A lot is at stake、sth matters呢啲語句香港同學通常覺得特別難學，因為冇直接中文翻譯。
香港同學（同其他地方同學一樣）關於依賴母語翻譯學英文。
stake中文 在 與芬尼學英語 Finnie's Language Arts Facebook 的最佳貼文
「stake中文」的推薦目錄：
- 關於stake中文 在 與芬尼學英語 Finnie's Language Arts Facebook 的最佳貼文
- 關於stake中文 在 君子馬蘭頭 - Ivan Li 李聲揚 Facebook 的最佳解答
- 關於stake中文 在 君子馬蘭頭 - Ivan Li 李聲揚 Facebook 的最佳解答
- 關於stake中文 在 報章英文成語教室- 新聞翻譯What's at Stake in the Nevada ... 的評價
- 關於stake中文 在 Stake/TwoP - 愛情慢慢來（1小时，单曲循环）『Baby 別再 ... 的評價
- 關於stake中文 在 How the Kremlin has weaponized the Facebook files 的評價
stake中文 在 君子馬蘭頭 - Ivan Li 李聲揚 Facebook 的最佳解答
［拜登97%機會做總統！］之但係，李斯特城都拎英超啦。肯唔止33倍。
TLDR：如果侵侵當選，就係比2016更大大大嘅奇蹟了。「不過螞蟻都上市撻Q啦」，2020奇事還會少？
另外，冇時間嘅，應該真係只睇Florida就夠。拜登贏到嘅，應該可熄電視，當選無誤。侵侵贏到嘅，就仲有55波。之後再睇賓洲，結論同上。而另一看點可能係民主黨突襲Texas成功（民調民主黨在Texas當然大落後，但，「民調都好信？」）
1. Pole Position，中文我都唔知點譯，內圈？摸到杯耳？袋咗半隻盃落袋？但總之，Economist話，「拜登好大好大機會」。有幾大？根據佢地嘅Stat Model，係97%！咁當然，3%都會發生，正如1%都會發生。另一網站FiveThirtyEight（亦係Stat Model），畀嘅機會，係拜登90%。但不忘提返，「即係好似洛杉磯落雨咁」—洛杉磯一年大約36日落雨呀，咪10%機會。咁你係咪即時覺得10%好似都幾高？人嘅認知係好奇怪的。呢個同教育，智商等等冇乜關係，係人嘅天性，同人腦構造。
2. 講返，近幾個月我聽得最多嘅，當然係「民調都好信？」，或其變種「挑！民調都好信？」，或其變變種，「屌！民調都好信！」。講出嚟真係堅型。不過亦介紹返，Economist同FiveThirtyEight嘅，根本唔係民調，唔該唔好睇錯台。咁所以下一句係，「咁2016有冇中丫」？至於啲model嘅 methodology，只有少數學棍（例如我）先會去睇（https://bityl.co/4IIW）。Even「學者」好多都唔會睇—因為好多社科學者嘅數學水平，都係比較低。
3. 咁當然亦都介紹返，4年前Economist選舉前夕出嘅文，題為「Hillary Clinton has got this. Probably. Very probably」（https://bityl.co/4II3）。不過4年前佢地未有自己嘅model，都係睇New York Times民調，賭盤，同埋Nate Silver嘅FiveThirtyEight（記住都係Stat model）．當年固然全部炒車，但，最準，或者話錯得冇咁離普嘅，始終係FiveThirtyEight嘅Stat model。當然有人認為，錯就係錯，估33%同估3%冇分別—但明顯唔係咁。你賭過錢就知。影響我覺得個賠率抵唔抵摶
