做情侶嘅一大挑戰，就係要好了解對方鍾意乜。
唔係話生活上鍾意食乜、去邊、行街買乜等等，而係存在喺心底裡嗰樣喜好。
會沉迷多年、會瘋狂追求。可能係Hello Kitty精品、可能係攝影器材，可能係唔同種類嘅花。
以我嚟講，係墨水筆。我會收集唔同款式嘅墨水筆，漸漸地女朋友就變成墨水筆專家。
因為佢要偷偷哋買畀我、因為想了解我鍾意嘅嘢、因為想踏進我嘅世界。
普通一件物品，透過女朋友嘅手送畀我，多咗一層意義，變得唔再普通。因為有「心思」注入，即刻矜貴晒，值得珍惜。
「咁你知唔知我鍾意啲咩先！」女朋友反問。
「知！」但我有小小心虛：「妳鍾意⋯花吖嘛」。
唔知，死；知，都會死，因為佢會話：「等咗你咁多年都冇表示！我都係自己送畀自己算喇⋯⋯」
除咗為對方收集喜歡嘅物品，後來，女朋友更鍾意咗儲「情侶嘢」，衫、褲、鞋，要穿差不多款，已經係例行公事。
「我以為妳唔啱呢啲嘢，會覺得老套。」
「咪傻啦！有邊個女仔會唔鍾意！」
回憶難得，一件小事件，分分鍾記一世。每次望到嗰件物品，就會諗返昔日嘅片段，「原來我哋都曾經擁有過呢一樣嘢！」
女朋友唔單止鍾意情侶物品，仲會愈嚟愈想要更多，連手機都要同一款。
未拍拖前，我好討厭情侶物品，使唔使搞咁多嘢證明自己恩愛呀？
但依家呢一刻，我明白原來真係屬於兩個人嘅甜蜜，並唔係為咗晒命。
每件物品，雖然零碎，但組合起嚟就係幸福嘅記憶。
(想多一份幸福，即入：http://bit.ly/2gLmhzv)
【後記】介紹返，手機殼都係情侶間不可缺少嘅物件，想整一個真正屬於二人獨有回憶嘅手機殼？呢個聖誕機會嚟喇！自訂手機殼送畀另一半，有心思之餘，又可以盡情咁放閃。即上 Casetify 攞你嘅相自製手機殼啦！
（PS：用PayPal畀錢更加有8折！整多兩Set輪流換都冇難度！有問題PayPal仲會幫你俾退貨運費。）
------------------------
***最新出版：小說《初戀，是不可挽回的追悔》各大書局有售
喜歡的話like我的page，會有更多故事及散文
FB: 莎比亞
*** 八卦先好ADD嘅私人FB AC: sapeiar ***
Follow IG睇獨家sweet相: sapeiar
casetify退貨運費 在 iPhone 請問casetify 的售後好嗎！？ - Apple板 - Dcard 的推薦與評價
因為我問了有關能否退貨，或是換款不換圖，我能補差額的事，也直接被無視忽略了！ 感覺只想補寄了事！我也不是想佔便宜或當奧客， 只是擔心若補寄同款（ ... ... <看更多>