關於 海底撈香港結業 ，我們在網路上蒐集到這些相關的討論、資訊與評價

【#大歡戈】 咖喱牛腩飯賣相睇落幾好🙈😍

►看全文 https://bit.ly/3st7tdG

#灣仔大歡戈 #連鎖食店 #海底撈 #記者實試 #港式快餐 #食玩買 #01飲食 #好食玩飛 #香港01
---------------------------------
🐉 Monster Hunter RISE攻略獵人必讀
► https://hk01.app.link/8ZcvylKgHeb
🧐 消委會家電評測／使用保養貼士／買前必看
► https://bit.ly/3pwJozV
😎 iPhone 12 SE2最新消息／功能合集
► https://bit.ly/33cAJe4
👾 PS5＼Switch＼Xbox遊戲情報及攻略
► https://bit.ly/313oUV1
📱 手機教學合集＼一鍵清機＼實用好App
► https://bit.ly/2PbRdek
---------------------------------
下載《香港01》App即睇最貼心數碼生活資訊💪
►立即下載 → https://hk01.app.link/cDzRrmV2vO

《無異之局》荒村異聞（三）
　　
【韋家聰視角】時間返去一個鐘頭前。當時我坐緊無二嘅小型貨車，準備前往「城寨幫」搵一位叫做凌永岳嘅人……希望可以同佢聯手對付狄陀。
　
「阿聰，我知你而家應該係一頭霧水……但放心喇，一程車絕對夠幫你搞清楚狀況。」無二邊踩盡油門邊解釋：「你仲記唔記得有段時間我去咗外國搵關於惡魔同詛咒嘅資料？」
　
「嗯……尾東樓事件之前。」
　
「雖然喺嗰邊只係搵到啲殘缺資料，研究到一半又要趕返嚟救你哋……」無二嘆咗口氣，「但之後我都有搵過唔同嘅專家做分析，包括我師父。」
　
無二其實甚少提起佢師父，對上一次已經係啱啱開始做助手嘅時候（即係半年前）……冇記錯係叫做黃天定，而家好似身處英國過緊退休生活。
　
「最後我得出一個結論──狄陀係古老惡魔，佢同普通惡魔唔同。喺一般情況下，就算你有本事消滅佢嘅本體，佢嘅靈魂依然接近永恆存在。只要佢同其他人類仲有契約連結又或者詛咒未解除，一段時間之後就可以復活……」
　
＝＝＝＝＝＝＝＝＝
《荒村異聞》連載中：
https://www.facebook.com/pg/Echo.of.Heart/photos/?tab=album&album_id=2067100083421797
　
《惡夢島》全集：
https://www.facebook.com/pg/Echo.of.Heart/photos/?tab=album&album_id=1861298627335278
　
《極樂謊園》全集：
https://www.facebook.com/pg/Echo.of.Heart/photos/?tab=album&album_id=1736011713197304
　
【廣告】《無異之初》、《無異之地》各大書局有售！
