《長文慎入》
To cut it short, Luka嘅中文名叫「翱伽」，讀O-Ka😉
做爹哋媽咪其中一個重任就係幫小朋友改名🤔
英文名其實都算順利地改咗；
4月做gender reveal嗰日同參加嘅人講咗，又估唔到大家都好鍾意呢個名，@vickywoo630話好日系，大家就話好襯我哋，覺得BB應該係個暖男😝
我而家嘅英文名Sean係我讀中學嘅時候睇NBA，跟馬刺嘅一個球員改嘅；而Luka都係因為NBA另一個球員 @lukadoncic 而揀嘅😆
去到中文名就有啲難度，因為中文字嘅選擇實在太多，反而覺得無從入手😵💫
問過其他做爸爸媽媽嘅朋友，除咗大路嘅「搵師傅改」之外，亦都有唔少人話諗吓想囝囝第時係一個點嘅人嚟去改
初時Vicky話想用「睿」，因為想BB叻啲，意思上我無咩異議，只係我唔係100%鍾意呢個字，所以繼續諗
突然間「翱」字pop咗出嚟，覺得好型之餘，又好有意思
個囝如果係叻固然之係好，但係呢樣嘢唔係guarantee，如果佢唔叻咁點呢？我其實好想佢搵到一樣佢好鍾意嘅嘢，讀書又好📚運動又好🏀藝術又好🎹，搵到之後就喺呢個範疇出最大嘅力，做到最好，喺自己嘅領域「翱翔天際」
就算做唔到最好，我都希望佢可以自由自在，有自己嘅一片天空
至於個「伽」字，match返Luka個音真係其中一個原因😆，想佢似伽利略都係嘅，因為睇返伽利略嘅生平，知道原來佢爹哋係想佢做醫生嘅，但係佢最後喺天文同物理上嘅成就，正正就反映咗佢正確嘅選擇。
@flyingwithluka 希望你鍾意爹哋媽咪幫你改嘅呢個名啦😌
Image inspired by @hipdict
gender reveal中文 在 【山火】gender reveal party 惹的禍！ ... - English Flow 英文涓流 的推薦與評價
【山火】gender reveal party 惹的禍！ 加州山火越燒越旺， 起因是一場gender reveal party (寶寶性別揭曉派對)。 這篇暫時不談英文文法，集中講述美國文化。 ... <看更多>