關於 300likes30shares ，我們在網路上蒐集到這些相關的討論、資訊與評價

【盤房來料】累積升幅巨大熱股 短線震盪屬正常調整

投資者喺拜登下周就職前表現審慎，美股隔晚先升後回，港股今早低開102點，報28394點係半日低位，其後港股掉頭回升，最多升170點，見28667點半日高位，創1月20日後高位，但A股高開低走，港股升幅縮水，至中午收市恒指升幅更不足1點，報收28496點。國指半日跌11點，報收11287點；恒科指中午報收145點，報8749點。

侵侵仲有不足一個星期離任，但對中國毫不鬆懈，繼續狙擊內地企業，將小米(01810)等9間中資企業列入美國制裁名單，加上A股企唔住，港股半日表現反覆。藍籌股中以小米表現最差，半日跌近11%，小米低開後一度由29元開市低位反彈至30.5元，但30元樓上沽盤不絕，終令小米半日重返低位。

阿Man對小米前景仍充滿信心，加上按互聯互通嘅數據，北水持有超過一成小米，其實小米自上市以嚟，外資都唔多睇好小米，外資持有小米唔算多，而當中美資所佔份額更少，即使按侵侵嘅行政命令，美資基金或美國投資者，要喺今年11月11日前沽清所有被列實體名單嘅制裁股份，但小米嘅主場係北水，只要北水守得住，甚至給力再掃貨，小米跌至現水平，接近50日線28.33元料有強大支持。如果未有小米嘅缸邊友，依家係建倉嘅大好機會。

不過今日話晒係周末前夕，再加上下周拜登就職前，投資者態度傾向審慎，小米要消化被制裁呢個負面消息都要啲時間，但只要小米守得住28元，應該無乜大礙。小米嘅業務有錢途，基本因素亦無乜變，阿Man仍有信心小米今年市值可向萬億推進，即係小米股價要見40元唔係大問題。短期震盪並唔會打亂阿Man對小米嘅中長線投資計劃同部署，30元樓下嘅小米絕對係建倉好機會。

至於其他藍籌股個別發展，今日輪到友邦(01299)回升2.5%，騰訊(00700)跟阿里巴巴(09988)分別升00.6%及2.6%，齊齊撐起大市。傳統股今日搶晒風頭，尤其係內銀股，今日有資金湧入，郵儲行(01658)獲「畢非德接班人」李祿旗下喜馬拉雅資本增持，中午大升10.9%；招商銀行(03968)去年多賺4.8%，中午亦彈高5.6%；四大國有銀行升幅由0.7%至2.5%不等。不過阿Man對於內銀股忽然強勢都係無乜感覺，暫時內銀股仍未能吸引阿Man眼球。

市場對新能源股熱情冷卻，之前愈係炒得勁嘅新能源股，呢幾日跌得愈厲害，福萊特玻璃(06865)連跌六日，半日再跌4.8%，信義孖寶亦腳軟，信義光能(00968)半日跌3.3%，細寶信義能源(03868)亦跌4.6%。風電股亦不能倖免，閒閒地跌2%以上。除咗新能源股之外，之前一齊熱炒嘅汽車股，今日跌幅亦顯著，吉利(00175)、長汽(02333)跟東風(00489)半日齊齊跌6%。對於呢幾日汽車股跟新能源股嘅回吐，阿Man視之為正常調整，相關股份短線累積巨大升幅，喺下周拜登就職前，缸邊友減持好正常。衝量好持貨能力及好好管理風險，即使面對短線震盪，亦可以從容面對。

麥狄文
#300likes30shares #麥狄文 #盤房來料 #信報網
利益申報 :
筆者為證監會持牌人，於本文章刊登之時，筆者個人或/及其客戶可能隨時買入或賣出相關證券及衍生工具。
免責聲明 :
本網頁純屬個人網誌，一切言論並不構成任何要約、招攬、邀請、誘使或任何建議及推薦。讀者請獨立思考及自行作出投資決定，如因相關言論或文章招致任何損失，概與本網誌或本人無關。

