關於 喂呀唔好影啦片 ，我們在網路上蒐集到這些相關的討論、資訊與評價

喂中秋節喎
做節一定㗎啦💁🏻‍♂️
我老婆入鄉隨俗，冇話搞唔掂㗎。
因為有Deliveroo😁

用 Deliveroo戶戶送Catering到會服務，多款不同餐廳同美食選擇，只要2日前落單，同friend Gathering 同屋企人做節，輕鬆啦🤟🏻

🥮香茅蜂蜜燒豬頸肉
🥮麻辣鳳爪
🥮乾煸四季豆
🥮蒜片辣味安格斯牛柳粒
🥮花雕醉雞

咁多味餸
幾咁嘴刁，都一定搞得掂啦🤜🏻🤛🏻
中秋節，最緊要都係一家人一齊團圓☺️

由即日至9 月30日，只要用我嘅優惠碼[THOR21] 叫戶戶送到會服務，買滿HK$1500即減$150！

Hashtag：
#戶戶送香港
#是日戶戶送
#美味日嚐
#大時大折
#大節日嚐
#DeliverooHK
#鬼婆都可以做節㗎
#講緊嗰個係中秋節
#最緊要搵啱方法
#雖然落單都係我
#因為我熟啲中菜呀嘛
#月圓之夜有個燈籠傍下身好好多
#相就係我同老婆影啫
#食就係我一家人一齊食嘅
#大家都食得好滋味
#咁啱我阿媽冇煮飯
#百年難得一見嘅奇景
#叫外賣唔使洗碗
#對我來講絕對係恩賜啦
#唔好以為可以休息
#都要洗筷子嘅
#邊有得俾你抖呀
#張相嘅美術指導係我老婆
#而我係負責打燈同影相
#好彩我老婆專業
#影完張相啲餸都仲暖暖地
#🤣🤣🤣🤣🤣🤣
#中秋節快樂
#賞花賞月賞秋香
#睇返套唐伯虎點秋香先

《用公司流動現金溝女，其實得唔得？》

「拖糧」其實好似COVID-19，冇人想中，一個中，就感染晒全公司，隔離幾行的密切接觸者齊齊遭殃無一幸免，然後中招者全部自我隔離，原因係冇糧出冇錢出街。呢個「疫症」喺新聞聽得多，「某某公司被凍結資產，欠薪近百名員工」，「某某航空公司拖欠員工薪金，傳裁員逾千人」，「某某工程爛尾拖糧，員工苦主追數無門」，「大批被拖欠薪金的員工包圍公司大樓，掛起『有汗出無糧出』的橫額投訴」…… 聽得多，潛移默化都覺得呢個「疫症」似世界末日，辛辛苦苦的血汗錢凍過水，亦要擔心公司是否要執笠，係一種食唔安坐唔落的煩惱。可怕嘅係，呢種看似遙遠、事不關已已不勞心的「疫症」，偏偏讀者Joe「感染」咗。

阿Joe喺一間start-up公司做會計，老闆Lucas Chan係一個典型富二代，外國回流返嚟，識講幾句帶有美式accent的英文，公司係Lucas個富爸爸打本俾佢開，所以佢唔太上心，只懂掛着「初創企業老闆」的頭銜去四圍溝女。

「Joe呀，我最近同個大波空姐date緊呀，佢有41吋long leg㗎！俾佢張相你睇吓，真係睇得又打得又食得，硬晒！」Lucas講到興奮的同時口水都噴咗2滴出嚟。Joe心諗，咪又係出邊嗰啲整容KOL，即係永遠自己一個去旅行嗰啲，個IG永遠都係得自己的照片。

隔咗兩星期，Lucas居然同Joe講：「I’m committed，我女友就嚟birthday喇，佢話想喺Rosewood 搞喎，你幫我book間套房呀，要望海㗎！」Lucas 指示Joe。

