Search
藝人鄧詠雪（雪子）早前出席活動，與魔術師李澤邦合作表演魔術，在台上以舞蹈配合魔術，雪子在一分鐘內極速換了四套衫，引得全場觀眾報以掌聲！雪子笑言今次學了極速換衫的魔法，祝大家今年都可以「換樓快過換衫」。喜歡接受新挑戰的雪子擅長舞蹈，去年又苦練美人魚潛水及參加美人魚選美，而今年第一樣挑戰就是學習魔法，她說：「李澤邦係好犀利嘅魔術師，畢業於美國魔法學校，贏過唔少冠軍，希望我都可以參與多啲魔術表演，自己都多樣技能，我都想繼續學多啲唔同嘅魔術。」
@bondleemagic
Thanks Wai Lap Chan
#jnbentertainment
藝人鄧詠雪（雪子）早前出席以卡通片《貓狗寵物街》做主題的活動，與幾位朋友童心大發玩到癲，雪子直言很開心被邀請，亦勾起她很多童年回憶：「我細個都係跳舞中度過，每年都有大型演出，好多同動物有關，例如天鵝湖扮天鵝，獅子王扮森林動物，又扮過阿拉丁嘅蛇，係好開心嘅！」雪子表示自小已很有表演欲，因此決定加入演藝圈，曾加入跳唱組合的她去年參演了幾部大陸網絡電影，希望今年有更多機會發揮演技，她說：「我睇咗塔羅牌，有問事業，佢叫我如果有關禁忌角色一定要接，例如鬼片、驚慄片，可能會Hit到！」
Thanks Wai Lap Chan
#jnbentertainment
熱愛旅遊的藝人鄧詠雪（雪子）年中推出以美人魚為主題的遊記寫真，之後她未有停下腳步繼續周圍飛，早前就到了埃及及杜拜拍攝旅遊短片，她說：「今次行程包羅萬有，去咗沙漠，又去咗水上樂園同出海，仲參觀咗好充滿歷史價值嘅建築物！」喜歡陽光與海灘的雪子此行都要穿上泳衣晒Slim爆身材，High爆擺出瑜伽動作拍照，又戴上美人魚魚尾留倩影：「今年由年頭熱到年底，去咗好多熱帶地方，飛咗20次，希望明年去多啲唔同國家，我會帶住條魚尾繼續遊世界。」 講到在埃及的經歷，她表示紅海非常清徹，在很淺水的地方已見到好多大魚，顏色七彩繽紛，其後她潛入水底，水世界更令人目不瑕給。她又在沙漠玩電單車，玩足三小時橫跨大片沙漠，卻發生驚險事：「本身地下凹凸不平，已經震到個人好唔舒服，之後我架車仲死火，其他人都駛走晒，我附近冇晒人，好驚大叫好多聲都冇人聽到，叫天不應咗十幾分鐘，好在隊友發現唔見咗我返轉頭嚟救我！」 問到此行有否艷遇？雪子笑言在杜拜不停吼住附近有否油王：「朋友叫我去停車場撞油王，又討論邊啲個樣似，真嘅就撞唔到，但我網上有Tag杜拜呢兩個字，真係有啲個樣好似油王嘅男仔Follow。」 #travelwithsherin #旅遊達人
Thanks Wai Lap Chan Barry Chung
#jnbentertainment