＝＝＝＝＝＝＝＝＝
　　
「你咁講……即係我哋要先知道狄陀同過咩人訂立契約，再逐一幫呢班人解除連繫……最後先可以消滅佢？」
　
先唔好講成個過程好似大海撈針，就算搵到呢班人，都唔知可以用咩方法解釋連繫。退一百步講，假設真係做到，無二應該早就幫咗我同華哥。
　
「其實唔一定諗計解除，只要殺晒呢批人，然後再殺狄陀亦係一種解決方法。」我透過後鏡見到無二露出一個壞笑。
　
「你……應該唔會咁做？」我唔太確認咁問。
　
「如果我會咁做，仲洗唔洗冒住俾差佬影快相嘅危機揸到咁快？」無二反問：「我之所以帶你去『城寨幫』，就係因為我發現到更有效率嘅方法……」
　
「嗰個凌永岳……真係咁有本事？」
　
「佢嘅實力我其實唔清楚，我只係知佢手上有件特殊工具可以幫到我哋──叫做『斷緣玉』。
　
「斷緣玉？」我腦海浮現一個綠色玉鐲嘅模樣。
　
「傳說中嘅『神器』之一，可以用嚟創造出一個同外界完全斷絕因果連繫嘅結界。只要將狄陀困喺裡面再殺死佢……就可以斷絕所有復活嘅可能性，完完全全咁消滅佢。」
　
「即係最後都要有人喺裡面消滅佢……」
　
「呢層自然會有人負責。」雖然冇講清，但無二明顯指佢
自己。
　
「但我哋貿貿然闖入去，會唔會好似『極樂園』嗰陣咁……受到不歡迎對待？」
　
「所以我先會揀呢個時間，減低俾外人發現嘅風險。」無二解釋：「至於凌永岳最後會點決定……就要睇佢想唔想報仇喇。」
　
「吓？」我不解。
　
「因為『城寨幫』嘅上任幫主就係俾狄陀殺死……而呢個人正好係佢親生老豆。所以無論在公在私，佢都係應該要報仇。」
　
既然係殺父仇人，咁照計佢願意幫手嘅可能性應該好大。但經歷完「極樂園」一事之後，都係唔好事前抱有太大期望比較好。
　
講到呢度，無二已經揸到入界限街。再轉多兩個街口之後，就隨便搵個位置停低落嚟。
　
「大致係咁多……你有冇嘢想問？」落車之際佢突然問。
　
老實講，我腦海裡面嘅疑問足夠寫滿一張紙。但最想搞清楚嘅，當然只有一條。
　
「你突然消失咗一個星期，到底係發生咗咩事？」
　　
雖然一星期話長唔長，但對我嚟講卻係相當煎熬。
　
最初見到佢寫「離港數天」，頭兩日都仲係可以好理性，覺得無二真係有急事所以先行開。但到咗第三第四日，就會開始擔心……佢係咪出咗咩意外？會唔會係「白色秩序」班人終於搵上佢？抑或我喺「極樂園」呢件事上面激嬲咗佢？
　
到咗最後幾日，擔心終於轉化成為恐懼。如果無二真係消失咗永遠唔會再出現，咁即係我要一個人面對狄陀……面對呢個隨時都有能力殺死我嘅惡魔。
　
恐懼感，就係隨住呢個想法越趨強烈。但我擔心嘅唔係自己嘅生命安全，而係如初……我甚至有晚發夢夢見自己去返「極樂園」嘅VIP房，聽到如初喺門嘅另一邊崩潰大喊……
　
我真係好驚自己會先走一步，然後剩低佢一個孤苦伶仃。
　
「反正仲有啲時間，應該夠解釋埋。」無二本身已經想推門出去，但最後又收返手，「我去咗救阿杏。」
　
「救杏姐？」我驚訝。
　
「佢之前咪話自己喺『惡夢島』做緊嘢……結果嗰邊出意外搞到一鑊粥要我執手尾。」
