【藍帶廚房之Superior Class Kick off!】
遲來的Happy New Year呀各位！
回到曼谷已經有個多星期了，由香港病到返曼谷（講都無人信，有乜可能兩個星期發三次燒！！！連醫生都驚我上唔到機），所以遲遲到未有Update各位我的藍帶高班課情況。最精彩當然不止學到新嘢，而是開學日我竟然響迫到喊的地鐵車廂裡：暈左！精彩呢？！你可能想像唔到曼谷朝早繁忙時段的擠迫有幾迫，如果你覺得金鐘站轉車好迫，大概迫多5倍左右！真係同陌生人好親密！加上我食左藥，就⋯⋯突然缺氧了！真係好侷呀！不過我真心要讚泰國的陌生人，我暈了幾秒啫；不過對沙甸魚式的乘客來說是極大的負擔，因為我是暈落我身邊的陌生乘客度！然後明明大家都動彈不得的情況下，都可以讓我「摩西過紅海」，「運送」我到另一邊門口，待下一站一到，就放我出月台！第二個站的月台助理也很快召喚了一位清潔阿姐幫我撥扇塗藥油；站長也很快到達問我頂得住無？！我說我要趕返學啊！！！佢叫我還是坐多一陣再上車，仲要醒我7:33有一班特別車無咁迫，到時應該能讓我安全地上到車云云。我的開學日係咪好正呢？
搏完同情嘞。
講返我的Superior Class：）
高班的藍帶課比初班和中班更密集，不過能夠學到更多的Modern Cuisine技巧，好似Food Cost、擺盤、慢煮等等。而最令人心情緊張的是：開學一星期，就公布了今個學期考試的題目了！我們必須用上三款指定食材來做出兩個菜式，好有Master Chef的節目感覺。仲要做一本Booklet介紹返兩個菜式的Concept、做法和預想效果！我竟然有機會一展所長。。。Hahahahahhahahahaha。。。希望唔好令自己再失望啦！
送上本周菜式：Pavé de Turbot rôti, asperges verte, gnocchi au carvi, sauce hollandaise（香煎多寶魚配意大利薯仔麵團．荷蘭醬）、Carré d’agneau encroûte verte, risotto d’épeautre, fleurette de courgette(慢煮52度羊架配Spelt小麥粉．芝士夏南瓜泥）。
親愛的粉絲讀者們：
facebook為了令專頁管理者付費賣廣告，只會讓專頁裡的post有限量地接觸已說讚的朋友，所以就算讀者朋友LIKE左/追蹤中都不一定會顯示於你們的wall上。為了令你們更快獲得我的女遊世界，請你記得set 好以下設定😉🙌🏼
電腦版請將「讚好」專頁→按「搶先看」
手機版請將「讚好」專頁→按「追蹤中」→按「搶先看」
#喜歡請按LikeAndShare
#請將我的專頁由已說讚轉為搶先看
#泰國 #曼谷 #旅居 #美食 #相機食先 #手機食先 #女子旅
#藍帶 #LeCordonBleuDusit
courgette香港 在 香港街市好少見到黃色gei櫛瓜(即係zucchini,翠玉瓜)呀 的推薦與評價
香港 街市好少見到黃色gei櫛瓜(即係zucchini,翠玉瓜)呀 EATism 香港好食主義就有啦！新鮮台灣直送 個個星期有靚菜靚生果食 ！仲要係有機、無毒耕作， ... ... <看更多>