依家我嘅聊天室已經停止免費試用, 直接課金入來聊天室啦：https://bit.ly/2BmeAhZ
立即下載秒投：https://link.stockviva.com/L9J41qUp01
對聊天室有任何疑問，可以直接聯絡秒投小編：電郵 cs@stockviva.com
注意：本人僅在 "秒投App" 及其網站內開設聊天室，本人並沒有與其他網站，或以外的平台，開設過任何通訊群組，亦沒有任何所謂的「私人whatsapp 群組」「Telegram 群組」等等，為保障大家利益，切勿加入任何類似群組。

侵侵臨走都要執小米一劑, 小米難得有特價, 30樓下唔買就笨, 穿28打靶, 兩蚊唔使博上面40, 咁嘅值博率, 唔係唔掃呀.......BTW 我U咗29入

小米美資持貨有限 控制權仍在北水手

　　1月15日，大致天晴乾燥，但部份地區有煙霞，氣溫回升至20度以上，留意回暖一兩日，周日氣溫又再度下降。有消息指拜登計劃推出規模近2萬億美元紓困方案，並就其刺激經濟計劃發表講話，美股三大指數先升後回，跌幅由0.12%至0.38%不等。

　　侵侵離佢卸任總統之職只有一星期唔夠，但仍積極打擊中國企業，令中美關係持續緊張，美國國防部周四宣布，將小米(01810) 股價及相關新聞 、飛機製造商中國商用飛機(COMAC)等9家企業，列入涉嫌與中國軍方有聯繫的黑名單之中。小米ADR股價急挫至30.63元，今日小米如果有30樓下，又係特價掃貨好機會。有別於之前已被制裁嘅中海油(00883) 股價及相關新聞 及中移動(00941) 股價及相關新聞 等，小米本身係由內地資金主導，單係透過互聯互通基制嘅北水持貨已超過一成，而大部份街貨都係由內地基金持有，莫講話美資，即使其他外資，持有小米嘅貨好有限。換句話講，即使拜登上場後，仍維持相關禁令股嘅行攻命令不變，美國投資者要喺今年11月11日前清倉，美資要沽嘅小米仍有限，唔似得中海油跟中移動，外資尤其美資持重貨，而北水喺呢幾日掃完貨持有嘅貨都只有5-7%。

　　更何況小米今時唔同往日，由一隻單係做手機嘅硬件股，演變為IoT股，IoT嘅概念一直受到內地資金追捧，而手機業務方面，小米近呢一兩年嘅市場份額亦不斷提升，尤其印度市場發展理想，管理層對三大業務發展樂觀，今年積極擴展其線下分銷渠道，預期通過改善產品組合及分銷渠道，智能手機業務可於國內外取得更多市場份額。小米為咗鞏固市場地位，高端手機產品定價將更加進取，毛利率料保持喺相對穩定嘅高個位數水平；物聯網業務亦有望在今年恢復增長。古天后對小米前景仍充滿信心，30樓下嘅小米絕對買得過，如果錯過咗舊年小米嘅升浪，無貨想建倉，今日就係好機會，30樓下仆倒買，最多穿28，失守50日線打靶，兩蚊左右博上望40樓上，小米今年萬億市值為目標，呢條數咁簡單易計，唔係咁都唔衝呀。

　　古天后

#300likes30shares #古天后 #古天后日誌 #頭條財經網
利益申報 :
筆者為證監會持牌人，於本文章刊登之時，筆者個人或/及其客戶可能隨時買入或賣出相關證券及衍生工具。
免責聲明 :
本網頁純屬個人網誌，一切言論並不構成任何要約、招攬、邀請、誘使或任何建議及推薦。讀者請獨立思考及自行作出投資決定，如因相關言論或文章招致任何損失，概與本網誌或本人無關。