　
「即係呢張紙係佢留低？」我喺銀包裡面拎出當日貼喺辦公室門口嘅紙條，然後遞俾無二睇。
　
「既然畫得心心，咁九成係。」無二無奈咁講：「雖然話救，但成個過程我都係半被迫嘅狀況下幫手，所以就連電話都用唔到……大致係咁，要完完整整解釋嘅話應該要講到天光。」
　
「嗯……」
　
「咁你呢個星期有冇偷懶冇練習？」無二所指嘅當然係「萬化紙」。
　
「你畀我嗰本已經用完……本來已經準備上辦公室拎本新嘅。」我回應。
　
呢個係事實。無二消失嘅呢段時間，我只有練習嗰陣先可以清空思緒。我想盡快提高自己嘅實力……等喺最壞情況來臨嘅時候有能力一博。
　
「嗱，呢度仲有半本，遇到特殊情況就用住先。」無二喺車箱裡面拎出半本然後交俾我，「行喇。」
　
「但咁夜會唔會驚搵佢唔到？」
　
「哈哈，冇問題喇……我直覺認為佢同我哋一樣都係夜鬼嚟。」
　
畫面一轉，我哋已經嚟到寨城公園外圍。因為已經就快凌晨十二點，所以周圍基本上係一個人都冇。而寨城公園過咗十一點係會關閘，所以正常係入唔到去。
　
「我哋係咪要偷入去？」我望向圍欄裡面，「唔知裡面有冇保安睇住……」
　
「唔需要，我哋喺外圍入去就得。」無二將一個酒杯墊交俾我，「你先背咗呢組數字，等我搵個合適嘅入口。」
　
等我接過杯墊之後，佢邊行邊繼續解釋：「『城寨幫』本身係一個大型結界，每晚十二點就會更改一次『通行密碼』，如果唔知密碼格硬闖入去嘅話應該馬上就會俾人發現……情況就好似上次『極樂園』咁樣。」
　
「係杏姐畀呢個密碼你？」我嘗試將前面提到嘅事串連埋一齊，最後得出呢個想法。
　
「嗯。」無二點頭回應，伸手掂落一道石牆，「應該係呢度喇。你過嚟，好似我咁做。」
　　
我行過去，學佢咁伸出左手掂落石牆，一開始係完全冇事發生。好彩附近冇人，唔係夜媽媽睇落成個畫面應該係幾詭異。
　
「密碼係咪已經記住咗？」佢問。
　　
「記得……4117891。」我喺佢面前背一次，「一陣我哋係咪會穿過呢道牆？」
　
「穿過？」無二一笑，「當然唔係，你唔好放手……慢慢擰轉頭望下後面。」
　
我轉身一望，赫然發現身後公園居然變成一片空曠嘅大平地，而且前方一望無際，一棟建築都見唔到。當我仲驚嘆緊變化太大嘅時候，左手嘅粗糙觸感突然起變化。
　　
望返正面，可以見到石牆開始化成飛灰，最後眼前出現一條道路，而路嘅左右兩側係約莫十層高嘅舊式樓宇。抬頭一望，仲可以見到大廈外圍鋪滿咗鐵皮、廣告牌、左穿右插嘅電線以及各式各類好似隨時都會跌落嚟嘅僭建物。
　
「佢哋……」我一睇到呢度即刻恍然大悟，「將成個城寨複製咗喺結界裡面？」
　
「冇錯。」無二將一包香口膠遞俾我，「你拎一舊咬住，呢個係用嚟隱藏氣息。今次太趕……等有機會我再教你點樣唔用道具自己做到。」
　
準備就緒後，我哋開始沿住大街深入「城寨」嘅中心。
　
「你呢個年紀……應該啱睇唔到舊城寨嘅清拆。」
　
「嗯。」我行咗陣終於注意到有路牌，上面寫住「大井街」，「你呢？」
　