「你Committed？哦……大波長腿空姐。」Joe無奈地反咗兩下白眼，因為Lucas每次都以「小公主」稱呼自己啲女友。

「Joe呀，你估小公主鍾唔鍾意紅玫瑰？幫我訂9999支紅色嘅，唔要999枝呀，太cheap喇，我要再威啲冇人試過嘅！Birthday嗰日送去Rosewood啦，呀…仲有，喺間房整多啲氣球，我要嗰日做全酒店最威嗰個！同埋間房係咪都係隔聲、睇海景，我鍾意對住個海❤️我依個白馬王子要請公主食蘋果。」Lucas繼續口若懸河，笑語間帶有幾絲淫意。

阿Joe終於忍唔住：「老闆呀，上次你寫俾空姐張100萬支票都彈咗票……依家9999支玫瑰、氣球連酒店要十幾萬呀！」

「得㗎喇，啲數返嚟就夠錢，啲客拖我哋數，我都唔想㗎！你……用住公司啲流動資金先啦！」Lucas一邊揮住手不耐煩地說，一邊走向公司大門。

「下……老闆，上個月份糧都……」Joe都未講完，Lucas已經離開咗，應該趕住去半島同空姐high tea。

原來Joe個老闆為咗溝女都可以去得好盡，鍾意用公司錢，上個月份糧都遲咗一個月先出，另外仲鍾意使人唔使本，空姐生日過後，除咗留低咗一系列的打卡呃like相外，仲有就係一堆垃圾同影完即棄的9999枝玫瑰。

「Joe你搵人清咗間房d 波波、DomDom、蘋果（真係有蘋果！）同花佢，$500搞掂佢啦！我依家出去食個飯，係我check out 之前搞掂佢！」Lucas叫Joe去執手尾。

其實垃圾可以自己丟，但少爺仔老闆錫身，又花盆又泥又成地「濕紙巾」咁嘅粗重工夫，當然係由Joe去做。經此一疫後，Joe嘅公司數未返，流動資金都用晒，轉眼間又到咗出糧日。

「同事遲到喎，合約寫明返十點，你幫我扣返啲糧呀。」Lucas開始諗縮數，但都係唔夠錢出糧俾員工。

「5月份糧，6月30日出，6月份糧，依家凍過水。」阿Joe心諗，而佢塊面都愈嚟愈灰。

轉眼間，又到七月嘅某一日，Joe趁未放飯，火速跑去老闆房，但完全唔見Lucas人影。佢成張辦公枱七國咁亂，啲收據同文件堆到周圍都係。唉，月尾埋數真係慘過打仗，陰功…

