電話響起～
我：「你好，乜乜診所」
對方係一位女士：「我想預約，約住八點半先呀」
我：「唔好意思小姐，我哋今晚八點嘅，你嚟到登記就可以啦，冇預約嘅」
佢：「冇？我嚟到要等呀？」
我：「係呀」
佢：「八點半要等幾多個呀？」
八點半嚟到至少等十三個鐘喎。明天請早啦～
我：「最遲登記係八點呀，八點半冇得登記啦，收咗工啦」
佢：「八點半已經係我最早啦喎」
你去睇廿四小時應診診所啦，做咩一定要咁執著呢，就算你係住附近都係去遠啲睇咋嘛。
我：「我哋八點就準時截症，你有需要就八點前嚟到啦」
佢：「我生日喎」
關我叉事？生日嚟睇醫生係件值得炫耀嘅事嗎？你啲朋友祝唔祝你年年有今日好呀？
我：「八點前嚟登記啦」
佢：「我咪話咗我生日囉，未有咁快食完飯嚟到㗎」
我：「我哋準時就截症㗎啦，如果真係趕唔到嚟嘅可以去第二間睇呀」
佢：「第二間都收我張公司卡？邊度有呀？」
哦～唔怪得咁執著一定要睇我哋醫生啦，原來手執一張醫療卡。
我：「我唔清楚你張卡有邊啲診所收，你打去HOTLINE問吓啊」
佢：「我！今！日！生！日！呀！」
我：「唔好意思小姐，醫生唔會理病人今日係咪生日而延長個應診時間，亦冇講明會同其他病人有咩唔同，所以你真係要睇嘅就麻煩你八點前嚟到診所登記啦」
佢：「酒店都唔會白紙黑字寫去佢度慶祝嘅人有咩優待㗎，人哋咪又係有！同佢講聲我生日，人哋衰極都至少送個蛋糕嚟呀！」
咪乞人憎囉，你生日關其他人Q事咩～我哋冇反應你就炳人，人哋有反應你就自以為自己係vip好威威。
我：「小…」
嘟。我都未講第二粒字，佢已經cut咗我線。
小…你…
hotline意思 在 台灣同志諮詢熱線協會- 妳／你知道LGBT代表什麼意思嗎？... 的推薦與評價
HOTLINE.ORG.TW. 20150315（日）青少年同志雙聚會：LGBT小學堂| 台灣同志諮詢熱線協會. 妳／你知道LGBT代表什麼意思嗎？當別人問妳／你是T、婆、哥、弟、熊、猴… ... <看更多>