關於 lv概念股 ，我們在網路上蒐集到這些相關的討論、資訊與評價

今天阿水看到一篇新聞
"奇怪嗎？金價飆新高 卻不是往常因素助漲"

裡面列舉了非常多以往黃金飆漲的原因，當然，新聞的最後寫了，應該就是因為FED造成的。

而大概在將近快一個月以前，
阿水就已經發了長文說
"美國無限QE、對一般民眾的影響?"

當中我就很明確的說：
QE在正常情況下，就是會造成通膨
我也直言:

2. QE 帶來的就是通膨、所以你現在知道了，
你該買的不是LV包、不是把錢存起來，更不是泡麵
而是存在比較抗通膨的產品裡。

3. 黃金在一個月前跟現在會是不同的，一個月前我會看衰黃金，一個月後的現在，黃金會有機會成為抗通膨的一種選擇。

而金價從我發文的3/25 漲到了現在
也證明了我那篇文章的觀點，沒有錯。

不管各位有沒有因為阿水的發文，賺到這一篇黃金的價差
我只能再發文提醒，
不只是黃金，其他富人能保值的物品，易轉現的

包括有實際營收的股票、甚至是不動產的價格，都可能相對較強勢。

有些人可能會想說：水哥，你不是非基本面與財報面派的嗎？

對，我這邊指的就是，原本一檔股票他的基本面或財報能帶來5分的漲幅，在QE之後，熱錢會讓一檔原本只有5分漲幅的股票、來到7分甚至8分漲幅

這並不是一個絕對的關係比例，但這就是資本市場中，你我要比別人多了解這一點的。

就好比我已經在週刊王的阿水專欄中寫了兩個星期的
注意電商股、注意SWITCH概念股

我們要做的不是去猜、而是知道市場下一步會炒什麼，我們只需早一步去卡位而已。

分享給大家。

［家庭觀眾切勿模彷］LVMH買唔到Tiffany，咪買Pandora咯，三份一價錢咋

又係多圖，建議你睇medium版。其實出medium文用多好多時間，所以只會係有必要時我先咁出。幾時必要？多圖多表多片時就會。

1. 哈哈，Pandora股價大插（穿珠珠嗰間，唔係聽歌），唔知做乜好心涼，其實唔關我事。當然又係業績麻麻地，仲話下年都唔掂。唔知關唔關示威事。應該唔多關，因為香港應唔佔好多，況且你睇LVMH，香港銷售係大跌，但全集團一樣超勁（http://bit.ly/2PP3Kpz）。

2. Pandora真係一隻港女（OK，其實係大中華女，或者亞細亞女）概念股。記得當年（2015）我睇時，澳洲佔7%收入，其他亞洲（包埋中國同香港）都只係9%，冇細分。事隔三年，中國（當然包埋香港）就已經佔9%，加埋其他亞洲（包括澳洲）就超過兩成。而家中國收入已經高過澳洲50%。

3. 再深入啲睇到，其實絶大多數地方銷售都係倒退嘅，真係靠中國（再講一次，包埋香港）一命救全家，先保住成個收入唔使跌。又，你見到，在原產地丹麥，就真係冇人買的。咩話，丹麥丁屎咁大可以有幾多生意？我好相信香港鼻屎咁大，生意多過丹麥好多，可見香港人幾咁有錢（或者幾咁窮，因為聞說有錢就唔買Pandora）

4. 亦都留意，Pandora在中國，其實都仲係不入流的，講緊市場佔有率1%都冇。但，中國業務都夠一命救全家。可以睇到中國市場有幾重要，亦好難怪啲公司要跪低。你根本唔使做market leader，食餅碎都多過你丹麥成罐曲奇餅。

5. 當年最經典嘅場面，就係每年情人節前夕（又名小三節，所以其實應該2月12日去影，因為係小三節前夕）（http://bit.ly/33kTU2K），我去啲大商場，見到一個個港男排隊，臨急抱佛腳，個個面色蒼白眼神散渙咁。為乜？梗係為全年其他日子嘅幸福啦。成班好似睇聖鬥士星矢，中咗「積屍氣冥界波」等落黃泉啲中陰身咁（有冇話你知埃汾係巨蟹座的？）。而我本人就真係一次都冇買過。又，眼利嘅你應留意到，其實張相入面好多係女人。最尾解。