「祖哥…」一把軟弱無力嘅聲傳過黎。

「哇！Peggy你匿係度搞乜？」Joe踎低見到Lucas嘅私人助理踡縮係枱底，個樣生無可戀咁款。

「冇啦…冇啦…」

「咩冇啦，起身啦……比老闆返嚟見到你喺佢枱底，你條命就真係要冇啦！」Joe費盡九牛二虎之力將Peggy扯翻出黎。

「我地公司要玩完啦…」Peggy雙目無神，臉色蒼白，靈魂係個口到飄咗出黎，手震震遞咗幾張發票俾Joe。

「點解突然有個六十萬嘅item?!」Joe嚇到下巴跌咗落地。

「祖哥…你估仲有邊個敢郁公司啲錢啊嗱…」Peggy說。

「妳係老闆PA都唔知？阿妹妳等等…」Joe轉身即刻打電話俾少爺：「喂？Lucas，係呀阿祖啊，想問呢你呢排有冇碌過條六十萬嘅數啊？」

「六十萬？」唔好扮唔記得啊，一定係你啦，細陳！

「多謝bb！我好鐘意啊！」少爺仔隔離傳來「小公主」刺耳嘅撒嬌。

「哦！係呀！前幾日我自己張卡唔知點解碌唔到嘛，咪過咗少少公司錢買Hermès俾璇璇咯！唔記得同你講翻，sor9y呀~」

「唔緊要，我哋宜家幫你mark翻低吓…」Joe客氣地和老闆說。背後心諗：「點解？點解？點解？同事一直都未出糧，個二世祖用公司錢六十萬買手袋比隻雞？！」

「BB你唔準傾電話傾咁耐啊！嗶——」少爺仔已cut線。

「Peggy…條友攞啲錢去買Hermès…」

「Hermès也好，DIOR也好，條數埋唔到架啦……唔通真係當藝術品投資咩？水哥，今鋪真係想幫細陳生抿屎都愛莫能助……」

「都可以當係公司投資，個包包可以換鮑鮑，將來或者可能會升值添！」Joe語帶諷刺地說。

「祖哥，我好想告佢虧空公款啊啊啊啊啊啊啊！」Peggy已抱頭奔潰。

「上個月已經因為Lucas攞公司錢買私人嘢，搞到全公司啲員工遲咗成個月出糧。佢拍曬心口話今個月會入翻公司戶口。結果冇…都算！呢頭又穿櫃筒底，仲要係六十萬！古有昏君不愛江山愛美人，今有細陳利用江山追女人：Joe，我都唔知應該話少爺仔係昏君，定話小公主係紅顏禍水好，最慘係我哋，騎虎難下，如果而家辭職，真係唔知幾時先收得返之前幾個月嘅人工。」作為私人助理，Peggy開始失控，爆喊。

獵頭小知識：

🔝各位打工仔，根據《盜竊罪條例》第9條，如任何人不誠實地挪佔別人的財產，意圖永久地剝奪該另一人的財產，即屬盜竊罪，最高可被判處10年監禁。而根據第16A條，如果任何人以任何欺騙手段意圖欺騙另一人，為受騙人以外的任何人取得利益，或令任何人蒙受不利，均會被指控為欺詐罪，最高可被判處14年監禁。唔好縱容挪用公款嘅腦細，望周知。

🔝其實無論係公司生意失敗周轉不靈，定係疫情影響令公司生意營運唔到，或係老闆不愛江山愛美人洗晒公司啲錢，喺任何理由及情況下「拖糧」都係犯法，根據《僱傭條例》規定，僱主必須係工資期屆滿後嘅7日內出糧，僱主如果未能依時出糧，必須就欠薪支付利息俾僱員，僱員如果超過 1 個月仍未獲發已到期嘅薪金，可以視呢份「僱傭合約」已被終止，呢個時候僱主就必須支付僱員「解僱代通知金」及其他解僱賠償。僱主如故意及無合理辯解而不依時支付工資給僱員，可被檢控，一經定罪，最高可被罰款 35 萬元及監禁 3 年。萬一大家不幸地中招，記得搵勞工處求助，幫自己追討欠薪，如果仍未解決，就可以選擇告上法庭……不過應該冇人想行到呢一步。所以，入職前了解好公司同老闆背景好重要，記得上官網睇下公司架構，又或者上網爬文，睇下有冇人講過公司的文化，又或者可透過獵頭公司介紹，做齊以上事項，又有獵頭幫你scan過，應該會放心好多。

#不愛江山愛美人
#有錢但唔識理財又有咩用
#打工仔被腦細伏雷死的悲哀
#全職獵人職捱自救企劃
#FulltimeHeadhunt #全職獵人

新書訂購：https://docs.google.com/forms/d/1tjPYjkZpYiQDzv_V3PrKgxj78FUim57G7RDZa6KWBT8/

［金基德回顧展：慾海慈航/援交天使/Samaria］實趕客，但話知佢，自己想寫

1. TLDR：你地邊個冇罪嘅，就搵石頭掟佢吧！留意「石頭」係套戲嘅重點之一。今晚大館仲有一場7:30，仲有飛賣。去睇吧，雖然網上你都搵得到足本重溫嘅。順手講埋我一路嘅核心信念：戲係要成套咁睇的，正如書係要成本咁睇，否則你永遠都學唔到嗰種神髓，呢啲嘢全部要「浸」出嚟。你去睇Youtube睇都可以15分鐘知晒啲劇情有人解埋，但點解我要走出去睇多次？我唔識用Youtube？電影，同多嘢一樣，個神韻唔係懶人包，唔係fact，唔係橋段重點，而係你要用心感受。

