Search
有位移民律師，亂寫英國公民海外所生子女國籍問題，唔係你係BC，海外生嘅都奉旨係BC，連British Citizen by descent 嘅繼承權限制都唔知亂寫，我真係大開眼界
-
成為會員：https://member.martinoei.com/checkout/?rid=pIOrwc
買嘢就：https://shop.martinoei.com
走得就走番英國要知幾多？ (4) 乜係British Citizen by Descent？
一直以黎，都有好多朋友問有關於居英權第二代嘅問題。之前我都有多少分享我自己嘅經驗，但係我覺得唔係太長細。所以我厘個Post希望清楚咁講解清楚。
居英權係當年英國政府為咗安撫大量嘅移民潮，根據British Nationality (Hong Kong) Act 1990而出現。當時有五萬位人仕同佢地嘅家庭成員經過申請而得到英國公民身份。又根據上面嘅法例，當時有五萬位人士（居英權第一代）係自動成為British Citizen otherwise than by Descent，而佢地嘅配偶及子女（即係居英權第二代）就成為British Citizen by Descent。
無論BC otherwise than by Descent同BC by Descent，响現行嘅政策，如果配偶或者伴侶需要去英國團聚，係要申請Residence Visa (Spouse Visa)嘅。但係BC otherwise than by Descent同BC by Descent嘅最大分別係Otherwise by Descent，BC by Descent係唔可以自動pass個citizenship比非英國出生嘅子女。所以如果要申請非英出生嘅子女去英國都係要申請Residence Visa (Dependant Visa)。
等於我之前嘅post所提及過，擁有Residence Visa要申請到Permanent Residence (IRL)係要定居英國响5年，而入籍係需要住多1年同要乎合其他要求（B1 English Test同the Life in the UK Test）。
而且，因為厘種Residence Visa嘅本質係家庭團聚，所以個British Ctiizen作為Sponsor係必須連同家庭成員一齊响英國定居。亦即是嗰5年係一齊嘅。大家可能會留意到有關BC by Descent嘅小朋友攞IRL係有機會係3年而唔係5年，但係要明白大前題係，作為BC嘅父或母必須要清楚證明於小朋友出生前要响英國居住不小於3年。
一般申請從入申請表至到批出，因為簽證中心由馬尼拉搬咗去英國本土集中做, 所以時間要4至6個月。就算加錢做priority service， 都起碼要等2至3個月。
要留意嘅係時間用得最多嘅可能係準備文件同資料，厘個可以兩三個月或者更長。原因係因為大部份嘅居英權第二代都未曾响英國生活過，第一樣要證明係會响英長期生活，第二就係配偶或者伴侶嘅關系，第三英語水平，第四子女嘅讀書安排等等。還有係收入或者資金證明。
要證明將會响英國長期生活，只要有住屋安排（租或買亦可以）。配偶或者伴侶嘅關系是需要證明至小兩年嘅親密關系，結婚之外亦要提供比較多嘅私人資料。英語水平係IELTS 4分或以上，如果擁有用英語教授嘅大學學位就可以括免。而子女讀書安排，就例如係與學校嘅溝通紀錄等等。
由於英國政府為咗確定家庭團聚嘅申請人同dependants唔去攞除咗教學或者醫療之外嘅褔利，同時會要求BC有英國嘅收入或者資金證明。足夠第一期簽證所用，如果响英國還未有工作收入，就即是要有3年嘅資金或者資產去到指定要求。厘個證明要响申請日期之前6個月內都必須要有。
大家要明白一樣非常重要嘅事，就係Home Office嘅case worker係唔同嘅證明裡面有分乜嘢佢地有酌情權嘅。例如，英語要求，現金要求，只要有足夠現金、上市公司股票或者租金收入，响厘個部份，佢地係無權否定嘅。但係對於其它投資、基金、儲蓄保險、MPF、配偶或者伴侶嘅關系之如此類，都係佢地嘅酌情權。所以，千萬唔好認為只要入張Form，交齊資料就無問題。一定要比Home Office嘅case worker更加小心眼同清楚。
如果申請成功，咁究竟幾時要到步英國呢？其實，申請表裡面有一個希望到英國嘅日期係自己選擇嘅，而個日期需要於申請起12個月內。只要响成功申請之後，响嗰一個自己選擇嘅日子1個月內到達就可以。
最後，希望大家要留意嘅係有兩樣嘢，就係到Visa續期嘅時候上面所講嘅嘢都要證明多一次。重有就係，申請家庭團聚（除非係難民）係好小需要上訴嘅，因為係完全無必要嘅。理由係只要係合符所有資格，根本上係肯定成功嘅，如果唔成功多數都係兩個原因，第一就係做到啲文件唔清唔楚，第二就係唔符合要求而自己唔知。如果失敗咗的話，Home Office係會通知reject嘅原因嘅，咁咪再做多次囉。Home Office係會當新咁做嘅，只不過申請費要比多次，同時又要等幾個月。所以，如果大家有信心自己申請的話，就要小心留意。
又係嗰句不負責任嘅說話，我上面嗰啲只係基本資料。每個人嘅case都唔同，我亦只係分享下，並唔係什麼專業意見。如果有錯，歡迎指正。有私人嘅疑問，可能comment或者inbox我。
#移民英國 #走得就走 #番英國 #點做英國公民 #居英權第二代 #T1Entrepreneur #英國企業家簽證 #Tier2WorkingVisa #英國工作簽證 #英國家庭團聚 #英國SettlementVisa
*****************************
點做Tier 1企業家？
http://bit.ly/2xKtisJ
點樣先可以做英國公民？
https://goo.gl/PAhd9g
英國有無太空人？
https://goo.gl/eYtsTM
移民係一條數學題
http://bit.ly/2wgKIyP
移民與香港買樓數學題
http://bit.ly/2vHSayM
移民最難嘅數學題~至愛親朋
http://bit.ly/2g0XITp
*****************************
BC by descent 不在英國出生的子女需要申請簽證留英，BC子女則不需要(請參考下面「比較永居及入籍」)。 若家中有18歲以下子女，無論是Spouse Visa或BN(O) visa，都可以 ... ... <看更多>
九十年代初，英國政府曾推出居英權計劃(British Nationality (Hong Kong) Act 1990)，當時大約有五萬名港人透過此計劃註冊成為英籍公民，為別為居英權 ... ... <看更多>
bc by descent子女 在 港英移頁- BNO入籍後必須懂的事：BC的繼承權英國國籍法 ... 的推薦與評價
... 子女一定係BC by birth，但如果BC去左海外生育，其子女就會變成BC by descent。子女日後如果又係海外生育，個孫出世個刻就唔可以係BC（除非出生地唔俾國籍佢，佢變成 ... ... <看更多>