#賭Sir：《5**數學男人嫁得過》唔只係一本考試攻略，更加係一份 #祝福、#鼓勵、#支持。
今時今日，香港嘅中學生真係好慘－－DSE中文卷臭名遠播，連文章嘅作者都答唔中Marking Scheme；學咁多年英文，同西人傾偈都係非常吃力；通識更加唔使講，完全係政治副產品，搞著啲後生仔女，變相做磨心；啲選修科嘅Syllabus又係Cut到唔三唔四，散修修、四不象，都仲未講嗰啲乜鬼嘢「其他學習經歷」時數，強逼浪費時間，幫啲邪惡組織提供人力，做免費勞工賣旗。
好可惜，上述嘅殘局，我無力扭轉。唯獨是數學科，SKX學生＆YouTube粉絲一直支持我，喺傳統教育制度以外，用嶄新嘅方法撥亂反正。我嘅理念係扶助香港嘅年青人，以最短時間考好數學，慳返更多嘅時間，做自己真正中意做嘅事，發展自己嘅人生。
年青人受壓逼，為人父母嘅壓力又點會細？望住仔女為咗迂腐過時嘅公開試頭痕頭痛，家長嘅精神壓力仲大。查實老師亦都辛苦，特衰政府教育制度畸型，好多情況都有心無力救。
《5**數學男人嫁得過》除咗係一本【教考試、教讀書、教神技、教搶分】嘅另類數學補習人工智能大數據紅外線納米棟篤娛樂秘笈之外，更加係對公開試準考生嘅一份祝福。
如果你手上嘅呢本書，係由某人送畀你嘅話，記得好好多謝佢。喺孤獨嘅人生旅途上，有人支持、有人鼓勵、有人為你打氣，係一件好幸福嘅事。衷心恭喜你！
5**#數學男人嫁得過
#賭波男人嫁得過
#碌葛男人嫁得過
※5**數學男人嫁得過※
※出版:財經移動 / 定價:$118
※作者:賭SIR、戴曉峰(Ken Tai)
【內容簡介】
《賭波男人嫁得過》作者賭Sir之後又一力作！！
《5**數學男人嫁得過》是一本：教考試、教讀書、教神技、教搶分
《5**數學男人嫁得過》的重要使命，就是教學生「如何溫習數學」。
DSE殺到埋身！！應該操幾多年Past Paper？？做咗By Topic先定By Year先？？溫習數學除咗做題目之外仲可以做乜？？很多學生都被DSE呢3個字母嚇到自亂陣腳。明明平日易如反掌的數，也會臨場甩轆，計得一塌糊塗。
作者從事補習界多年，對於考試制度、學生心理質數，都暸如指掌。這本書就是從如何應付考試的心理質數《備試心法》篇開始，繼而直入《考試技巧》篇及《座標攻略》篇。在《考試技巧》篇及《座標攻略》篇中，作者專登寫啲「學生好想知 (神技*)」或者「學生需要知(搶分*)」嘅內容！！
讓學生知道，面對形而下嘅數學考試，唔只要「識數學」，仲要「識溫數學」呢！！
為使學生更接受數學科，作者在《生活數學》稿中，舉出一些數學如何融入生活的例子，使學生不知不覺動腦筋，隨時隨地在計數。其實數學跟中、英文一樣，是語言的一種。既然學生可以活用中、英，數學也一樣可以輕鬆自如地運用起來。能輕鬆運用，便不會再被數學嚇壞。這個時候，相信學生已擁有應試級的心理質數。
為了使學生能更輕鬆面對數學科，書中特別加插了Ken Tai Facebook專頁《數學咁都得！？》的有趣數學題。
#5數學男人嫁得過
#賭SIR #戴曉峰KenTai
#教育 #流行書
dse通識past paper 在 DSE通識Pastpaper題型概念全分析(卷一) PART A (筆記任Down) 的推薦與評價
六大單元概念重溫PART1 今日香港/現代中國/個人成長https://www.youtube.com/watch?v=NFdQt6Ek26I&t=11s六大單元概念重溫PART2 全球化/能科環/公共 ... ... <看更多>