4. 另外亦有數據做過，賭盤同民調，準繩度所差無幾，唔好以為「真金白銀」就代表準啲。你買幾多先？另外，估「球星轉會」「諾貝爾和平獎」之類，實有內幕消息，至少有人知得多啲，會自動調節到個賠率。但選舉？選嗰班都唔知自己點。
5. 但講返，根據佢地嗰套model，今次侵侵就更加凶險。當然上次可以against odds，唔代表今次唔得—但今次更加難咁解。即係上次等於你首回合作客輸0-5返主場，今次等於你首回合主場輸7-0然後作客咁上下？總之，更難
6. 張圖嘅presentation 幾好，model或民調或乜，當然有誤差範圍（否則唔使選）。2016的確出嚟同啲model估爭得有啲遠，特別在游離洲，亦都因為美國行選舉人票制就特別難估。呢個圖話你知，而家拜登有嘅優勢比當年希拉莉更大。即使照樣出返2016嘅polling error，拜登都仲能夠輕鬆取勝。你可以理解為「今次我帶住7球在手唔怕你好似上次咁入返6球」「咁當然你入夠10球都得嘅」。
7. 根據佢地套 model，侵侵最初（年頭）勝算係高過拜登（所以好撚心唔好話人針對侵侵），3月尾後就急瀉，原因當然係肺炎。打後好似發生好多事，但佢地認為根本冇改變大局。BLM又好，辯論又好，影響不大，如有影響就係令侵侵勝算更低云云。
8. 佢地當然亦有講，點解「2016唔會重演」。首先游離票少咗，好少人仲未決定。另外今次拜登嘅民調（對，model都有計入民調，但不等於民調）穩定過希拉莉好多，亦都冇咁叮噹馬頭互換位置。當然帶離嘅距離亦都多過希拉莉好多。「即係拎住7球在手」「史上無人試過咁樣都輸」「當然歷史係用嚟破的」
9. 總結，學下英文： On the eve of the election, Mr Trump has only a small chance of winning if all the ballots are counted. If the polls are even remotely right, and the processing and counting of ballots proceeds without interference, he is likely to become America’s latest one-term president.
10. 我當然信呢套嘢（否則就係「挑！民調都好信？」啦）。但亦只係依書直說。侵侵選到嘅，我唔會覺得有乜乜已死（過去四年咪又係咁生活，股市升唔少添！）。不過班統計學者唔知點自圓其說以後點搵食。所以都係high stake game
11. 至於我嘅睇法，在明報專欄已講過。若真係中就再講下，唔中就……都可以檢討下嘅。（https://bityl.co/4IHr）。唯一留意嘅係，除咗睇總統，仲要睇參議院（眾議院就應該唔使睇）。另外，介紹返，侵侵在位四年，滬深300指數升咗5成，應該跑贏絶大多數指數，甚至勁過道指，同標指平手，只係不及納指。而所謂侵侵十分強硬嘅呢兩年，舊年滬深300升三成幾，今年都升一成幾。凡事唔係咁表面，股票嘅嘢唔係直線邏輯。
12. 聽日應該會同大家livescore，但都係記住，股票呢，一般嚟講都係升嘅。即使係contested，玩到戈爾對布殊咁（嗰年當然股市大跌），甚至有人唔認輸都好，我都冇驚過。
———————————————————
Ivan Patreon，港美市場評點，專題號外，每日一圖，好文推介。一個月一舊水唔使，三個月已近700人訂！仲有免費試睇：https://bit.ly/31QmYj7
———————————————————
instagram @ivanliresearch．七成金融（短打）兩成嘢食一成其他嘢。
===============================
【李聲揚課程】題目:「美國大選全攻略」 影片/課程編號：CC011 費用: $400