「我嗰陣喺孤兒院同外界隔絕所以都完全唔知呢件事……係十幾年之後先有機會睇返『城寨幫』嘅發展史。」無二開始娓娓道來：「當年中英兩個政府傾緊要拆城寨嘅時候，內部當然有好多不滿聲音。但見呢件事似係勢在必行，所以當時勢力最大嘅凌氏同董氏決定放低分歧，再聯合其他派別組成一個大幫會，決心進行『拯救方案』。佢哋花咗一堆人力物力，邀請咗好多有能人士，過程中仲死咗唔少人……結果用咗一年時間，喺清拆開始前將成個九龍城寨完美複製喺一個結界裡面。」
　
我哋由大井街轉入龍津路，可以見到兩側都有唔少騎樓。一種猶如去咗片場嘅感覺油然而生，又彷彿好似回到過去咁。可惜係夜晚而且燈光唔夠，唔係肯定可以發挖到更多特別嘅地方。
　
「如果係當年，呢條街道應該時時刻刻都係好熱鬧。」無二繼續解說：「因為當年政府有做好安置計劃，所以大部分原居民就算知道有個複製城寨，實際願意留低嘅人都唔多……反而後期吸引咗唔少喺外地逃難嚟嘅人住喺度，一路加加減減，而且應該有五六百人仲住喺度。」
　
講到呢度，佢再轉入一條窄巷。因為呢條巷更加暗，所以感覺無二係有確實目標先會選擇呢條路。
　
「你真係知道凌永岳而家喺邊？」
　
「身為一個老闆，每次見客前當然係做足準備。」無二轉彎走入其中一座大廈嘅後門。
　
我哋先上一層，再行完筆直嘅長走廊，最後嚟到大廈嘅中庭位。其實我離遠已經見到一個疑似攀石場嘅巨型石板，直到行近先更加確認自己冇睇錯……
　
「但呢度唔係攀石場咩？你會唔會搵錯地方……」我不安咁問。
　
「放心喇，阿聰，係呢度冇錯。」無二微笑道：「嗱，佢果然喺度。」
　
當我行到可以見到攀石場正面嘅位置，終於見到有個著住黑衫嘅後生男人，呢刻佢單手握實岩點，一注意到我同無二就即刻鬆開手直接跌落地面，明明離地差唔多四五米高，但佢卻沉穩落地。單憑呢一下，我已經肯定佢唔係普通人……
　
換轉係我，肯定已經斷腳起唔返身……諗到呢度，我不禁回想起中學打籃球俾人踢斷腳嘅不愉快經歷。
　
「我知道你係邊個。」男人抬起頭望向無二，「你就係無二。」
　
「冇錯。」無二回應：「城寨嘅少幫主凌永岳，我今次嚟係想搵你傾下合作。」
　
「合作……做啲咩？」凌永岳皺起眉頭問。
　
「對付我哋嘅共同仇人……狄陀。」
　
凌永岳聽完眉頭皺得更深，隔咗陣先再講：「呢幾年我已經聽過類似嘅說話差唔多十次……幾乎每一個人嘅目的都係想利用我。」
　
「你既然知我係邊個，就應該清楚我同其他人唔一樣。」無二接住講，雖然佢一臉自信，但從我角度睇其實係好冇說服力。
　
凌永岳聽完並冇即時回應，而係行埋去執起地下嘅水樽，再從旁邊嘅樓梯行上嚟，最後嚟到我哋面前盯實無二講：
　
「齋講係冇用，我只會憑自己雙眼睇清楚你係咪可信。」
　
「咁你即管望呀。」
　
佢哋再次盯實對方，呢刻氣氛突然變到咁僵，等我仲以為呢個計劃又會失敗收場，但我錯了……
　
幾秒後，凌永岳轉身行入走廊同時講：「跟我嚟。」
　
雖然好意外，但我當然冇發呆企喺度，跟住佢同無二繼續行。
　
「你哋點解會知道『城寨』嘅密碼？」凌永岳突然問。
　
頭先近距離再望清楚，可以確定佢嘅年紀應該比我細，大約係二十出頭……難怪會叫做「少幫主」。雖然唔知佢要面對啲咩，但感覺壓力肯定係相當大。
