雖然賴叔閱事呢個 page 同 置地記者 定位上有啲唔同，但係有啲嘢始終係 in-common 嘅。例如話，處世。
//
睇清楚，係「做人」，唔係「造人」。雖然「造人」都係一門學問，但唔係事必要過咗 30 歲先嚟學。
***警告：長文慎入，大拿拿 2,500 字有多，唔係人人有耐性。***
「做人」，英文粗略翻譯為 “Be a man” 。 Robbie Williams 嘅 “Better Man” 入面押尾嗰句 “Lord I’m doing all I can, to be a better man” 約略就係「神呀，我盡晒人事，做個好啲嘅人」嘅意思。 Okay 如果你係女權份子或者反父權主義同陽具崇拜嘅， “Be a better person” 都得。但 Robbie 唔會睬你咯。
Be a man ，原則上係同 “Be a boy” 對立嘅。由男孩或者男仔成長為男人，呢個過程我哋常常稱之為「大個仔」。呢個過程好撚柒鳩漫長，由戒尿片開始已經可以唱「大個仔係我」。到鼻哥對落、上唇對上出汗毛，你又話係「大個仔」。咁莫講話你身體其他部位長出毛髮，以及食咗個女仔隻豬 (okay 如果對家唔係處女嘅，咁就只有你畀人破處咯) ，呢啲都係「大個仔」， becoming a man 嘅環節。
我有 follow 嘅專欄佬訊開宗明義希望各位「優雅地佬去」，比起「大個仔」嚟講，又提升一個層次。我諗，未到 30 歲，都唔想亦唔好意思被稱作一個「佬」。細佬另計。我好快已經坦然接受自己唔再係十八廿二，已經係叔叔，已經係中佬。唔係中坑已經飲得杯落。但係，我都有一段時間唔接受我再無可塑性。
可塑性，英文係 Plasticity 。喂， Google translate 係咁講架！
認真少少，可塑性嘅同義詞係有潛質、有潛力蛻變成另一種人。另一個講法，就係未定型，好似塑膠咁，未冷卻凝固成為一舊硬膠之前，係液態，可以按模具嘅形狀而製作出唔同嘅用具、器皿等等。套用喺人身上，應該就係熱血青年、血仍未冷，就有可塑性，想轉行又得，想轉基又得，想轉型亦得，得咗。
一個人要幾有自信或者幾自大先至會覺得自己有潛質？唔使好多嘅，基本上任何一個初出茅廬嘅畢業生，都有潛質。自覺與否就因人而異。但係要去到成 30 歲人開外仍然覺得自己有潛力再爆上去，就真係要返多少自大同埋多少野心先得。如果話「人到無求品自高」，咁過咗 30 歲人仲未知足，似乎就距離「發財立品」有一段距離。
好喇，入正題。 (多謝大家睇我鳩噏咗成千字)
#職場心經
page boy意思 在 [ 有趣的片語] toy boy vs.... - Ronnie's English Cafe 3分鐘英文 ... 的推薦與評價
[ 有趣的片語] toy boy vs. boy toy 說明: 小編今天發現一個很有趣的片語，而且中文的意思很相近，大概可以翻成“(靠 ... Recent Post by Page. ... <看更多>