6. 然後我見到，嘩，Pandora開到屯門元朗都有（OK，交易廣場係冇的，Fact check撚可以休矣），甚至拉脫維亞斯洛伐克都有（！）。望下隻嘢先。

7. 先講講，官方當然好多講法，但對我嚟講Pandora就係朱義盛穿珠仔扮名牌。諗呢條橋嘅真係天才。你可以想像到，Pandora嘅profit margin相當高。有幾高？純利率講緊22%。你覺得唔係好高？咁的確低過麥當勞好多。不過LV講緊都不過係15%，Kering（姑池母公司）都係咁上下，Tiffany講緊12%。可見Pandora食水幾咁深，同埋買嘅有幾咁水魚。唯一可以匹敵嘅係名牌中嘅名牌，愛瑪士，純利率近25%的。當然買家唔會覺得搵笨，講過N次，貴嘢靚嘢就唔會抵的。

8. 然後睇下股價，Pandora真係來回地獄又折返人間。2012–2016年，升咗廿倍咁滯！但到2016年到而家，跌七成幾，五十蚊升上一千蚊跌返落嚟三舊水。未慢慢睇，但你大約估到，呢啲咁朱義盛嘅玩法，唔持續得好耐，因為人地識得抄。人地見咁多水魚，窮買窮賣之嘛，窮人冇嘢多，但人口多。廿蚊成本買你三十蚊，只要夠多人，可能好過八百成本買一千蚊。Tiffany本身已經唔係好高檔（埃汾買得嘅可以有幾高？），但一樣再出啲再平嘅嘢，咪搶到你生意，你cheap我都cheap，cheap到你都驚。

9. 上篇寫Fitbit寫過啦，公司再垃圾去到某個位就吸引（http://bit.ly/2C4jeOy），我懷疑都遲早有人諗買Pandora。LVMH買唔成Tiffany，可以諗諗佢（http://bit.ly/36hKK9h）。太cheap？扯，Tiffany 都唔係貴嘢啦（埃汾買得嘅可以有幾貴？），就係貪佢唔貴，補足返LVHM未有嘅砌圖。怕唔怕影響集團形象？咪就因為咁所以要保留原本品牌咯，東海堂都貴過美心西餅啦，幾時見美心西餅搵架妹賣廣告？

10. 講返，Pandora一年收入講緊近34億美金（下同），純利就7億半，市值50億美金。Tiffany呢？其實收入45億，純利甚至得6億左右，市值就150億。（順手講埋，Swarovski一年收入都係咁上下，但純利唔知，冇上市，家族嘢）

11. 你睇，幾有趣？Tiffany收入高過Pandora 三成，但落袋嘅純利仲要低過Pandora少少（都話利錢低），但又市值等於人地三倍。當然係因為收購炒咗上嚟，但仲有好多其他嘢。Or something is wrong？

12. 當然亦見到，Pandora係單位數市盈率，Tiffany廿幾近三倍。固然不能直接Pandora Charms同Return to Tiffany比。但，係咪完全乜都冇得比？收購者錢就得一舊，買得邊個（當然可以why not both），等於港男錢就得一舊，買得邊樣（當然可以why not both）。但女嚟講，亦可以係一條受Pandora一條受Tiffany，但點冇咁易why not both啦下話？

13. 我個人嘅直覺係，Pandora係幾抵買的。唔係指啲貨（又一好公司不等於好產品嘅例證）（http://bit.ly/2mgSztv），亦唔係指隻股票，我指係作為收購對象。固然梗係經營有啲問題先搞到股價跌七八成，但去到呢啲位啦喎。你唔識經營，唔緊要。LVMH識嘛。你班管理層咪袋錢走人，由更識得玩呢盤嘢嘅人上咯，係咁架喎。

14. 買唔到Tiffany，咪買Pandora咯，你係LVMH可以咁，當然亦可以why not both。港男就唔好試了。我指唔好買唔到Tiffany就買Pandora，why not both係可以的

