撈貨博騰訊業績有食要食
11月13日，多雲，短暫時間有陽光及乾燥，間中有一兩陣雨，北風下天氣有啲涼。美國疫情何止反彈，近日係迅速惡化，確診數字連日新高，市場焦點再次聚焦新一輪封鎖會否執行，並對經濟所帶嚟嘅影響。美股隔晚受壓，道指跟標指跌1%，納指早段上升，無奈收市亦要跌0.65%。
雖然日前輝瑞與德國夥伴BioNTech公布疫苗開發取得重大進展，但有監管機構文件顯示，喺宣布疫苗研發進展同日，輝瑞CEO沽出價值560萬美元嘅輝瑞股份，呢個舉動反映好消息出貨幾時都適用。其實疫苗由通過FDA審批，至有限度生產再發展至量產，亦要一年半載時間，有專家預計最快要至明年下半年，疫苗先可以量產提供予普羅大眾，即係仲有一段較長時間，疫苖對普通人嚟講仍然係遙不可及。再加上近日疫情喺歐美地區反彈，睇嚟無乜可能因為疫苗成功研發，全球可以迅迪回復至疫前世界。至於另一間藥廠Moderna即使表示其疫苗測試已收集到足夠資料，可以開始進行分析，但疫苗量產仍然遙遙無期。
市場消化疫苖面世消息，而疫情實際上繼續惡化，連聯儲局主席鮑爺亦表示喺疫情影響下，美國經濟復甦唔均衡，目前評估疫苗對經濟前景影響言之尚早，經濟未來幾個月仍要面臨極大挑戰。與此同時，白宮表示退出一輪刺激經濟方案談判嘅主導角色，交由參眾兩院自己傾落去，少咗白宮作協議，睇嚟經濟刺激方案亦難以喺明年初落實。
美股隔晚偏軟，港股ADR跟夜期跟跌，就連交出一份優於市場預期成績表嘅騰訊(00700) 股價及相關新聞 ADR亦回落。不過騰訊業績確係飲得杯落，今年第三季股東應佔盈利按年增長89.09%至385.42億元人民，創新高，尋日北水大手掃貨淨買入27.65億港元，加埋前日兩日掃貨95.2億港元，似乎北水又有春江鴨。不過喺內地準備收緊網絡小額貸款監管，擺到明唔贊成科技企業將手申埋去金融嗰一瓣，但騰訊則表示集團發展金融科技業務的策略不會因此大變。
相對阿里(09988) 股價及相關新聞 掌舵人馬雲，騰訊嘅主腦人物一值循規蹈矩，而公司表示本來就恪守監管要求及審慎管理風險，甚至因此刻意控制借貸及財富管理等金融產品規模，況且招牌小貸服務「微粒貸」本來就由騰訊持股嘅持牌銀行微眾銀行提供，暗寸螞蟻並非正規持牌銀行。而公司時刻強調尊重監管，同時會與監管機構緊密溝通、合作，確保業務處於監管框架內，一定會做個乖孩子，跟馬雲衰多口得罪阿爺大相徑庭。而騰訊嘅核心業務為社交廣告、視頻遊戲等，故監管實際上未對公司整體業務帶來太大影響，呢個亦係大行認為監管指南對騰訊影響有限，甚至毫無影響。
不過早兩日騰訊股價急挫至550元水平，若然有膽色跌市撈咗貨博業績，今日股價再度逼近600元，短炒兩日一成升幅都好應該食糊，有食唔食，罪大惡極，更何況近日市況波動，重磅科技股動軋上落幾個巴仙，升嘅時候沽貨，急跌撈貨，靈活走位先係呢期對應波動市況嘅上上之策。
古天后
#300likes30shares #古天后 #古天后日誌 #頭條財經網
利益申報 :
筆者為證監會持牌人，於本文章刊登之時，筆者個人或/及其客戶可能隨時買入或賣出相關證券及衍生工具。
免責聲明 :
本網頁純屬個人網誌，一切言論並不構成任何要約、招攬、邀請、誘使或任何建議及推薦。讀者請獨立思考及自行作出投資決定，如因相關言論或文章招致任何損失，概與本網誌或本人無關。
依家我嘅聊天室已經停止免費試用, 直接課金入來聊天室啦：https://bit.ly/2BmeAhZ
立即下載秒投：https://link.stockviva.com/L9J41qUp01
對聊天室有任何疑問，可以直接聯絡秒投小編：電郵 cs@stockviva.com
注意：本人僅在 "秒投App" 及其網站內開設聊天室，本人並沒有與其他網站，或以外的平台，開設過任何通訊群組，亦沒有任何所謂的「私人whatsapp 群組」「Telegram 群組」等等，為保障大家利益，切勿加入任何類似群組。