由基本嘢講起，邊個會贏，民調準唔準，幾時有結果，冇乜時間嘅睇邊幾個洲。仲有邊個黨對股市好，侵侵連任股市又點，拜登上台又點。咩時間買。同埋最重要，買乜股。
出售平台(有埋影片簡介)：https://bityl.co/4FHC
付款及收看步驟：
1/點擊報名收看 [影片/課程編號：CC011
2/利用信用卡網上付款
3/及後有登入資料可以立即收看
查詢：whatsapp 63832145
stake中文 在 君子馬蘭頭 - Ivan Li 李聲揚 Facebook 的最佳解答
［補習天王的風險管理］本人不仇富，亦不落井下石。但純技術討論。係咪有啲改進空間？
1. TL；DR – 呢種賣內幕貼士嘅方法，係deemed to fail的。唔應該薄利多銷，應該做客制化，高端，私人銀行咁玩。
2. 純技術討論：犯法係唔啱嘅，捉到就罪有應得。「但諗下點唔畀人捉到」
3. 正經，非抽水。春風化乳，有教無淚，誨人好倦，埃汾教過書，私校津校都教過，中一至中七都教過（都幾好嘢，兩年教晒七級）。唔敢話挫肉英才，比較似係誤人子弟，corrupt the youth。但至少離開時都有口皆悲，學生普遍評價都幾好，而家結婚都仲會請我去飲，有事都問我意見，有啲仲成為呢度嘅讀者，甚至課埋金支持埃汾，呢啲就真係愚子可教，為師含笑九泉。
4. 但即使我仲係教書年代，仲未加入中環萬惡（但好過癮）嘅金融圈都好，即使我當時仲係個酸臭窮知識份子都好（詳見「安雅會談」，自己Google），我都唔係嗰啲道貌戇然嘅教書佬。我並唔係因為高人工而去教書（否則後來唔會丕咳三份一去做銀行），但錢幾時都係好重要，有錢是好東西。
5. 所以我唔會好似啲行家咁批判補習天王。難聽啲講句，你眼紅人地啫。尼馬（冇錯巴西巴塞巴黎嗰個大三巴球員）其實由出道開始已經成日畀人批評，更多係佢嘅私生活，但我鍾意佢夠坦白。佢話（大意）：畀著你係我，後生，有錢，有力，唔通唔玩？留返七十歲先玩？（我加嘅）。正是如此。
6. 早排同朋友飲茶（包括安雅會談在場嘅兩位），又講開教書，我算係教得最耐（兩年）。至少我年代，教師中，都有個講法：好多教書都係三年內走人。唔係頭三年太惡頂，而係到三年後，你人工一加又加，一個唔該拎埋個cert Ed （PGDE教育文憑），你拎三皮幾嘢人工，但社會其他工作經驗係零，你仲點轉工？
7. 唯一出路就係做補習天王。實不相瞞，我都有咁立志過，甚至去見過，甚至有真補習天王見我。仲記得在佐敦，山林道對出彌敦道附近，某大牌補習社。當時見我嘅，係已經幾出名但未係買豪宅（屯門啫）嘅高式卡，Kevin Ko．
8. 聽聞佢已經退出江湖多年，咁為免年紀輕嘅讀者（呢度有冇？）唔知，高式卡真係相當咁出名。點出名？出名到《愛出貓》（仆街呢啲咁撚爛嘅戲我都入場睇）都要醜化佢，有個叫「高式古」嘅角色，而後來高式卡直頭出律師信的．彩蛋係，後來出碟，佢個名變成陳順發。唔知乜水？英文係Oxide Chan．仲唔知？咁證明你冇乜睇港片。Oxide就係彭順！咁陳順發當然就係彭順加彭發（＊＊），套戲正係彭順有份導演
9. 講返，我對蕭源甚麼，冇乜批評。黃國英話齋，呢啲補習天王，學生肯去畀錢，家長又支持（大多數都係家長畀啦，真係援交去補習咁痴線咩（＊＊＊）），咪完全證明所謂主流正規教育嘅失敗，日校老師嘅失敗。而天王（例如林逸欣）搵到咁多錢，就可以話正規學校係underpaid佢，市場肯畀佢，咪值。補習天王就係重視individual talent嘅行業，英超球星都係，investment banker都sort of 係。我從不眼紅人地，因為人地值。我冇美斯咁好波，亦冇陳美詩咁好波（唏波呢啲嘢好主觀），所以人地搵得多錢過你，優勝劣敗，有幾撚難明？