　
「係仇雪杏俾我。」無二如誠回答。
　
「杏姐？」從佢呢個反應，證明佢都係識得杏姐，「我同佢對上一次聯絡已經兩年前，佢呢期過得好唔好？」
　
「唔計俾人開槍射中嘅話，都算係過得唔錯嘅。」
　
「吓？」凌永岳一臉錯愕，「點解嘅？」
　
其實我嘅反應都係一樣，睇嚟「惡夢島」發生嘅事應該係相當嚴重……
　
「一匹布咁長，我建議你主動打畀佢……佢而家應該幾得閒，應該好方便同人傾電話。」
　
「哼，」凌永岳打側身望咗我一眼，「咁你旁邊呢個人係邊個？」
　
「韋家聰，我嘅助手。」無二回應：「佢就係狄陀想解決嘅對象。」
　
「唔好怪我直接，感覺阿聰並唔算係一個特別嘅人……點解你會想幫佢？」
　　
「對你嚟講唔特別，但對我仲有其他人嚟講就唔同。」
　
「無二……」我聽到呢度有啲意外。
　
「至少佢平時出去做清潔係幾勤力，幫咗我唔少忙。」
　
就好似被潑冷水一樣，頭先一瞬間嘅感動當堂煙消雲散。
　
凌永岳帶我哋行返出龍津路，走咗大約半條街嚟到一座叫做義學大樓嘅地方，最後去到大樓入面嘅其中一間房。
　
呢間房並唔大，左右兩側擺咗兩個擺滿書嘅書櫃。而正前方係一張書台，雖然書台上面擺咗好多嘢相當凌亂，但我馬上就俾一張地圖吸引住……同之前喺無二辦公室見到標住「異地」嘅地圖款式係一模一樣。
　
「頭先喺外面講嘢唔太方便……呢度會好好多。」凌永岳解釋：「直接入正題喇，你哋嚟得搵我，應該係想借我嘅『斷緣玉』去對付狄陀？」
　
「冇錯。」
　
「咁我就先從結論講起……可以，但你哋要先等半個月。因為我喺『城寨』呢邊仲有事處理緊，而且『斷緣玉』呢刻都唔喺我身上。」
　
「當然冇問題，反正呢件事已經纏繞咗好耐，唔差在多半個月……」無二回應，我點頭表示同意，冇諗過事情會咁順利？
　
「但就算你哋得到『斷緣玉』，狄陀一日唔現身你哋都係解決唔到佢。」凌永岳接住講：「據我所知，佢而家根本就唔喺香港，而係身處喺外國……不斷吞噬『異地』增加實力。」
　
（待續）
　
　
解釋埋下集開始加速，暫定星期日或一有文。睇完記住幫手留個嬲同分享開去呀！
　
p.s. 實體版更正返「萬變紙」做「萬化紙」。
　
【廣告】《無異之初》、《無異之地》各大書局有售！
　
Patreon 都開咗啦，八月中正式開始！
https://www.patreon.com/echoofheart?
　
－－－－－－－－－－－－－－－－
　
【地方的無默媽資助計劃】（試行中）
　
近年作者生存空間越收越窄，大眾結業更加似係雪上加霜。所以推出資助計劃，希望各位可以直接課金支持。計劃並唔係強制性，一蚊可以，想繼續免費睇亦無妨，有心就可。
　
Payme 連結：
https://payme.hsbc/echoofheart
　
轉數快 FPS ID：6065460
　
計畫緣由及詳細內容：
https://bit.ly/39b5Fuw
　
－－－－－－－－－－－－－－－－－
　
IG：echoofheart

