿卷、蛋牛治與紅豆冰最後一面，我也是其中之一，人龍由2:30到4:30都係咁長。

再次重回CU，每個角落都充滿回憶。NA Can於我而言，是救贖。無數晚，因為UC can太難食，所以我寧願行1/4個山去NA Can買兩餸飯返宿食😂這裡也是和莊員開會食tea的好地方，因為我地成日都係在旁邊的MMW上堂。個人對NA有回憶但沒感情，不過當時不知道，將來會偶然遇上名字刻在NA圓形廣場畢業碑上的人，變成今天陪我回來的人。

PS. 雖然紅豆冰是名物之一，但我仍然覺得杯紅豆冰好難飲😂😂
————
✅#nee_eat_shatin
NA can, CUHK
-
㊙️
太多。
.
.

#NAcan #CUHK #中大 #暴大 #芝士火腿卷 #西多 #紅豆冰