10. 講咗一大段都未入正題，只係想講，我無意針對蕭源，或做正義撚。當然犯法係唔啱的，我亦唔會Blame the system，佢係破壞咗個規則，同埋製造不公嘛，坐監就抵。
11. 而舊文都寫過（https://bit.ly/2ZEBaMA），有利益嘅嘢，自然有人出古惑，走後門。人性嚟的，唔好咁虛偽以為人人係君子馬蘭奴，世界只有馬蘭頭。球員轉會消息又好，諾貝爾奬又好，入美國大學又好，公開試試題又好。有high stake，自然有人犯險，自然有啲技不如人但有錢嘅人，想出術。
12. 但，你話馬後炮又好。其實蕭源呢種玩法係，係實會出事的。亦都係類似推土機執銀仔咁。
13. 你見到個矛盾在邊嘛？一方面，佢sell嘅，係內幕消息，本人好撚堅。但內幕消息，by definition 就係唔可以畀人知。請問，如何你可以用一樣，唔可以畀人知你知嘅嘢，去大鑼大鼓搵生意呢？
14. 所以，你話我冷氣軍師都好。首先，大家唔應該犯法。但如果係要咁出術嘅，就梗係唔係收幾舊水然後講畀幾百個學生聽（＊＊＊＊）。呢種玩法唔可以做薄利多銷。一定係私人銀行，tailor made，我只係做幾個有錢仔學生，但收佢每人一百幾十萬，只係講畀幾個人知，咁可能冇咁易出事？
15. 所以同樣道理，你見啲咩微信女咩內幕消息，必然係假。仲要你錢都冇比，仲有人地波波相睇。一定係流料。係堅料點會咁派？唔怕坐監？
16. 記住，純技術討論。大家唔好犯法。入赤柱擺壽酒，係冇人得閒嚟飲的。
17. 呢篇我幾滿意，如果大家反應好嘅，聽日我寫多篇類似嘅。講PTGF扯皮條，亦都係近期案例。咩係PTGF？我都唔知，好似啲化學物品嚟的，Polymer之類，PTFE啲朋友掛
（＊）呢篇其實特登玩咗好多四字成語，同學們可以拎去做中文Proveread．包括呢個Proveread都係要Proofread的
（＊＊）講開彭氏兄弟，當年我見過有條報紙題，叫做「彭氏兄弟迎娶李心潔」，真係改變我三觀。可惜冇相，亦可能係我曼德拉效應
（＊＊＊）又講開，我有個中學同學，唔係援交搵補習費咁痴線。但佢係本校地理科狀元（其實其他科都係），拎咗嘅獎學金（官校啲奬學金，一千幾百，尤如垃圾），第二日就拎去補Linda Lau。呢啲就叫市場取態。即係等於你捐罐橙汁畀道友，佢應該會想去賣咗佢然後去吸毒咁。
（＊＊＊＊）都未計，如果太多人知，根本你個消息就已經失咗意義，仲會令你風險更大。如果真係四份一考生都補佢，又知內幕，你估會點？四份一人拎Ａ？定係老廉好快搵到佢？
------------------------------
版務：收費專欄已推出，支持埃汾高質文章。幾舊水睇三個月，一星期三篇
請去呢度訂：bit.ly/2wVXndj
課程編號填: CC01
科咗水後後有Login及Password畀你
逢一三五入去 homebloggerhk.com （見到就睇到《事先張揚》），亦睇得返以前嘅文。一般我都係會黃昏出文嘅。
stake中文 在 How the Kremlin has weaponized the Facebook files 的推薦與評價
... and the Kremlin's exploitation of these developments suggests that it too has a stake in how the internet is governed. ... <看更多>
stake中文 在 報章英文成語教室- 新聞翻譯What's at Stake in the Nevada ... 的推薦與評價
新聞翻譯What's at Stake in the Nevada Caucuses 內華達初選有何利害得失? 關鍵用語at stake 利害得失at stake 利害得失at stake 利害得失請勿誤譯, ... ... <看更多>