Search
出發喇🇹🇷🇬🇷
熱氣球..洞穴酒店..藍白小屋..日出日落...
第一次去土耳其希臘超期待！！
近年去旅行慣用AIRSIM數據漫遊卡，今次都不例外。出發前經AirSIM手機App訂了歐洲Combo方案，一卡通用歐洲33個以上國家，到埗插卡即可使用。
我買的是15天5GB，價值268港元，包含30分鐘免費AirTalk通話分鐘，可打電話返香港報平安或預約當地餐廳。
AirSIM簡單易用，網絡接收穩定，速度快，SIM卡能重複使用，存放在隨卡附送的卡套連iPhone針，去任何目的地用同一張，方便又環保。
一些目的地方案或比市面買的SIM卡貴一點，不過節省了出去買的時間，亦少了SIM卡到期的限制。若行程需延長，更可隨時用App增值。
方保僑透露，近日曾有使用另一款雙卡雙待蘋果手機iPhone XS Max dual Sim的用戶在蘋果支援網投訴，指在日本旅遊時同樣無故出現微量漫遊數據，情況與今次的投訴人相似，故他認為蘋果及電訊商應跟進及調查事件。
為免無辜被多收數據漫遊費，方保僑建議使用雙卡手機市民外遊時可採以下三招其中一招自保：
第一招：在目的地如日本購買當地的手機上網數據卡，因使用這些「本土上網卡」一般毋須開動漫遊數據功能，令遊客不用冒險開啟手機的數據漫遊功能；
第二招：外遊時可使用兩部手機，例如把香港網絡商的主卡插進一部已關掉數據功能的手機，僅用於話音通話，另一部手機才插入數據漫遊卡以便上網；
第三招：旅行時索性拔走手機內的香港網絡商主卡，只插入另購的數據漫遊卡，同樣可避免墮入數據漫遊收費陷阱。
唔知大家知唔知，除咗iPhone XS 之外，其實新一代嘅 iPad Pro 11寸同12.9寸版，都一樣內置咗eSIM功能。好多人都以為eSim只係取代咗張實體Sim卡，但其實如果好好利用，有eSIM嘅手機同平板在漫遊方面會方便好多！今日Z世代達人麥卓華同大家一齊睇下！
#Z世代達人 #麥卓華 Alfred Mak #數據漫遊 #eSIM
唔知大家知唔知，除咗iPhone XS 之外，其實新一代嘅 iPad Pro 11寸同12.9寸版，都一樣內置咗eSIM功能。好多人都以為eSim只係取代咗張實體Sim卡，但其實如果好好利用，有eSIM嘅手機同平板在漫遊方面會方便好多！今日同大家一齊睇下！
我哋上台嘅SIM卡一般嘅數據漫遊日費計劃都比儲值咭貴，不過勝在唔駛換卡。但各網絡商亦都睇準左eSIM漫遊呢個市場，推出漫遊嘅儲值eSIM。好似今日介紹呢張由3香港推出嘅日費eSIM，就最啱用量唔多，又貪方便嘅朋友仔喇。呢張卡賣港幣138蚊包10日漫遊數據，只要上佢哋嘅網頁用信用卡俾錢，完成交易之後，5分鐘內就會收到啟動QR Code嘅電郵。
之後去「設定」、「流動網絡」、「新增流動網絡計劃」、跟住就掃描頭先收到嘅QR Code、好快、呢張eSIM就已經安裝好可以用喇！記住揀番用呢張卡行數據，之後開埋數據漫遊，咁去到目的地，就即刻可以上到網！$138包10日漫遊數據即係平均$13.8一日，價錢相當合理，而且唔駛一次過連續用，用一日計一日，支援包括大部份東南亞地區以及美國、加拿大、澳洲同埋部分歐洲地區。提提你喇，每日以香港時間0:00到晚上11:59計算，每日過咗500mb用量就會限速，所以用來睇片呢張卡就唔岩用喇。張卡啟用後，日費有效期係90日，不過只要你在有效期前上網加購日費用量，張卡嘅有效期就會連同之前未用晒嘅日數延長90日，就咁用$15買一日，或者$138買10日都得架！
如果你覺得一次過俾$138買10日日費貴、你亦可以選擇The Club嘅eSIM。呢張卡申請完全唔駛錢，只要好似我咁上網申請後，就會收到啟動QR Code，做法同頭先一樣。ClubSim嘅日費計劃由$15一日起，不過歐洲同美洲就要$68/日，比3香港貴，不過勝在覆蓋地區較多。
不過，既然部iPad Pro可以儲存最多8張eSIM，裝埋呢張Club SIM又無妨啊！因為可以自己隨時選擇用邊張SIM上網！
Z世代達人
麥卓華
#ipadpro2018 #apple #Z世代達人
之前有觀眾留言查詢，都係想問關於新一代 iPhone Xs 系列雙卡在使用上面嘅情況同問題。今日就等我同大家再測試下，睇下幫唔幫到大家！
首先就係關於雙卡雙待雙通嘅問題喇。之前我哋講過iphone雖然有雙卡雙待，但如果一張卡講緊電話嘅時候，你又選擇咗用另一張SIM上網，就會連網都上唔到。可能之前拍攝嘅片段無交待得好清楚，所以今日我再試一次俾大家睇… 可以睇到，現在我用緊數據卡上網，當有電話打去話音卡嘅時候，當我聽咗電話，想一邊上網一路講電話？就會一路Hold住上唔到… 要等到我個電話講完，先再一次可以上到網喇。 不過如果收電話同上網係用緊同一張卡呢，就反而無問題。
好彩嘅就係，當你升級到iOS12.1之後，在流動數據一項入面，已經加入咗「流動網絡數據切換」選項，雖然未做到雙通，但係如果你兩張卡都有數據，又唔介意在通話時用通話那張SIM卡嘅數據的話，咁你部手機就會自動幫你將數據SIM暫時改為通話中嘅SIM卡，咁部手機就未至於上唔到網喇。
另外就係關於雙卡漫遊嘅功能喇。我地在測試當日用裝咗 iOS 12.0.1嘅 iPhone Xs Max，入面插咗一張香港號碼主SIM用來聽電話，同埋一張香港嘅漫遊日費卡。由於日費卡要開數據漫遊功能先用到，而數據漫遊係唔可以兩張SIM分別開，所以我就確定揀咗用日費卡上網，先去開啟數據漫遊功能。之後我就一直正常上網，不過用咗唔夠半個鐘，我張香港號碼主SIM就收到個SMS，話有數據漫遊嘅紀錄！ 最後我再睇番紀錄，當日手機台的確錄到100KB左右嘅漫遊數據！想避免呢個情況發生， CSL或者1010嘅用戶，可以事前用佢哋嘅App揀番要每次再確認先可以使用漫遊數據嘅選項，而3香港同中國移動香港嘅用戶就可以透過以上短碼使用， 用緊Smartone嘅朋友就要打上熱線，暫時停咗個數據漫遊功能，咁樣就可以防止以上嘅情況發生。
如果你有關於使用 iPhone 或者其他裝置嘅問題，都歡迎你隨時留言話我知，我哋都會盡量幫你測試同解決問題架！
《Z世代達人》
麥卓華
#iphoneXs #dualsim #iphonexr