2. Medium版就有埋相咁咯（https://lkdin.io/3VYo）

簡介劇情
簡評
詳細分析劇情—第一幕
詳細分析劇情—第二幕
詳細分析劇情—第三幕
套戲攞獎好合理
石頭 as a metaphor
最後講講金基德

3. 是咁的，我冇工返都仲好忙，況且而家好多時三四點先起身。但為咗重睇呢套戲（以前睇過一次），我都仲係星期六爬起身，極速在樓下用3分鐘食完碟海南雞飯，然後走出去灣仔睇呢套戲。可見金基德有相當大吸引力。

4. 留意呢套戲2004年，剛剛好係佢中期嘅作品，開始成熟，亦都係呢年佢在歐洲攞獎聲名大噪。金基德未必係好計算嘅導演（邊個話商業片先要計算？），但事後睇返，你睇到好啱啲評審口味，攞獎合理之極。

5. 呢套我相信亦係佢最出名嘅兩套戲之一，另一套當然後後來嘅《聖殤》，後期作品，隱居三年後復出嘅顛峰之作，亦係好啱評審口味，但我個人鍾意呢套《慾海慈航》多好多。

6. 兩套嘅共通點，都算係雅俗共賞，唔會好難明好古怪要好多演繹．兩套都畫到出晒腸，好適合文青用嚟示範咩叫「好電影」，有啲內容嘅電影（come on，唔係荷里活商業片嗰啲”message”．

簡介劇情

7. 順手一提，我覺得劇透係冇乜問題的，即使扭橋戲或推理劇都係。「好」嘅電影唔應該只係靠一條好橋，橋段人人有，但execution先難。好多戲知咗結局我都可以睇多次，即使係扭橋戲或推理劇，你都可以睇多次導演點佈局點誤導你點畀提示你。若果只係靠最尾一下扭橋，只係低手。

8. 講返，劇情不複雜，重要人物三個講晒。女一，女二，女一老豆。亦都係一個好典型嘅三幕劇（間場出埋title添，慌死你唔明，所以套戲唔難明）。

9. 第一幕：女一女二高中生，好友（兼戀人？），想儲錢去歐洲（我懷疑《過春天》就係抄佢，但當然爭好遠），於是女二下海，女一做中介人，女二全不覺得係苦差，但留意開場冇耐女二已經意外（？）跳樓死埋。

10. 第二幕：開始「金基德毀三觀」，女一明白女二苦心，繼承佢遺志，約返啲恩客出嚟，唔收錢仲畀返錢佢地！但然後畀老豆發現咗，老豆去搵返啲嫖客出嚟，打，鬧，殺。

第三幕：當年第一次睇覺得呢部份戲味爭啲，而家睇返發現呢部份先最重要！兩父女返鄉下，拜死鬼老母，最後都係冇開口講。老豆自首，完。

簡評

11. 之前睇過金基德早期啲嘅《收件人不明/打回頭的情書》，我有講話睇到仲係幾幼嫰，太多狗血（甚至有真狗血！），枝節多。去到呢套《慾海慈航》，就真係斬走晒啲無謂嘢，冇乜邊部份係多餘嘅。正如米開蘭基羅話頭，只係將唔屬於大衞像嘅嘢拎走，呢套《慾海慈航》真係做到去蕪存菁

12. 援交電影，我睇咗嘅都幾十套，拍埋你就睇到分野。金基德做到「不落俗套」。何謂俗套？正如啲人講，十分「TVB」嘅對白同情節，唔好笑，好多荷里活片港產片都係咁。金基德唔係獵奇，唔係賣弄色情（至少呢套唔係），甚至唔係探討社會問題（至少呢套冇乜），講嘅始終係佢最擅長嘅：人性，慾望，救贖，宗教，倫理，道德。

