#圖文不符
雷大囡成日問我，做咩佢做乜諗乜我都估到。每次我都答佢：「我地有條隱形嘅臍帶連繫住，所以佢諗乜做乜我都知。由懷孕果刻開始，我地一直有條臍帶連繫着，雖然出世後會剪斷左，但我地只係從有線變左無線接收姐」 🤣細細個果時佢會覺得好神奇，到而家大左開始半信半疑，但呢個係我地嘅小默契。只有相信，佢先解釋到點解佢諗乜我都知😆
實際上呢條無線臍帶存唔存在冇人知。但個個媽媽都好了解自己子女，媽媽從bb一出世就開始要估佢想點，估佢想食奶定想poopoo?點解會喊，點樣止喊...從出世果一刻開始睇佢睇佢尾頭眼額。個個都係福爾摩斯嚟㗎嘛，點會唔知你想點吖！
所以我個囡係咩人咩性格我絕對了解。我知我個囡係比較內向，比較唔識表達自己。小學四年級算大定算細冇標準，只可以對事而論。有人話咁大個唔識表達自己係唔得。雖然我都會鼓勵佢學習嘗試表達。但我唔會迫、亦知道冇得迫，唔需要迫。人冇完美嘅，我而家咁多野講咁嘈，其實我細個性格仲內向過雷大囡。
人會大，性格會轉變。我會俾時間佢慢慢摸索。只要佢心係善良，外向內向，好靜好動又如何？唔通每個人都要教到一式一樣用個模印出嚟會比較好咩？
但當然我地大人知道，唔敢表達自己好蝕底。但你估個小朋友自己唔想表達嗎？佢只係唔識，唔敢。同大人唔同，大人表達自己冇負擔，可以為自己嘅說話負責。唔洗驚呢樣驚果樣。 但小朋友唔同，佢地比我地擔心嘅更多，唔敢大聲講野，怕老師話俾媽媽聽，唔知媽媽會唔會鬧。怕媽媽話俾老師聽，唔知老師會唔會罰。太多野怕，所以好多時俾人問多2句就唔知點答。唔係因為佢想講大話，可能只係怕答錯。
作為成年人，可唔可以俾啲空間小朋友呢？ 唔好因爲佢說話吞吞吐吐就懷疑佢做壞事或者想講大話！大人被質疑自己嘅誠信都會好難過，何況小朋友嘅弱小心靈？一句懷疑嘅說話可以傷得小朋友好深...特別係一啲平時已經唔識表達自己嘅小朋友。你一句質疑已經可以打破一直以來對你嘅信任。
所以，請大家未了解事情真相之前，請先選擇相信小朋友，幫助佢地解決問題。而唔好用質疑說話懷疑嘅態度去「了解」真相。咁只會嚇壞小朋友。更傷害佢弱小嘅心靈。
好掛住我個囡,仲有一個鐘先放學。好想快啲大大力攬住佢，話俾佢知媽咪相信佢，愛佢。
🌟阿囡，你唔洗驚。喺適當嘅時候，你呢個自由放養型媽媽，都可以變身做怪獸媽媽，做你嘅直升機守護神。只要你知道媽咪永遠都係你旁邊支持你
唔好意思，有感而發，冇乜重點。
#有口難言
#小事一樁
雖然可能只係我諗多左，可能佢根本單純到聽唔出人地對佢質疑嘅說話..
（希望係咁啦，希望佢純真嘅心仲未被污染）
媽咪愛你😘😘😘
poopoo意思 在 YouTube Poop - 維基百科，自由的百科全書 的推薦與評價
YouTube Poop（通常縮寫為YTP）又名YouTube糞便，是一種透過編輯現有的媒體資源而創作出來的混雜影片，目的是搞笑、淫穢、令人煩惱、困惑、震驚或戲劇化的用途。 ... <看更多>