2020~2021球季完。
致各位球員：
足球世界就係咁，有贏便有輸。今季雖然成績未如理想，但都好多謝你哋有心為隊波付出同努力嘅每一位🙏🏼 今季有起有跌，過程更有唔同阻滯，多謝呢啲阻滯令到我哋成長咗更多，意見唔啱咪傾到啱，只要大家願意肯講肯聽，一人讓一步，我哋就可以行更大步，多謝大家嘅互相包容、互相扶持、互相尊重令到大家關係更加緊密💙
致秋玲Miss, Dicky, 阿佳：
Dicky sir, 頭半年辛苦你同miss喇，我真係好中意比你教，你講啲嘢好中point, 好make sense，harsh得嚟又唔係mean，唔似其他人啦(在心中)。即使你辭咗職你都會嚟睇波支持我哋，真心無得頂！好開心你依家做自己想做嘅嘢，希望你早日上軌道，搵多啲💪🏻
Missy, 呢一年同你相處時間多咗，除咗教波方面，我都跟你學咗做人處事嘅嘢，好多嘢大家都有口難言，一切在心中。但有啲嘢你唔方便出聲就等我出聲，我唔驚啲人點講我，最驚啲人單你一禍，桶你一刀，遇著唔公平嘅嘢就交比我，我一定唔會比你食死貓。唔開心記住唔好收收埋埋呀，一定要發洩出嚟，我呢個樹窿隨時為你打開☺️
阿佳，點會少得你呀，多謝你*收咗工/非工作時段*都會抽空支持我哋女子隊，有時仲用私伙嘢幫我哋影靚相，真專業攝影師！但你嘅出現令到你比人話，我私下講聲唔好意思，不過私人時間做私人嘢都非常合理呀，辛苦你喇🙇🏻♀️
致各位球迷：
多謝你哋嘅付出，無論比賽地方遠或近，你哋都會抽空嚟支持我哋，即使我哋贏/輸，你哋都無放棄過我哋，仲不斷支持我哋，真係萬分感激🙏🏼
容許我講多一樣嘢(預咗比人周)，我哋並非職業隊，唔該唔好將我哋同男職作比較，我哋嘅體能、身體質素、技術都根本遙不可及，要比較都搵番台灣/日本女足比較啦(人哋的確值得比我哋去學習/參考)。
有人經常用上頭名義嚟命令我哋(真上頭命令定啲人自稱上頭真係唔知喇)，要做呢樣嗰樣，咁教練嘅工作係要做咩呢？我淨係知要因材施教，除咗要跟番球會大方針之外，若果一隊波入面連傳接球都未做好，咁請問點樣可以做到好嘅組織呢？然而係練習上抽10-15分鐘做好基本功都會比人話，「依家唔係pre-season呀, 嘥時間做呢啲係唔明智」，但我哋跟本就無preseason, (除非疫情開番第一場比賽前嗰3-4課係叫preseason 啦)，如果唔係就唔好話嘥時間。
人又你鬼又係你，真係不得了👏🏼
下半季氣氛咁差都係因為你搞出嚟的
harsh意思 在 【哈薯/ haa1 syu4 / harsh】 詞性：形容詞Part of speech ... 的推薦與評價
【哈薯/ haa1 syu4 / harsh】 詞性：形容詞Part of speech: Adjective 意思：形容一些事情令人很辛苦；或是形容一些言語上、甚至行動上的攻擊Meaning: harsh; ... ... <看更多>