詳細分析劇情—第一幕

13. 角色同情節設定，都係相當精彩。固然你諗真啲，有啲劇情犯駁，唔合理，只係為咗推進故事，但瑕不掩瑜。

14. 先講女二，背景資料極少，屋企人或其他嘢完全冇提。套戲講到好白，一開頭女二已經講印度傳說有個妓女叫Vasumitra（亦係第一幕嘅名），男人同佢搞完就變虔誠佛教徒。女一話，咁都得？女二話，係呀，男人搞嘢時就好似嬰兒咁，渴望母親關愛，佢話由今日開始自己就係Vasumitra。講到明晒。

15. 留意兩個女仔都係新人（低成本嘛，況且演高中生），選角做得非常好，或者話導演指引得好。你見女二，就真係一個菩薩樣，慈祥咁笑住下海，普渡眾生，十分開心。雖然之前冇性經験，但對啲嫖客十分感恩，大家一齊分享人生，佢覺得自己做緊好嘅事，又有錢收可以實現去歐遊嘅夢想，做自己鍾意做嘅嘢，不知幾開心。

16. 呢度嘅對比，就係女一。女一家庭背景我地知道，喪母，老豆做警察，點睇都係慈父唔係獸父，日日車佢返學，冇虐待冇性侵，亦唔算過度管束，屋企環境亦唔差。對女一嚟講，性係污糟嘅（佢每次都要幫女二沖涼），啲男人係仆街嘅，只係佢實現去歐洲嘅手段，佢完全唔明女二做乜可以樂在其中，同啲嫖客分享人生，甚至叫埋一齊食飯，甚至鍾意埋個嫖客。但同時間，佢又只係坐享其成做中介人，從來唔會自己落場，只係自己好友女二去畀人搞，呢度你見到女一嘅虛偽。留意下女一嘅高傲，同女二一臉慈祥嘅對比。

17. 然後劇情發展落去，雖然劇情唔多合理，但你都知女二一定要死的，否則冇戲做。女二臨死前都想見返恩客，呀女一去搵恩客，恩客仲要叫女一畀佢上埋先制（初夜添喎）！真係十分之咁仆街抵死嘅橋段。呢套戲入面啲男人真係全部都面目可憎的。

18. 但當然，女二見唔到恩客就斷咗氣，去到呢度可以十分TVB。但呢套戲就安排女二絶對係含笑而終，菩薩聖母呀喂！女一完全唔明白。

詳細分析劇情—第二幕

19. 去到第二幕，更加離奇，但金基德並冇拍到獵奇（留意啲性交易嘅場面極少）。女一原本諗住燒咗本數薄，同埋啲錢，忘記過去。但佢諗返女二慈祥嘅遺容，忽然明白咗啲乜。呢度真係絶，但又唔令你覺得突兀。

20. 於是乎，女一就由一個原本覺得性交易好低賤嘅中產女仔，變成「菩薩二號」，約返晒啲舊客出嚟，同佢地做，甚至還返錢畀佢地！嫖客就固然係「仍難盡信我是這樣地無窮好運」，但亦都有拍到啲嫖客話終生都會幫佢地祈禱。於是乎女一就慢慢體會到女二嘅「使命」，繼承女二嘅遺志，嘩，生命影響生命呀，堅！不過我個人理解，與其話女一真係變成「菩薩二號」，我覺得佢係只係為咗故友/戀人。證據？佢原本應該係諗住約返晒數薄上面嘅人，就唔再做落去。

詳細分析劇情—第三幕

21. 你以為套戲拍性交易？唔係，去到呢度已經再冇性交易場面乜滯。然後就去到第三幕，冇錯係十分TVB的，差佬老豆嘢，在對面時鐘酒店望到自己個女（唔止，後來仲要 女一掉低數薄在草地畀佢執到，但成套戲拍得好你可以原諒呢啲嘢）。

22. 當然就係又迷惘又憤怒，「天呀我做錯乜點解你要咁對我由細到大我有乜冇比你？」（幸好都未咁TVB，冇呢啲對白，都話戲劇小說第一法則：show, don’t tell）．但佢始終十分愛個女，甚至冇當面踢爆（呢啲先符合東亞家庭倫理嘛），結果佢就將啲憤怒發泄在啲嫖客身上

