「只怕給瞬間遺忘，花光心血是我是我。」
而家香港經濟低迷…苦海求天，我既心情家下
都好肉酸架我…炒股輸到pk，加上阿沙律又話
黎到飛我既時侯，我都行定上去ifc，準備迎接
天國的階梯咖啦。但突然感受到一股星馬氣埸，
原來係由新加坡名廚張偉忠坐鎮既「CaN LaH」
散發出黎，呢刻我放下腳步，靜靜地享受
呢一餐飯，其他野我唔記得lu…👇
-
📌O H, C R A B！
▪ CRAB · BEE HOON - $598
▫ 足足用左8個鐘去熬製既「螃蟹濃湯·米粉煲」
就係今期新推出既重點主角，大廚用上十幾斤
紅花蟹同埋老雞煮到湯底呈現奶白色，再加埋
原隻蟹肉，成個湯底吸收哂天地精華，加上火侯
到位，每一啖湯同埋米粉都鮮甜到不得了；雖然
蟹肉肉質夠新鮮肥美，但都比個湯底搶左個
主角位，而且份量驚人，足以夠3-4人位食用，
一定係性價比之首咖啦！
-
📌S I G N A T U R E -
▪ BLACK NYONYA · KUIH PIE TEE - $88/4pieces
▫ 食得星馬菜一定要娘惹一下，呢個「娘惹
黑炭·小金杯」以沙葛絲、紅蘿蔔絲 、蛋絲、
辣椒醬、生菜、炸燕麥同埋大蝦，由食客按喜好
自己DIY放落黑色竹炭杯仔；連埋一齊食，口感
層次特別豐富，有創意得黎又好食，唔錯。
-
📌M A I N -
▪ MALAYSIA SATAY · SKEWERS PLATTER - $126
▫ 點少得佢地既串燒拼盤「馬來串燒·沙嗲三拼」，
一次過食勻牛、豬、雞肉，每款兩串，各有特色。
而我最鍾意佢個牛肉，肉質爽彈，配搭埋自家製
沙嗲醬，濃而不膩，正！
-
📌V E G E T A B L E -
▪ STIR-FRIED CABBAGE · CRUNCHY FRIED PORK
LARD & GARLIC - $88
▫ 一上枱已經聞到「拍蒜油渣·炒椰菜」陣陣既
香味，經猛火炒過後，油渣中仍然鎖住豐富油脂，
令椰菜食落外脆內軟；配搭埋蒜頭香，份外惹味。
-
📌D E S S E R T S -
▪ NYONYA · KUIH - $68
▫ 最後建議試埋人氣甜品「娘惹糕點·拼盤」，
分別食到「椰糖椰絲球」、「香蘭椰絲球」、
「焗木薯糕」、「蘭花糯米沙拉糕」。每一樣
賣相都係用天然蔬果製成，絕無添加，淨係
呢點都抵讚；而我最鍾意一定係蘭花糯米沙拉糕，
外皮煙韌，味道清新，口感十足呀！
-
📎 CaN · LaH
📍中環港景街1號國際金融中心3樓3075號舖
