❣️甜姨姨私房甜品
🔍銅鑼灣耀華街11號地舖
-----
呢間香港人開嘅「💛黃姨姨」，sorry係「甜姨姨」🤣，近月係銅鑼灣聰嫂舊址開咗新分店，琴日喺時代廣場行完街，就順道過去拜訪一下。
光猛新淨嘅店舖裝修、望落好整潔，下晝3:30左右嚟到，已經要排一陣隊，人氣非常。
以前最鍾意去佢哋嘅天后店食木桶豆腐花🥄，今次嚟到銅鑼灣店，一如既往地叫咗木桶豆腐花之外，亦都試咗佢哋嘅本月主打刨冰❄️。
🤴🏻小王子Jaden刨冰($138)：
呈現夢幻粉藍色嘅小王子刨冰令人一見傾心，搞到👶🏻B仔影完一輪港女相之後，先捨得落手落口食第一啖🤣。由於驚藍色係色素，特地問一問店員，先知道藍色係黎自佢哋加入咗天然碟豆花，絕無額外色素，令人放心食用。
✨夢幻嘅冰山上面，有小王子米紙畫、小皇冠及大量金色小星星，除咗小皇冠之外，其他全部都可以食用。另外仲配上一杯仔香芋汁，比大家撒在冰上調味🥄。
由上而下，一層一層吃過去，先是口感綿綿、入口即化嘅刨冰，冰裡面則藏有椰味香濃嘅椰絲脆脆🥥，食食下到達底層，就會見到芋頭粒、芋蓉同西米露，層層都非常有驚喜，尤其係椰芋交融嘅底層更係令人唔捨得完結，整體有顏有味道，出色。
-----
👶🏻B仔整體評價：8/10個👍🏻
👶🏻B仔抵食程度：6.5/10個👍🏻
👶🏻B仔環境評分：7.5/10個👍🏻
👶🏻B仔味道評分：9/10個👍🏻
👶🏻B仔回頭機會：9/10個👍🏻 💛
-----
#swallowhongkong
跟住我一齊吞食香港啦！🤤
#swallowcwb
聰嫂甜品分店 在 聰嫂私房甜品 - Facebook 的推薦與評價
聰嫂 私房甜品。 ... 呢排天氣咁熱，最啱就係食返個脆筒消暑，而家嚟聰嫂外賣仲要有優惠添！ ... 即日起，喺灣仔店／銅鑼灣分店提前一日(或更早)叫＃外賣送貨 ... ... <看更多>