香港下一步: 適者生存及叫海洋公園開賭

睇住鯊魚黎落注，或者買14隻鯊魚位置Q，唔爽麼?

對應特別關係法取消，香港出口至美國之關稅將增，有疑似玩具業人仕在今日的post留言"請問如果出口稅由6.5%去到20至30%你盤生意點賺錢？除非你的利潤有50%或以上"

-
諗sir反問你有冇留意而家班細路，你再買乜7爆旋陀螺比佢或恐龍頭既變形金剛，都係無用。佢地係手機download個angry bird既game，玩足成日。

-
在此留意到:實體玩具無得做係因為需求減少，關稅增加支出只係幅因。

-
你係google play download隻game，使唔使直接比稅?況且香港大量紡織業結業已預示廠主想利用大陸的廉價勞動力，去賺美國佬錢呢條q早早唔得。人地要走都走哂一係唔撈又或轉型，你到而家先大叫「天亡我也」話特朗普收你皮，其實你咪係慢中之慢，成村人都走哂你都唔願變呢?

-
玩具業的主要敵人是手游，不是關稅或社保。如果連敵人的主幹都攪唔清，第一批陣亡理所當然。圖中的數字由美國麻省理工大學(MIT)的研究產出，來源https://oec.world/en/resources/data/

-
檢討自己
香港人要檢討自己，內地人確實為香港提供了廉價的勞動力，不能否認。這也是廠早廿年可以做之原因。到今時香港唔少服務業都由內地新移民作貢獻，由往時廠妹到而家酒樓茶水阿姐，我地就當唔飲東江水都靠祖國人民賺左唔少差價。

-
當然諗sir不擁「無限復活」在手，我地都係小商人。只不過勇於轉變又從不壓死貨，無數期，做暫無國界所限而網上招客的生意，故2020年先小勝幾仗提升了生意額及盈利，但要打贏整個戰役仍有漫長道路
-

深化半導體
好啦講返正題，大家:香港做貢獻祖國一件事，是繼中國(30%)之外，以全世界入口量之24%成為全世界集成電路第二大進口地(見圖)
-

內地進口香港之貨品，很多是轉銷全世界，美國只佔少份額美國已將台積電廠房搬返去美國、高端集成電路明顯是此戰其一戰略要點香港要深化半導體業務似南韓咁應不太可能，因人材類別不匹配。不過中國取代而起的一些半導體公司，會否用香港集資呢? 一些網上商店業務，係咪下個月就黎香港上市?

-
咁樓市?
過去一季匯豐、友邦同領展都跌得好甘，因舊的機制將被打破，而上述公司過去大為受益於舊的資金流向路線。
-
樓房: 較不受common reporting standard機制所限，較易收藏黑金
-
保險: 轉移資金的另一洞口，引導內地人到香港買保險的網頁常指出「呢份保險好就因為佢最高可以轉4次受益人...」
-
估計資金流向路線將改變而淘汰大量保險經紀。樓房大deal會減，但平民的房產交易在香港仍有熱烈交投。
-
人既信譽不變之下，資金流向路線會改，但仍很有機會經香港，香港的找換業興奮到一百萬人仔，打個電話就唔知點解變左係香港了。新加坡可do the same嗎?

-
英美要拎返投係香港既錢快都2-3年，因此香港流向世界的資金路未來2-3年仍可保暢通。這些台底野特朗普就當佢知都未必會全清。

人民幣低走之下，大家都費煞思量點將錢轉做美金再轉移，你看看呢排人仔升定跌? 至於新的資金流向路線，香港人最有條件及本事去搭起。為了完善資金流向路線及找新的玩法，我建議海洋公園開賭。
-

打仗個陣，其中一個熱門又好賺的行業是: 帶路人是的，我帶你由法國戰區走到南面安全區，你認為要比返幾多錢我?
唔講法國，講返誠哥，佢起家做膠花> 之後水泥同船務 >再黎地產 > 之後買橙做電話 > 再做生命科技。由此可見，適者生存。

｜黃店告急｜將軍澳全黃美食廣場遭業主勸退 或七月結業市民跨區懲罰
良心食店大家就聽得多，良心Food Court大家又有否聽過？位於將軍澳唐俊街，就有一個聚集良心食店的Food Court — 日日食美食廣場。美食廣場於去年6月開業至今，不過上星期創辦人就在Facebook專頁發佈帖文，指Food Court現時只能繼續營業兩個月。我們一於來到將軍澳，看看這個良心Food Court有甚麼好吃？又有甚麼特別？

將軍澳並非市區，交通不算便利，而且美食廣場所在的「日日食良商場」兩個入口都相當隱蔽，記者第一次來時繞了一大段路才找到，由港鐵站出發，可先橫過寶邑路十字路口，一路沿唐俊街向海邊走，再於至善街轉右，就能看到商場的大入口，乘升降機上一樓；或者跟記者一樣，橫過十字路口後，沿天晉匯商場與停車場間的一條小路直走，直至看見左邊「日日食良」的另一個入口，經扶手電梯上一樓。

https://hk.appledaily.com/lifestyle/20210609/S5ZBOESUJRC3HHE6F3IAS5TKUM/

影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋：愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)

果籽 ：http://as.appledaily.com
籽想旅行：http://travelseed.hk
健康蘋台： http://applehealth.com.hk
動物蘋台： http://applepetform.com

