【支持本Page營運，請加入成為Patreon會員，謝謝！】
【國際關係大師、照讀新聞黃標KOL不會說給你聽的分析】
正當全世界嘅焦點都放咗響特朗普有無辦法推翻選舉結果之時，龐佩奧正響歐洲中東進行七國外訪。今次外訪特別側重以色列訪問，並促成巴勒斯坦政府屈服，公開表示願意同以色列政府合作。
然後再睇下響呢半年，特朗普同龐佩奧做咗啲乜：
1. 促成七次台灣軍售案，最後兩次甚至係響大選不足兩星期內完成，數額遠遠超越台灣國防預算可以負擔嘅規模；
2. 以售予阿聯酋50架F-35換取海灣諸國同以色列關係正常化，外界將呢個聯盟戲稱為圍堵伊朗嘅「小北約」
3. 火速批准原售予土耳其嘅F-35轉售其死敵希臘，令土耳其空防面對沈重壓力；
4. 加快從阿富汗及伊拉克撤軍，將戰略轉為向伊朗施壓；
5. 取消「開放天空條約」，準備將條約規定使用的OC-135B偵察機售予海外盟友
如果你只係聽香港班黃標KOL同國際關係大師亂吹廿九，當然唔會明白究竟呢幾單新聞意義響邊，所以比多個貼士大家：計埋今次外訪，龐佩奧經已係佢繼5月、8月之後第三次出訪中東，呢個簡直係超人行程。特朗普政府呢半年外交手影之密，連「開足Turbo」都不足以形容。
點解要咁急躁呢？如果特朗普真係打算再連任四年，點解唔攤長慢慢做？點解響而家選舉爭議咁混亂之際，身為國務卿嘅龐佩奧唔響美國坐陣，反而仲要再三出訪？
可能你經已會估：「因為特朗普經已預計自己會輸，所以盡快響任期結束前完成哂想做嘅嘢。」但呢個只係僅僅合格。真正滿分嘅答案應該係：「一個一流嘅政治家／外交家，無論係連任定落台，都有辦法貫徹始終落去。」
其實特朗普同龐佩奧當然希望自己可以繼續連任，但唔代表佢地唔會為萬一選舉失敗嘅情況做好準備。龐佩奧準確預估倒響拜登上台後，佢嘅外交政策路線一定會大變，所以必須要響下屆總統任期造成各種難以推翻嘅既定事實。
1. 響大選前狂推台灣要用好幾年預算先消耗得哂嘅軍售案，就係預備拜登上台後為咗向中共示好，即使往後四年中斷對台灣武器支援，台灣仍然有足夠空間擴展軍力落去；
2. 響中東組成反伊朗嘅「小北約」，即使拜登上台後對伊朗示好解除禁運，以色列同沙地、阿聯酋結盟亦足以構成繼續圍堵伊朗嘅龐大力量；
3. 給予希臘F-35，就係預備萬一拜登打算同經已倒向俄羅斯嘅土耳其修好，死敵希臘仍足以成為土耳其心腹大患；
4. 從阿富汗伊朗抽身，就係防止拜登上台後延續奧巴馬當日失敗嘅中東政策；
5. 如果成功賣掉OC-135B偵察機，「開放天空條約」美方就再無合用嘅偵察機執行條約（共和黨控制參院必然反對新購偵察機），變相令拜登難以重新執行「中程導彈條約」，美國軍方因此保有開放極音速中程導彈空間，而不致被中共響呢項技術上拋離。
睇唔睇倒？呢啲就係一流政客嘅手腕：佢地唔會因為而家大權在握而放鬆精神；相反就算相信自己勝券在握，卻仍然會為萬一敗選嘅情況做好準備。結果順利連任的話固然係好事，但就算不幸被陰謀詭計迫到落台都好，特朗普同龐佩奧仍然足以可以令拜登接手後舉步為艱，難以推翻佢地定好嘅外交路線。
至於香港會點，就真係睇下剩番嘅任期裡面，特朗普同龐佩奧仲有無心機專門針對香港落多幾錢重藥──以龐佩奧對香港嘅關愛，唔係無可能
=================
然後你望番一堆飯民政棍，佢地因為習慣咗打順境波，所以當面對真正嘅逆境時，呢班九流政客及其支持者就變得不知所措無所識從。飯民遞信之後明明Last Day係12月1日，但你睇下佢地響呢兩個禮拜做咗乜嘢？除咗見下記者扑下咪之外，係零。
固然有部份政棍會有覺得自己再無糧出，就再無責任為香港爭取乜嘢嘅諗法，然而更多係因為呢班飯民根本無想像過會有全體從議會掃地出門嘅一日，當呢個殘酷現實來臨之時，佢地就企撚咗響度，乜撚都唔識做──龐佩奧同胡志偉、一流同九流政客，分別就響呢度。（仲記得當日陳淑莊好意思笑佩琳無知，好撚心你啦陳淑莊，你連幫佢挽鞋都唔配呀）
呢度又要講番，本來我對特朗普連任形勢不看好只係個人推測，響網上分享之時亦唔求大家一定同意，但我完全估唔倒嘅係，響我講出個人意見後，竟然有班痴撚線黃屍走黎圍剿，又話乜嘢「之前扮撐Trump，而家終於現出尾巴」又話「邊個敢話特朗普輸一定係左膠」。
究竟呢啲發言有幾弱智，我已唔敢想響度深究，但佢地卻令我突然發現，原來過往呢班黃屍飯狗，過往實在打得太多順景波，所以當一發現形勢同佢地期望相反，就開始自暴自棄、諉過於人甚至發茅。
諗番起，我自己其實已好耐無試過企響順風順水一方，由當日支持社民連、去到人民力量、再去到本土勇武派再去到焦土派，永遠都係企響少數弱勢果邊，所以面對強權打壓早已習慣──亦因為咁，我好早已估倒特朗普就算點啱點正確都好，響主流迫害之下，就係會被巔倒黑白，最終就係會比敵人用陰謀從總統寶座踢落黎。
當然有人會話，飯民唔係一直被共產黨打壓咩？即使響選舉制度上面係被打壓，但至少響飯民大台上面佢地仍然一直佔有主導位置廿幾三十年。每次選舉叫人含淚投票、話所有不被大台認可嘅競爭者做「鎅票撚」、甚至搵埋鍾劍華呢啲濕尻學者做假民調、黑箱作業操控結果嘅雷動計劃──諗諗下，呢班友做過嘅嘢根本就係同美國民主黨一樣，而家走黎捧Trump，真係行撚開啦DLLM。
dllm意思 在 [NMSL] Steam地圖台灣標為國家，但進攻猶豫了- 看板C_Chat 的推薦與評價