唔係危言聳聽，
唔知五年之後，
香港電影仲存唔存在呢?
-
喺疫情、限聚、安心出行等等嘅陰霾之下，戲院初七可以重開，但可以預視，票房未必會復仇式反彈，大家仍然會有一定嘅顧慮。
-
云云咁多套上映嘅電影入面，特別留意《狂舞派3》，可以話係情意結，五年前嘅港唔斷戲，係由黃修平導演嘅《哪一天我們會飛》開始。
-
當年少不更事，一腔熱血，經歷過2013年《狂舞派》嘅奇蹟，慕名參與2015年公映前一日《哪一天》嘅優先場，戲精彩，導演連同三位年輕主角蘇麗珊、游學修、吳肇軒一齊謝票，無限聚令之下，戲院只係半滿。
-
睇完戲之後，除咗激動，更多嘅係心酸，點解好戲無好報?遂義憤填膺，返到屋企揮筆疾書，開始若有若無嘅寫作之路。
-
茫茫嘅網絡大海，就好似滄海入面嘅一粟，點樣可以將網絡平台嘅影響力化為對香港電影實際嘅支持。一路摸索，一路嘗試，當然有極端無力嘅時候，明明個post都多人share同留言，點解票房仲可以差過一套完全無人講嘅西片?但亦都會有令人振奮嘅時刻，套戲由無人識，到口碑愈嚟愈好，愈嚟愈多人話睇咗。套戲最後得定唔得，當然同我無太大關係，係靠眾手合推。
-
但香港喺呢一兩年嚟，歷經社運、疫情等等嘅衝擊，本來好似蓄勢待發嘅新新浪潮又有熄滅之象，就連我，其實都講唔到太多可以真正令我期待嘅香港作品。各方面全面加速之下，香港電影究竟會何去何從?我始終唔夠膽抱持樂觀嘅態度。
-
《狂舞派3》嘅英文名叫做The Way We Keep Dancing，五年之後，香港電影仲可唔可以keep keep dancing? 與其擔心，不如坐言起行，去支持香港電影，去支持好嘅香港電影。
-
戲我星期五先睇，未睇當然講唔到評論，亦唔知好唔好睇。所以我唔會講支持《狂舞派3》，但我會講支持香港電影，由留意《狂舞派3》開始!
-
#堅拒安心出行
#我無手提電話
#用電腦出post
#手字都好差
#支持可以好簡單
#簡單一個like
#仲可以comment
#或者㩒埋share
#張相2015年
#上面個故事我唔係吹水
支持可以好簡單 在 關愛之家台灣關愛基金會 的推薦與評價
【支持關愛好簡單之Apple Pay捐款】 小編和關愛團隊為更方便捐款人，現在持有iPhone或iPad即可點點幾下就能完成捐款喔！ Step.1：到關愛基金會捐款 ... ... <看更多>