《其實好掛住嗰個「人生有個大關要跨過」嘅感覺》
我記得以前睇過一集叮噹，係講大雄諗到條橋，希望改變自己讀書讀屎片嘅劣勢。
(係呀我係睇叮噹㗎，唔係睇多啦a夢， 我最鍾意嘅係技安，覺得佢係全世界著長褲著得最好睇嘅人)
講番嗰集叮噹，喺未來世界，成咗年嘅中年大雄事業好失敗，人生好潦倒，生活好空虛，中年大雄諗諗下覺得，最衰都係自己高中嗰時唔勤力讀書，於是中年大雄就乘坐時光機飛返去高中嘅時空，諗住 去diu 醒高中嘅大雄，點知佢返去搵番高中大雄嘅時候， 發現高中都為時已晚，高中大雄原來已經衰到改變唔到啲咩。於是中年大雄同高中大雄就一齊乘坐時光機，去搵初中大雄，覺得要同初中大雄算帳， 去到初中嘅時空，初中大雄就話「關我鬼事呀，係小學大雄搞成今日咁，小學大雄先係始作俑者」。 於是中年大雄聯同高中及初中大雄就一齊去小學嘅時空，諗住聲討 小學大雄，質問佢點解細個唔勤力讀書。結局係三個大雄 去到小學嘅時空一齊起勢咁sm小學大雄， 瘋狂同小學大雄補習，督促佢要由小學開始勤力讀書。
其實呢集叮噹，係想警告啲睇緊卡通片嘅小學雞，要勤力就要由細開始。今日的事，其實昨日就應該做，今日你仆街唔如意，係因為你過去冇為today努力。
今日見到好多人安慰考得唔好嘅dse考生，同佢哋講求學不是求分數，考得唔好唔使太傷心。其實我覺得佢哋如果冇盡力讀書，成績考得差，其實係好應該自己受返，冇需要特登安慰佢哋，佢哋大個就會明白「人生有個大關要跨過」嘅感覺，係值得回味架。點解唔畀一班唔盡力嘅人，自己承受返自己做成嘅挫敗。
如果我有大雄部時光機，可以返去我會考個年 …(話說我當年其實考得幾好㗎)
我其實幾想同當年會考嘅我講 …
※ Diu, 唔好成日覺得自己會考考得幾好，好明顯你就好似賭仔咁，中咗舖 圍骰就以為自己係賭神，你知唔知就係因為你會考好彩考得好，搞到輕敵，最後a level仆街。
※ 雖然笑人仆街係最開心，但都唔好咁幼稚，笑夠分但選擇唔原校升讀嘅人，撲去莊啟程，最後莊啟程唔收，兩頭唔到岸，心地唔好咪呢啲囉。
※ 唔好笑人哋考syllabus a 英文，覺得自己考syllabus B 就巴閉過人，成年嘅你咪又係睇toy story 都要睇粵語配音，睇天使得得B 都睇字幕
※ 唔好笑人哋29分 ,爭一分要局考a level冇得拔尖，見人咁唔好彩就心涼。人哋係努力咗差冇運氣差少少成功，你係冇努力冇運氣，亦唔成功，睇牌面你係輸曬。
※ 唔好再笑人哋邊個邊個嘅親戚零分要讀毅進，因為若干年後，呢個親戚會因為奉子成婚，全家收入太少，而排到公屋。
※ 好好enjoy 「生命入面嘅難關只有a level ,只有一個有marking scheme嘅難關」嘅stage, 因為往後嘅日子所有嘅難關都冇marking scheme
※ 唔好再為自己會考考得幾好而感到自豪，因為若干年後，自從有左 dse 之後，你會唔敢話畀人知，你考過會考，唔想畀人知你係由石器時代嚟㗎
※ 唔好花咁多時間喺xanga, msn同tbb身上，因為若干年後，3樣野都會唔存在
你睇得明以上我過去嘅幼稚，智障嘅想法同挫敗？你有冇曾經都係咁諗？hahahaha… 你老囉即係。
你老左，你就會好掛住以前曾經「覺得會考好辛苦」，「人生有個大關要跨過」，「自己原來真係好白痴」嘅感覺...
中年大雄同我都一樣，返唔到轉頭，但就算當年幾挫敗，其實都唔緊要，因為人愈大，你會發現當年所謂嘅挫敗，係比鼻屎更加微不足道...
dse英文level 3分數 在 DSE 英文paper 3｜ B卷統計: 分數、字數與POINT數的關係 的推薦與評價
完全版連結https://www.hkdse-english.com/ dse -eng-paper- 3 -full-skills/ ... <看更多>