之前喺荃灣試完肉餅哥，知道佢地大圍會開分店已經一心決定黎試埋😬～
如果一心係黎食傳統肉餅，好抱歉呢度未必滿足到你😌，因為呢度大多數都係fusion野，可以話係奇怪但亦好創新的combination😜～
可能亦因爲咁，特別吸引中意新鮮感的香港人👥，好似今日隊長B就等左15分鐘先坐到入去，排隊嘅人都算多👀。
不過好彩大圍分店比荃灣店大好多，座位亦舒服好多，無上次食得咁大汗淋漓😅⋯
本來見到餐牌有新組合，好似咖啡煉奶同好立克肉餅咁🥛，不過隊長B和她的隊員W都未有膽量嘗試🙈⋯強力烈議餐廳將呢4種口味整成4合1口味，一定會大賣哈哈👑！
-----------------------
言歸正傳，講番今日叫嘅款式先💁🏻～就係呢個鮮味蟹粉肉餅同墨汁魷魚肉餅🌟～等肉餅之際，飲啖湯濕濕口先，冬瓜湯好清甜消暑，果然老火～
蟹粉肉餅好有咸香蟹黃味🦀，蟹粉好多而且鮮味滲到肉餅之中，好惹味！
墨汁魷魚肉餅就有好香魷魚味🦑，雖然墨汁supppse 無咩特別味，但因為好多魷魚粒，不是土魷，所以都好好味好送到飯🍚！
另外叫多左個海皇煲，其實即係雜菜煲🥗，不過有海鮮配料，家常便飯style 唔能夠期望太高，當普通食飯有個菜食下啦🤷♀️～
---------------------------
好味指數😋：7/10
翻啅指數🙆🏻：7/10
人均消費💰：10-99
服務態度👨🏼🍳：7/10
乾淨指數🌝：6.5/10
---------------------------------------
肉餅歌小炒料理
大圍美田路30號美林邨熟食亭5-8號
------------------
#相機食先 #美食#食好西 #食物 #hs廣東菜 #hs大圍女 #大圍 #廣東菜 #肉餅#小炒#蒸肉餅#foodporn#foodreview#hkigfood#foodiehk#hongkongfood#hkfood#foodhk#hkblog#hkfoodblog#seafood #cantonese #hs搵食重點