23. 打後，就係見到佢變身正義使者，自己去執法，羞辱甚至打啲嫖客，甚至殺埋人。但你以為變成復仇電影？又唔係喎。 （呢類「你以為乜乜乜，又唔係」係金基德電影嘅特色之一，你可以話佢善於玩弄啲觀眾，其實係嘲笑啲俗套橋段）

24. 睇到呢度其實係乜？就係孤星淚（都係差佬添）。一路落去，老豆越嚟越迷失，到底自己係in what position，去判斷個女做嘅嘢啱定錯？去判斷啲嫖客啱定錯？呢個社會嘅道德係乜？自己細由到大學嘅嘢係咪錯　—呢個先係套戲嘅主題！

25. 所以，就有咗最後返鄉下嘅一幕，先係全套戲同其他俗套戲唔同嘅地方。留意並唔係返到去大家BBQ（有蕃薯！）四四六六講晒，最後大家都冇講出口。但，十分巧妙地，老豆知道個女其實已經長大，自己唔應該再指指點點，錯嘅可能係自己嘅價值觀。最後自首，獲得心靈嘅救贖。嘩。咪就係孤星淚！

套戲攞獎好合理

26. 頭先提過，套戲計算相當準確。留意返套戲2004年，互聯網大盛（但未有Facebook），「韓流」亦都成型，明顯地外國人好有興趣知韓國社會嘅嘢，何況學生妹援交係全球現象。金基德聰明在加入埋啲宗教隱喻，最後孤星淚式嘅劇情，仲有「石頭」嘅比喻（下一段講），呢啲都係歐洲評審會睇得明嘅嘢。加上套戲拍韓國女仔，但又好聰明咁冇賣弄色情或胴體，啱晒啲歐洲假道學鹹濕阿叔（我話嘅）。

石頭 as a metaphor

27. 扮文青嘅話，就必要要講「石頭」。呢個「你地邊個冇罪嘅，就搵石頭掟佢吧！」嘅比喻太明顯。另外留意，真正嘅石頭，在套戲入面至少仲出現咗三次。

28. 首先，女一老豆去阻止啲嫖客車震，就真係在遠處掟石（都話慌死你唔明！）。另外，亦有一幕見到佢原本想用石頭打死個嫖客，最後亦有一個真係咁做。

29. 但更重重要係去到尾段，神來之筆。兩父女回鄉祭亡母，中途老豆架車畀石頭頂住，開唔到車，搞唔掂，索性瞓著（冇錯，唔多合理嘅情節）。點知個女自己落車去搞，移開咗啲石頭。老豆醒返，發現，得喎，開到車了。正係呢幕，就係交代「個女已經畀你想像中懂事，你唔好再阻住地球轉」

30. 然後去到最後，以車為喻，老豆教個女開車，亦都係用畫好嘅石頭（！）舖條路畀佢開。亦都慌死你唔明，一語雙關講到白：「之後嘅路就你自己走落去啦」，然後去咗自首。遠處嘅女一想開車過嚟，但又畀泥阻住，但大家知道，個喻意就係以後嘅落佢自己走落去。

最後講講金基德

31. 最後講一講金基德，因為我都唔打算再寫多篇《聖殤》。點講呢？正如我舊文寫，金基德亦係屬於好「型」嘅嗰種創作者，係一個「作者風格」好強嘅導演，或者話，有嗰種「以文章做為戰鬥武器」嘅精神。即係你可以好討厭佢，但你好難忽視佢在。

32. 金基德此人，就已經係一個傳奇。相信都唔少人知，首先佢冇乜點讀過書，甚至係初中都未讀完，亦係真正嘅窮人家庭出身。所以你見其實佢拍好多低下階層嘅嘢（但呢套冇），亦都拍工業，拍宗教，全部係佢成長嘅寫照（所以《聖殤》係佢代表作，三樣有齊）。我亦都肯定，佢影響咗無數後來嘅導演。