依家我嘅聊天室已經停止免費試用, 直接課金入來聊天室啦：https://bit.ly/2BmeAhZ
立即下載秒投：https://link.stockviva.com/L9J41qUp01
對聊天室有任何疑問，可以直接聯絡秒投小編：電郵 cs@stockviva.com
注意：本人僅在 "秒投App" 及其網站內開設聊天室，本人並沒有與其他網站，或以外的平台，開設過任何通訊群組，亦沒有任何所謂的「私人whatsapp 群組」「Telegram 群組」等等，為保障大家利益，切勿加入任何類似群組。

差啲漏咗我呢個蘋果專欄添, 今日有印刷版出呀)))))))))))))))))))))))

丘鈦科技分拆業務有利長遠發展

丘鈦科技（1478）公佈，去年12月份攝像頭模組銷售數量3,720.5萬件，按月增長6.4%，按年則減少1.3%；指紋識別模組銷售數量1,030.4萬件，按月減少1.4%，按年則增長6.3%。攝像頭模組產品銷售數量按月減少，主要係肺炎疫情影響，令智能手機出貨數量下跌及智能手機供應鏈中關鍵件供應仍然不足；按年增長主要是由於客戶項目周期因素。另外，指紋識別模組產品銷售數量按年增長，主要係集團喺指紋識別模組業務嘅市場份額有所提升。

丘鈦科技2020上半年嘅業績表現理想，營業額及股東應佔溢利達到88.02億人民幣及3.36億人民幣，較去年同期分別上升73.9%及85.5%，毛利率則維持在8.3%，外界普遍認為其上半年業績理想。

從丘鈦科技最近嘅營運數據反映，集團最壞情況已成過去，踏入2021年，相機模組增長受到Android手機付運量復甦、小米（1810）及三星嘅市佔率及產品組合更佳；而持續嘅主鏡頭升級，以及更多四攝像頭手機設計所帶動。雖然集團產品平均售價下跌，以及疲弱嘅美元表現對公司有所影響，但基於更佳付運量，公司今年相機或指紋模組付運量增長預測仍獲調高。

另外，丘鈦科技早前公佈，計畫分拆旗下昆山丘鈦中國於內地A股作獨立上市，該公司主要從事設計、研發、製造及銷售應用於手機、汽車及物聯網等智能移動終端嘅攝像頭模組。市場人士普遍睇好有關決定，認為分拆附屬公司上市所得壽集所得資金，將可令集團聚焦喺產品研發及產能建設方面，有助持續提升集團嘅市場競爭力，利好其長遠發展。考慮到丘鈦嘅攝像頭模組業務可能佔2021年度淨利潤的近88%，分拆將對其於港股上市股份估值產生正面影響。

另外，內地晶片短缺情況可於本年首季有所紓緩，惟僅為短期影響，預料手機攝像模組出貨量改善，可帶動銷售價格有較好的增長。受惠未來全球產業復甦，手機出貨量上升將繼續有利丘鈦產品銷售，料集團增長將有望持續，加上集團預期將會分拆旗下業務喺內地上市，可成為股價短線催化劑，現價吸納，跌穿12元止蝕，上望目標價17元。

古天后
#300likes30shares #古天后 #點止冧巴咁簡單 #蘋果日報
利益申報 :
筆者為證監會持牌人，於本文章刊登之時，筆者個人或/及其客戶可能隨時買入或賣出相關證券及衍生工具。
免責聲明 :
本網頁純屬個人網誌，一切言論並不構成任何要約、招攬、邀請、誘使或任何建議及推薦。讀者請獨立思考及自行作出投資決定，如因相關言論或文章招致任何損失，概與本網誌或本人無關。

依家我嘅聊天室已經停止免費試用, 直接課金入來聊天室啦：https://bit.ly/2BmeAhZ
立即下載秒投：https://link.stockviva.com/L9J41qUp01
對聊天室有任何疑問，可以直接聯絡秒投小編：電郵 cs@stockviva.com
注意：本人僅在 "秒投App" 及其網站內開設聊天室，本人並沒有與其他網站，或以外的平台，開設過任何通訊群組，亦沒有任何所謂的「私人whatsapp 群組」「Telegram 群組」等等，為保障大家利益，切勿加入任何類似群組。