【單身既人點解會單身，大部份原因都係因為你太自大】
咁耐以黎我寫過好多篇關於單身既文，其實單身有好多原因，部份人係寧缺勿濫，覺得唔啱唔夾就拒絕，佢地冇錯架喎！之但係有啲人就有性格問題，例如太高要求或者咩都驚一餐，今次要針對單身又恨出pool既女仔，講一個大家可能唔為意既原因之一 ─就係太有自信喇！咩話？驚又唔得，有自信都唔得？係太自大唔得！之前喺台灣dcard一篇文就有提到少少，我黎延伸啲去講啦。其實正常女仔一直冇人追其實都幾少，不過如果犯左以下性格問題就要改一改喇：
1. 褦襶加痴肥：成日自豪於自然先係靚，懶得打扮，褦褦襶襶，仲要話化妝既女仔係八婆就...仲有痴肥問題嚴重，有健康隱憂仲係咁食野，唔肯做運動減肥，覺得人地係笑唔係幫
2. 身邊既好朋友都係靚女，以為痴住佢地可以得到男仔留意，唔清楚自己條件，性格公主病。其實被隱形率+200%，男人既注意力只會放喺靚女身上
3. 中意嫌呢樣嫌嗰樣，睇咩都唔順眼，只係識批評
4. 中意圍埋八婆講人閒話，把口臭過屎坑，做壞事多過好事
5. 每日一落堂/放工就返屋企，不屑同唔同階層、背景既人玩，識少左好多人
6. 平時比女閨蜜寵得多，冇乜同男人交流過，所以成日覺得女人大曬，男人要當女人女王咁錫，搞到冇男人想接近自己
7. 表情問題，無時無刻中意西面，冇人夠膽埋身
8. 覺得自己冇人追，因為追佢既的都唔係人，將人地當兵咁玩
9. 拎其他女仔受到既待遇出黎比較，希望男生照辦煮碗咁對待佢，自己又對人差
10. 只係對中意既男仔超好，其他都當垃圾咁踩
事實上女仔只要外表普通、身材正常、個性ok、人際互動ok就一定會有人追。體重超過70kg既女仔都有人愛啦，只要唔好太自大，目中無人，勇於面對自己既問題就唔使擔心架喇。
運動減肥dcard 在 減肥運動 - Dcard 的推薦與評價
大家都知道減肥除了不吃宵夜，戒炸、手搖飲料，戒點心零食，多喝水，然後少吃多動，但是到底有什麼運動，可以一直持續下去不會偷懶，肉肉的女子想請問板上大大，在家裡 ... ... <看更多>