大家都要有個心理準備，嚟緊搵工會再困難啲。
身邊有幾個朋友不約而同打算農曆新年後resign，有決心唔係齋講嗰隻，其中一個當時見埋工，仲有一兩個直情辭職信都print埋，然後全部計劃擱置，前者本身同新公司傾好晒，新年後人哋home office，負責嘅人同唔到老細傾，搞搞下勢色唔對，position都hold起埋，而打晒resignation letter嘅朋友都feel到呢個時候走，可能唔知幾時再搵到工，畢竟大家都睇住自己公司同埋一班同行不斷cut budget。
有求職平台嘅job ad大幅減少，意味住冇新空缺，headhunt公司望天打卦，本地job冇，relocation嘅job更加慘淡，原先想擴充嘅嗌停，本來3至4月係職場執位高峰期，而家冇人走，換言之就冇流動空間。仲有好多公司其實都陰啲陰啲裁員，人工9折、8折、7折我都聽過，乾脆停薪留職又有，只係呢堆公司名氣唔大，新聞冇報出嚟。
唔止正職受影響，freelance job都cut得就cut，老細想自己員工兼顧埋先，然後酒樓餐廳要保持1.5米距離加上人人唔敢出街食，侍應等等嘅炒散空缺亦大量地壓縮。
作為老闆當然唔好過，有啲公司或店舖兩三個月冇生意就係冇生意，冇咁長命等到疫情好轉，香港呢個畸形社會，租金可以長期成為世界之最，細細嘅office幾皮嘢租一個月，商舖捱貴租亦唔係第一日嘅事，政府乜都唔做，業主就攬炒唔益你，一個月頂唔緊就會有骨牌效應，咁員工失業去得邊？周圍都冰河時期，冇人走，冇新位，僧多粥少，大家又困獸鬥。
當個疫情4、5月好轉（我咁講都好天真），心理恐慌都揮之不去，需要一段時間睇清楚同適應，萎縮咗嘅公司唔係一兩個月彈得返起，主力出口同倚賴東南亞廠房生產嘅公司仲愁，因為你控制到疫情都未夠，人哋仲失控緊，新訂單繼續等等，搞搞下又年尾，然後每個人都唔想過年前冒險。
我相信有啲影響其實未浮晒出嚟，可能6至7月會見真章，或者有更多公司倒閉。
咁冇job又或者企咗喺度可以點呀？之前有廣告時日日比人追稿，好多嘢想develop都冇時間，而家望住啲期好空洞，就不如寫多幾篇稿同大家分享所見所聞，另外睇多幾本書，因為都驚會靈感乾塘。我有朋友積極搞緊online store，而家工作量減少就砌網站，當大家都預視到嚟緊條路唔易行，不妨趁而家睇下點樣裝備自己，改變唔到現狀就唯有強化心態同埋自身條件，你去裝個外掛出晒中英文字幕睇netflix學英文又得，我呢排無聊到攤開張瑜珈墊用電視播Rebecca Louise練緊收肚腩，然後拎支封晒塵嘅結他出嚟練返，呢啲都係過去一兩年我好想做，又一直冇時間冇精神做嘅嘢。
就算唔講學嘢，你選擇relax同樣冇問題，之前步伐太急促，想放鬆下都冇機會，幫我剪片嗰位同事就決定開部PS4打FIFA，佢隻game上年10月買，加加埋埋都係打過幾次，佢問我打FIFA係咪浪費時間，我答佢：如果你可以從浪費中得到樂趣，其實已經唔算係浪費。
每段路總有得著，太樂觀太正面嘅說話講出嚟好老土，所以簡單一句就夠喇，希望大家心領神會～～～香港人，撐住！
netflix中英文字幕 在 [心得] Netflix雙語字幕插件更新- 看板EAseries - 批踢踢實業坊 的推薦與評價
更新版Google Chrome插件下載連結：https://tinyurl.com/yf8kgjj9
今年九月Netflix更新介面後，原雙語字幕插件無法使用
經過搜尋，發現有新提供者上傳更新版的插件（連結附於開頭）
目前顯示正常，功能皆與原版相同
--
※ 發信站: 批踢踢實業坊(ptt.cc), 來自: 101.12.93.156 (臺灣)
※ 文章網址: https://www.ptt.cc/bbs/EAseries/M.1636384871.A.D6C.html
... <看更多>