【#經一速遞】首位破億訂閱YouTuber誕生
好多人都知道只要自己嘅YouTube頻道達到10萬訂閱，就可以得到「白銀創作者獎」；達到100萬人就可以得到「黃金創作者獎」，但係你又知唔知，如果達到一億訂閱人數，YouTube會送出咩獎勵？
阿爸阿媽成日都話做YouTuber賺唔到錢，但係你又有冇諗過，今時今日做YouTuber竟然可以年入千幾萬美金，仲可以收到大大粒鑽石？
上個月，著名YouTuber「PewDiePie」成為咗全球首個YouTube訂閱人數破億嘅人，最近仲收到YouTube送出嘅獎牌，佢拍攝咗一條開箱片上載到YouTube，一打開竟然係一個紅鑽石獎牌，連PewDiePie自己都嚇左一跳！銀灰色嘅獎牌造型同YouTube標誌如出一徹，切割精美；中間嘅三角形紅鑽石更加係畫龍點睛，氣勢非凡！
原來連YouTube自己都估唔到會有YouTuber破呢個紀錄，所以未有設立破億訂閱嘅獎項，甚至連官網都 未有相關資訊。今次YouTube為咗PewDiePie緊急設立破億訂閱獎項，命名為「紅鑽石創作者獎」，真係誠意滿分！
破千萬訂閱送鑽石，破億訂閱送紅鑽石，唔知當有YouTuber破十億訂閱嘅時候，YouTube會送出咩稀有寶石獎牌呢？
#YouTube #PewDiePie #YouTuber #紅鑽石 #經濟一週
youtube一億訂閱 在 訂閱人數最多的YouTube頻道- 維基百科，自由的百科全書 的推薦與評價
... 到四月中PewDiePie更被拋離及永久失落一哥頭銜。4月28日，PewDiePie發佈新短片，呼籲粉絲停止參戰。隨著T-Series在5月29日突破一億訂閱大關，這次對戰大致結束。 ... <看更多>
相關內容