其實話石牆花「壟斷」探訪物品供應，係真係好可笑。而家入監嘅物品，嚴格規定牌子、型號、重量等標準，甚至相差一克，都不能入。
就好似懲教規定還押男士只能使用「LUX藍色，80 克裝」，你不妨試下去藥房或超市搵下，呢款藍色 LUX 唔易搵。又好似還押人士可以入嘅魷魚絲，規定要係「金龜嘜 7 克」，七克一包嘅魷魚絲，到底可以去邊度買？入到漆黑嘅貨倉都搵唔到七克魷魚絲啦。
有次朋友想買 M&M’s 入倉，點知買錯 45g 泰國包裝，當時懲教規定係 40g，咁就無得入，可能要自己食晒。到到後來連廠商都唔再出 40g 包裝，幾經傳媒報道，懲教先肯將包裝規定改番去 37g，但單係 37g vs 40g 呢個 3 克差別，卻只有一個月過渡期，之前準備咗 40g 包裝嘅人，要喺一個月之內入晒倉，否則要自己食晒。至於「祝君早安」毛巾，更似黑色幽默故事劇情，專登陰人。
正正就係因為啲規定咁死板，先要石牆花幫囚犯家屬張羅物資。如果懲教個規定唔係咁過時死板，人哋就唔駛為撲物資入倉而大費周張。
其實最好「瓦解」石牆花嘅方式，唔係日日批鬥，而係要更改獄政，與時並進，容許一啲超市能輕易買到嘅物品作為許可物品，咁石牆花就唔會好似鄧局長所謂嘅「壟斷」物資供應囉。
話時話，據稱不少監獄外圍長年以來有商家「壟斷」物資供應，甚至有報道指出有人長期濫用懲教設施內嘅 lockers 存放物資圖利。
當局唔出嚟整頓一下？
藍晒圖故事 在 趣活藍晒圖- 【#趣展覽｜簡文仁「台灣風景」個展 】 當走過高山 的推薦與評價
趣展覽｜簡文仁「台灣風景」個展 】 當走過高山，走過鄉村你是否都會想起些什麼在每個城市的角落總有些令人忽略的故事這些故事慢慢隨著時間的流逝也將消失的無影無蹤 ... ... <看更多>