我琴日去左灣仔會展參加左 #香港貿易發展局 舉辦的教育及職業博覽。
好榮幸獲大會邀請，可以同前輩李臻同台，同大家分享自己讀書升學及求職的經歷☺。講真，我諗好多已經出左社會工作的朋友都會同我一樣，覺得自己讀書係未夠，有時都心郁郁都想讀番書👨🏻🎓; 亦有朋友雖然讀書唔多，但喺唔同的行業搵到自己的興趣及專長，一樣做得好好、好開心👩🏻🍳👨🏻🏭👩🏻🎨👨🏻💼
所以人生的路係自己走出黎，無一條方程式，揀左就盡力做，唔好俾自己後悔!💪
嚟得教育及職業博覽，當然一定要去我舊東家職業訓練局 Vocational Training Council (VTC) 個攤位行下!!!!
今次VTC展出多項由學生研發的創新科研成果、得獎項目及先進教學設施👍🏻👍🏻 我即場玩左個藍芽搖控機械車! 中學讀理科的我，對於簡單的工程組裝都有興趣架! 砌完即場同學生「鍊返轉車」，我仲贏左添! 😂
之後我仲去左 #建造業議會 的攤位學扎鐵!!!!! 🤠 依家扎鐵唔駛用力係咁扭架啦~! 有綱筋捆紥機，幾秒就扎到一個結啦! 其實行業依家已經運用緊好多高科技的器材，令工作更安全和簡便，亦有好多培訓課程，有助行業晉升添!
行行出狀元! 快啲去會展行下、玩下、了解下啦! 展期去到星期日咋!
clothing: Laurèl HK
#hktdc #educationcareersexpo #vtc #cic #hkdse