33. 金基德嘅電影，真係「作者風」，就係賣佢一個，探討人性。後期啲戲有啲有明星，但反而有明星嘅戲唔得。佢都係要玩育成，演員任佢舞先得。

34. 除咗主題，佢嘅戲仲有一個好大嘅特色：平，同埋快。度劇本可能耐，但拍係極快，早年試過一日（！）拍完。即使係拎獎無數嘅《聖殤》，都係十日搞掂，聽聞用咗七十萬港紙咋。留意拍《聖殤》時佢已經係國際名導，大把資源，但都係咁搞掂，你嗰啲日夜話冇資源冇時間冇錢嘅，真係應該慚愧。拍戲係可以好平嘅。

35. 最後，少不免講佢嘅私德。咁其實都死撚埋，你鍾意咪去拉脫維亞或者韓國堀佢出嚟鞭屍。不過在我嚟講呢個不值得討論，我認為作品成就同個人，係完全分開嘅。頂多你可以話佢完全侮辱咗「大師」呢兩個字，但不能影響你對佢作品嘅評價。照計好簡單嘅邏輯啫，你未知佢啲衰嘢時，明明就話啲戲好好睇。咁點可能到你知咗佢啲嘢，就變得唔好睇？

36. 有朋友仲講笑，話會唔會會場有一大班女權L示威。事實？我見到好多青春少艾睇，幾靚的說。

＝＝＝＝＝＝＝＝＝＝＝＝＝＝
一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

踏入夏天前最後一次camping vlog⛺️
梗係要享用d新鮮又高質食物！
呀C話超方便！好易煮 ！仲好好食！
快d睇下今次有咩正野食啦喂?
不過深夜睇ge朋友仔就小心喇～～～

#露營​ #酒店級食材 #零難度​

【胡鹽肉枱 Salt and Pepper *】折扣CODE
消費任何套餐時使用【MYY10】折扣碼就可以享有10% OFF折扣～
只要於結帳畫面輸入 【MYY10】或點擊以下鏈結結帳時自動輸入就得啦！
https://www.saltpeppermeat.com/discount/MYY10
*優惠時間至6月25日截止。

感謝大家收看/like/分享
以及 一直的支持 ????????

---------------------------------------------------------------------------------------------
如果你地喜歡呢段影片 就俾個Like ??????同留言?啦！
你地留言係我地ge鼓勵！?????
最重要當然係Subscribe訂閱我地啦～?
記得按埋訂閱旁邊個鐘仔?, 就可以第一時間收到新片通知啦 ?

暫時不定期UPDATE影片~
我們會繼續努力嘗試拍攝? ? +製作 下條片 // 直播 見啦 ! ^__^
大家仲可以到下面ge地方搵我地, 唔同平台放唔同野GA!! :P

Our FB page: https://www.facebook.com/Y.Cerious
Y's FB page: https://www.facebook.com/Myyfoto
Y's Website: https://www.myy-photo.com
Y's instagram: https://www.instagram.com/myy___________
C's instagram: https://www.instagram.com/waizee.n
---------------------------------------------------------------------------------------------

話咁快又到左C一年一度ge生日vlog?
由於C依舊都係咁長氣? 要分兩集呀。。。
睇住上集先喇喂～?
下集過幾日會出街！
請密切留意喔?～

P.S. 今次條片畫質上有少少問題，出現左D技術故障，唔好意思！請見諒！下集會留意返????

————————------------------------------------------------------
如果你地喜歡呢段影片 就俾個Like ??????同留言?啦！
你地留言係我地ge鼓勵！?????
最重要當然係Subscribe訂閱我地啦～?
記得按埋訂閱旁邊個鐘仔?, 就可以第一時間收到新片通知啦 ?