#黃店 #將軍澳 #美食廣場 #日日食 #良心食店
#果籽 #StayHome #WithMe #跟我一樣 #宅在家

https://hk.appledaily.com/lifestyle/20210605/R3T3ZN623RDIRALO4JMO5PY2YE/

最近不少滿載香港人集體回憶的事物都相繼消失，例如連鎖大集團Neway傳出遭呈請清盤。而說起芒果甜品，相信大家都會想起連鎖甜品店許留山，不少旺區街頭如旺角、銅鑼灣都可見其蹤影。早前高等法院向許留山頒下清盤令，不少人童年回憶成絕響。記者當日去到旺角西洋菜街分店，發現閘門緊閉，而且貼有告示，要求許留山於5月28日或之前遷出舖位，客服熱線和各分店電話亦一直撥不通。

早於70年代，老闆許慈玉先生以父親「許留山」之名，在香港元朗炮仗坊開設首間涼茶舖，之後轉型兼賣糖水；90年代更推出「芒果西米撈」，成為學生哥消磨時間的好地方，可謂風靡一時。靠「芒果西米撈」打出名堂的許留山，最高峰時期有達55間分店，而於2015年被內地連鎖餐飲集團收購，甚至開設了海外分店，包括南韓、馬來西亞。但香港許留山因拖欠租金 ，以致業主入稟高等法院追討租金，當中荃灣店更被指拖欠租金4個月，共約28萬，最終被宣佈清盤。
居港日人回味初訪港感覺 旅遊書寫必去許留山
居港日本人鈴木說最愛楊枝甘露，認為疫情是許留山結業的最大元兇，「很多旅客來不了香港，而很多本地人已經喝過許留山，會想挑戰（試喝）其他產品。」原來在日本是沒有類似的甜品，因此在日本買到的香港旅行書裏會推薦吃許留山。鈴木說：「其實我2014年初次來港時，頭兩天去了許留山吃楊枝甘露，好吃到飛起，到現在還記得那份初來港的感覺。」他還大嘆：「真的很可惜，這一年都沒有去過許留山，我完全沒有想過那麼快就結業。」

港人最愛「多芒小丸子」 打卡嫌老土難撼台式飲品
問及最有印象的甜品，市民都異口同聲說：「多芒小丸子！」還有人憶起芒椰奶西、芒果爽等飲品，可見芒果是和許留山劃上等號。亦有90後稱最記憶深刻的並不是甜品：「我最記得是它的椅子，在太子那邊的一間分店設有吊着的藤椅，很漂亮。」不過不少人認為許留山餐牌十年如一日，90後女生說：「腦內的款式其實來來去去都是那幾款，出面選擇太多、競爭太多，台式飲品可以選擇甜度、配料，其實許留山的結業是一個時代的改變。」有80後表示許留山十分落伍：「現在新一代最重要的是甚麼？就是文青。上cafe能打卡，去許留山吃碗糖水打卡的話，只會被人嘲笑。」

影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋：愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)

果籽 ：http://as.appledaily.com
籽想旅行：http://travelseed.hk
健康蘋台： http://applehealth.com.hk
動物蘋台： http://applepetform.com

#許留山 #Twins #日本 #80後 #旺角
#果籽 #StayHome #WithMe #跟我一樣 #宅在家

近日經歷過阿布泰一事，大家對良心經濟圈的熱情又再次燃起。對於良心店，一律建議分散投資。第一集我們先鎖定新蒲崗，新蒲崗屬於黃大仙區，在過去的一屆區議會選舉，是最早得到全數民主派的議席的地區。雖然這區仍是舊樓和工廈林立，沒太多娛樂設施，比較少「區外客」，但其實這裏臥虎藏龍，一個新蒲崗就有近30間黃店。