15. 呀，彩蛋，in case 有人唔知，Pandora係……丹麥公司（其實上面有提）。所以股價係丹麥克郎（未用歐元咯），亦係哥本哈根指數20隻成份股之一。由公司名嘅Pandora A/S亦睇到丹麥嘢，嘉士伯馬士基等都係A/S。等於德國嘅BMW AG，法國嘅Hermès International S.A.，意大利嘅飛甩雞毛S.p.A. (唔好讀成spa，亦留意大細階），英國嘅HSBC plc，日本嘅任天堂株式會社咁

16. 彩蛋2，都係知咗冇耐，日文嘅株式会社其實直譯德文（而唔係英文或中文或自己作出嚟）AG．日本以前（講緊戰前了）讀醫全部用德文教，必學德文，聞說而家醫科仲保留好多德文字。如是我聞

17. 彩蛋3，真係曼德拉效應，我成日講，但發現原來自己冇影過小三節（或小三節前夕）嘅港男相。倒係在日本見過。港男小三節積屍氣冥界波買Pandora，日本仔一樣白色情人節前買排隊買Godiva。講緊小倉咋，都咁Q多人，唔係福岡唔係東京。不過，買盒Godiva斷估點都平過買Pandora

18. 彩蛋4: 原來囡囡有張Pandora嘅卡！但我冇買過！好可疑！仲要睇下個編號！仲可疑！（不過聽聞其實唔係順冧把嘅，亦可能只係咁啱嗰期revamp新會員制，或者係咁啱續會）

街邊阿叔都講電競, 完全令我諗起當年 數碼港, 係時侯炒番轉 電競股啦掛!

明報 原文 http://bit.ly/2fmyHBb 港企投資電競「即食」 聚焦周邊產業 李嘉誠攻硬件寬頻 業界籲鼓勵投資職業隊伍

呢篇報導雖則 鱔鱔地, 但都仲係好正. 只係 天水圍嘉湖變做 電競場 呢單野我就已經話左比同事聽. 加埋林建岳隻豐德麗 在橫琴又話整個場館 (話時回頭, 林建岳就冇乜叻, 但吃喝玩樂就真係至叻, 佢搞就比起其他人搞有說服力呀下)

但更加正既係呢個 "產業鏈". 得罪講句, 真係相當流.

唔係整圖果個流, 個圖整得好好! (唔好既唔會 SHARE 啦) . 而係而家興電競 又個個地產佬 變晒趕潮流, 搞笑程度比當年 數碼港 人人高科技更甚.

於是人人都想沾呢壇渾水呀, 係咪都扯上電競概念, 好炒過一帶一路. 好快你會見到人人爭做 第一電競概念股, 大把人上報紙受訪問.

真係天水圍商場收租股都當概念股咩大佬, 定NOW台播節目都算? 定寬頻都算? 點解唔計埋出面 賣熱狗果檔? 正經啲, 咁Facebook 更加算係啦.

真正比較似樣既, 應該係 聯眾(6899). 但利申, 冇睇得好深入, 而大陸公司嘛, 你都知多啲古惑. 但至少牌面上係比較近磅的

至於 咩周杰倫 8175, 8字頭, 你話我偏見都好, 我係唔信的. 就當走寶啦下.

反而黎緊隻雷蛇 (做 專用Keyboard 同 Mouse喎) 應該有得留意下.

講明先, 我係唔信呢啲硬件點搵得到錢的, 一路都係果句, 你又唔會有品牌(LV咩), 又唔見得會有客戶忠誠度, 技術又唔會好高 (又有幾高丫). 實會比人抄的. 我唔使抄晒你, 但我有你8成, 然後賣你 3份一錢, 你啲 margin都實有壓力

不過以上呢啲只係正路分析, 我覺得市場好耐都未有一個 theme 去炒了. 之前炒過咩 大時代呀, 一帶一路呀, trumpflation呀

呢個咁既 "電競" 狂熱 照計點都有得炒番轉....掛.

執筆之時 雷蛇 都同我或我公司冇任何關係, 但第時上市我就唔敢講, 到時就唔方便寫啦