暫時不定期UPDATE影片~
我們會繼續努力嘗試拍攝? ? +製作 下條片 // 直播 見啦 ! ^__^
大家仲可以到下面ge地方搵我地, 唔同平台放唔同野GA!! :P

Our FB page: https://www.facebook.com/Y.Cerious
Y's FB page: https://www.facebook.com/Myyfoto
Y's Website: https://www.myy-photo.com
Y's instagram: https://www.instagram.com/myy___________
C's instagram: https://www.instagram.com/waizee.n
---------------------------------------------------------------------------------------------

Hello 各位小薯茄！

呢首《蕃茄薯仔湯》唔單止係四周年嘅歌，更加係小薯茄嘅主題曲！我哋都諗咗好耐要唔要為呢首歌拍一個mv，但思前想後，我諗冇嘢適合得過用大家零碎嘅回憶嚟砌一架時光機！

我諗，呢樣都算係簡單創出不平凡掛？?

喺各位進入時光機之前，再一次感謝各位小薯茄四年嚟嘅支持！我哋一直稱呼各位觀眾為小薯茄係因為組成小薯茄唔單止包括我哋嘅台前幕後，更重要嘅係一直喺螢幕前默默睇片支持嘅你！

所以！請各位小薯茄隨便搵個位坐低，扣好安全帶！一齊重新體驗多次小薯茄嘅成長啦！? 出發！！

《蕃茄薯仔湯》

作曲 // 麗英
編曲、混音、錄音 // Henry Cheng@FYS Studio
作詞 // 高Ling、孔德朗、Bryan Chung、Jerry 仔、諾文、Astro MAC、Paco、Jimmy Yiu

鼓手: Dickson Kui
結他手: Kung Lai
低音結他手: Nam Shih

想去飛 放手試
佢哋問我 搞乜咁得意
抱住勇氣 自信一次
我想做覺得啱嘅事

願乘風 盡展翅
碰過挫折 無視質疑
向前哪怕 暴雨將至
路途縱遠 目標一致

喂～ 記得Like咗佢
喂～ 要Subscribe

由零嘅Follower做到而家
將快樂放進你的心底裡
誰話過 條路錯 唔得喎
撐起我哋 多得你

由零嘅Follower做到而家
將快樂放進你的心底裡
勤力過 胡亂錯 未驚過
撐起我哋 撐起呢個page

總有些 第一次
叫你發覺 熱愛不已
發達太遠 但我鍾意
引人發笑 從不幼稚

簡與單 亦璀璨
靠我創意 營造非凡
個個禮拜 搏你驚歎
每日晚餐 薯茄送飯

喂～ 記得Like咗佢
喂～ 要Subscribe

由零嘅Follower做到而家
將快樂放進你的心底裡
誰話過 條路錯 唔得喎
撐起我哋 多得你

由零嘅Follower做到而家
將快樂放進你的心底裡
勤力過 胡亂錯 未驚過
撐起我哋 撐起呢個page

P O M A T O *11

從簡簡單單中會創出新角度
從嘻嘻哈哈中也可以深造
像最初

由零嘅Follower做到而家
將快樂放進你的心底裡
誰話過 條路錯 唔得喎
撐起我哋 多得你

由零嘅Follower做到而家
將快樂放進你的心底裡
勤力過 胡亂錯 未驚過
撐起我哋 撐起呢個page

We are Pomato * 7

－－－－－－－－－－－－－－－－－－－－
睇完記得Like，Share，同埋「訂閱」我地呀！

Facebook page:
https://www.facebook.com/pomatohk
IG @pomatohk:
https://www.instagram.com/pomatohk

童童 Facebook page：
https://www.facebook.com/Tungdesss
IG：tungtungdess
YouTube： @童童 tungtungdess

阿冰 Facebook page：
https://www.facebook.com/SabrinaPingpingNG
IG：sabrinapingping_
YouTube： @阿冰阿冰

程人富 Facebook page：
https://www.facebook.com/chingyanfu
IG：chingyanfu
YouTube： @程人富宇宙

阿J Facebook page：
https://www.facebook.com/JefferyKwanJJJJJ
IG：jefferykwan
YouTube： @關我阿J事

麗英 Facebook page：
https://www.facebook.com/laiyingdesu
IG：laiyingdesu
YouTube： @麗英 LaiYing