說起新蒲崗有甚麼好吃，就要數到大排長龍的懷舊風Cafe「窩子」，主打鹹甜窩夫、疏乎厘pancake等等，開業將近七年，人氣依然有增無減。記者邀請到居住在新蒲崗超過20年的街坊Winnie同行，Winnie指店舖樓上不時會舉辦市集，通常會指示在窩子旁邊的樓梯上去，所以住這裏的居民就算未曾光顧，也會知道窩子的名字。慢煮手撕豬腩窩夫三文治是店內的特色窩夫之一，酥脆鬆軟的窩夫配上鹹食，比起一般的水果配搭更有新鮮感。手撕豬腩肉以燒烤醬調味，十分惹味。另一款人氣甜品是意大利芝士忌廉梳乎厘鬆餅，看見鬆餅震動的樣子可見其空氣感十足，鬆軟質感軟綿，入口即融，每一口都是濃郁的Tiramisu味，表面撒滿的脆片更是錦上添花，顯得鬆餅特別軟熟。創新口味還有慢煮口水雞薄餅，店內自製的酥皮薄餅融合川味慢煮雞扒，味道就像吃麻辣米線一樣，口感卻是香脆酥皮，香辣口味令人忍不住多吃幾塊。

第二站來到新蒲崗廣場，Winnie說隨着新蒲崗越來越多發展，新建的大型商場更吸引人流，現在新蒲崗廣場已變得平民化，比較多興趣班和補習社。「還有神奇的一件事，在這個廣場裏竟然有個公共圖書館。」正因為新蒲崗公共圖書館座落於此，所以會有很多街坊和小朋友過來，也招徠了一些特色小店。在商場二樓就有一間同時經營日本料理和泰菜的餐廳，老闆Alvin在新蒲崗扎根多年，曾經營過泰國餐廳近六年，受疫情影響和租金壓力而結業。後來，他在大集團的居酒屋工作時，機緣巧合下結識了當時的廚房經理，「我看見他工餘時間會拿着料理書來看，而他看的料理書並非餐廳的食物，他會不停學習更多日本菜的知識。我很欣賞他煮食的理念，還有他的堅持。」Alvin於是向他提議一起開店，又找回泰國餐廳的舊拍檔，合作做一間新穎的東南亞餐廳。

兩個舖位沒有明顯分隔，但從擺設上就能一眼看出日本餐廳的精緻和泰國餐廳的風情。日式串燒全部選用日本材料，就連免治雞肉棒也是自家製的，而不是用到貨材料。簡單如燒雞翼，也是經過廚師的巧手，熟練地翻轉四五十次，才燒至皮脆肉嫩。老闆特別推介的還有日本銀杏，外皮沾上少許油份，燒至微焦，十分香口。雞皮餃子以原塊雞皮包裹着餡料，咬開多汁同時帶豐富的雞油香氣。另一邊廂，泰國菜必備的海南雞飯是老闆的得意之作，海南雞飯肉質鮮嫩，雞皮特別爽滑，雞皮下有一層啫喱狀的膠原蛋白，晶瑩剔透，是冰鎮過後的精華所在。油飯不像坊間做法使用黃姜粉，而是用雞湯和泰國香料來煲飯，主要靠濃郁雞湯令油飯色香味俱全。
在新蒲崗遊走一天，記者除了感受到區內的人情味，還有店家的隨性。Winnie表示新蒲崗的小店都會不定期休息，即使上網查資料也未能作準，就像拍攝當天，記者到達餐廳後才得知休店。如果選擇周末到訪，最好還是先打電話查詢營業時間，以免摸門釘。

編輯註：
《果籽》以幫助同路店為初心，決定拍攝掃良心店掃區系列。拍攝當日記者曾向理想餅店店員查詢立場，獲對方員工表明是黃店。惟影片公開後引起爭議，記者再次向理想餅店求證，對方未有明確表明立場。由於存在懷疑，現已將理想餅店的採訪片段刪走，日後定當小心求證。

影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋：愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)

果籽 ：http://as.appledaily.com
籽想旅行：http://travelseed.hk
健康蘋台： http://applehealth.com.hk
動物蘋台： http://applepetform.com

#新蒲崗黃店 #五一懲罰祭 #良心經濟圈 #新蒲崗廣場 #窩子 #良心掃區
#果籽 #StayHome #WithMe #跟我一樣 #宅在家