［LMFAO］我要跳怪叔叔！我要跳怪叔叔！（＊）
1. 呢期好多人講而家市況係咪好似2000年科網泡沫咁。咁呢個當然係100億嘅問題，歷史又好少簡單重覆，況且2017年我在星展時已經有人咁講，而泡沫總係爆咗後你先知，一切都好似「早有先兆」—事後睇。
2. 況且，投資嘅嘢，思想不能咁二分。不能只諗「係」定「唔係」，永遠係值博率，贏面，注碼配罝。所以今篇唔係討論「而家係咪泡沫」
3. 不過想講嘅係，可能有啲讀者都年青，都未知當年咩景象，始終都20年前。我都只係學生。
4. 咁除咗我地成日講嘅地產佬都個個高科技（我巧記得1998年我已經用網上拍賣仲拎去世貿中心交收—梗係銅鑼灣，唔係美國），個個都卡其褲 skin head矽谷才俊look。仲有就係一大堆乜乜。com
5. 香港就有Tom。com （又名「劏得甘」，誠哥啲嘢），有 HongKong。com，仲有一大堆咩天網呀 Y28 呀 之類嘅東西 （而我當年居然去「博學堂」買過書！講緊1999年嘅事，你老味在中環中心放書，真係唔蝕到仆街有鬼）（＊＊）
6. 美國，就梗係威水。啲名騎呢過騎呢。有Pets。com 有 Flooz。com 有
7. Crayfish。com 有Fatbrain。com ．最經典嘅係ezboar。com，詳情……自己睇（https://ggle.io/3lA8）
8. 當年亦同而家一樣，最初話，睇盈利？out啦。睇收入嘛。後來啲公司？根本收入都冇，得個website。乜乜。com．睇eyeball，hit rate，啲才俊返工就係不停reload自己公司個網頁（當時bot仲未咁普及，全球化又未咁勁，冇得外判畀個南亞仔幫你F5）
9. 好啦，講咗咁多。舊年最當炒，亦被視為泡沫之一嘅，當然係堆 SPAC。美國殼股。詳情？我舊文寫過，你自己去睇（https://bityl.co/59ye）。記住一訂Patreon就全部睇晒，好開心的說（https://bityl.co/4Y0h）
10. 今日呢隻新股（https://bityl.co/59yg），都係一隻SPAC。咁，佢嘅上市編號就係……LMFAO．是真的，內文都係咁寫。當然用四個位，就梗係LMAO。
11. 即係，冇事咪冇事咯。有事，呢啲就會成為廿年後啲分析員，講我地而家呢個年代嘅代表作。「咁都好意思入表」「又有人抽」。真係LMFAO
12. 呢隻LMFAO買乜？未研究，怕且唔係LMFAO或者莊冬昕嘅創作rights．話時話近年好輕。最早當然好多人都聽過嘅大衞寶兒 Bowie Bond，可以講係 asset securitization 嘅先行者。近期就有七人一個嘅Bob Dylan，同埋Neil Young 。
13. 呢，collateral damage係乜？就係Prince（死咗了）嘅遺產都畀人再翻幅，政府話當時估值唔啱，要再抽多啲。點解？就係有咗其他歌星，咪大約估到值。「你聽香港政府講咗三十年咩活化債券市場都係咁咋」，有咗幾隻，咪可以推埋其他出嚟。
14. 拿，科網講到SPAC講到Bob Dylan 怪叔叔 博學堂 姚樂怡（之後有），抵支持啦。基本上我每樣嘢都唔識，但又每樣都識少少。狐狸型，唔係刺猬型。
（＊）有典故架。莊冬昕「怪叔叔跳古怪舞」（https://ytube.io/3DdM），當時畀人勁恥笑。但後來就有人平反，話你睇人地LMFAO，或者啲韓仔，都係咁之嘛。所以證明呢，在這社會最怕走得太前，做先知係好痛苦嘅。又，啲女幾得。不過我都係鍾意「食軟雪糕」多啲（https://ytube.io/3DdO）。「啱啱畢業日日夜夜淨係做做做，相當激烈求求其其隨時無得撈」。歌詞不知幾有深度
（＊＊）講起呢啲科網時代回憶仲有好多，我年紀嘅人人有個故事。想快嘅你去睇《跑馬地的月光》（梗係睇姚樂怡！）或者《新戀愛世紀》黎明扮Bill 姬。想真實嘅，睇我本人。當年我居然收過錢幫人做過webpage，恐唔恐怖？唔止，當年我畢業，有間銀行請我去搞e banking，幸好我有啲自知之明，最後都turn down offer．活地亞倫話齋，我真係唔會幫襯一間請我去做e banking嘅銀行。係邊間？係道亨。道亨後來變咗乜？星展。咁星展最出名嘅事係乜？就係掉咗人地個保險箱落堆填區。而後來我就去埋星展，真係善惡到頭終有報。不過我都好似冇刪走當年啲FB Post—唏，陳琳（文學家嚟呀）話齋，打份工啫，各為其主。箭在弦上，不得不發，搵食啫。我又冇鬧人祖宗十八代。
get down梗 在 [創作] [影片]Get Down風火輪- 精華區WOW - 批踢踢實業坊 的推薦與評價
昨天在台中完全不想做
剛才回到台北就趁著看世界盃的空檔把影片合了一下
https://punkmaid.pixnet.net/blog/post/26390648
分流：
https://www.youtube.com/watch?v=Qq7xVWbMGPw
https://tw.nicovideo.jp/watch/sm11088043
Nicovideo
有興趣的人可以去加彈幕
新增歐爾加強版
部落格的網址相同
分流
https://www.youtube.com/watch?v=U8lOW8Qpvk0
https://tw.nicovideo.jp/watch/sm11088669
Nicovideo
--
※ 發信站: 批踢踢實業坊(ptt.cc)
◆ From: 114.42.168.153
... <看更多>