星期一來回孖崗地獄，今日仲未 recover，輕輕跑一轉，順便試試新玩具 Polar Vantage M2，出個包膠。
收到隻錶，試玩咗幾日，有優點亦有缺點。平日喜歡戴大錶，感覺 man 啲，戴Apple watch 44mm 都唔夠，仲要鑲個鋼框加大，戴 Suunto 都要 baro9，貪佢大大隻夠霸氣。Polar 46mm 錶面，已經算細隻，換取嘅當然係輕量同長氣，戴足三日仲有70%電量。
Polar 錶最大優點一定係心率監測，sensor多，技術高，準確度同反應一定比其他錶好。個人最喜歡係訓練時錶面用顏色顯示心率區間，令跑者可以十分直覺性地調整速度，配合返目標嘅 HR Zone。唔使自己計數，訓練時諗少樣嘢，可以集中精神喺跑姿同技術。
對於卡路里消耗，Polar Flow App會因應心率強度，分析消耗幾多 Carbs、Protein 同 Fat，可以因應消耗控制攝取，亦方便做減重 reference。
另一個好好用嘅功能，係監測睡眠質素，一晚有幾多時間淺層同深層睡眠，中間有幾多個 interruptions，再幫你做睡眠評分，然後你可以跟住數據，選擇瞓返多啲定少啲，對 recovery 好大幫助。因為電量持久，所以可以長戴，唔使瞓覺時攞去充電，件事成立好多。
至於缺點，第一是外型上比較簡單，雖然金屬感強，但冇大錶嘅霸氣。另外就係冇地圖功能，對於我呢啲鍾意睇錶跑山嘅人嚟講，就唔能夠戴去比賽。Polar Flow App數據多，但介面設計都係比較傾向直覺化，需要時間適應。
總結對於訓練同恢復，呢隻絕對係好錶，介面簡潔易用，針對心率嘅資訊詳盡，App提供的訓練同休息建議亦實用，以二千中的預算嚟講，十分抵玩。
Polar
運動筆記hk
#PolarVantageM2
#comebackstronger @ 沙田運動場
suunto app 在 完成下載Suunto App 後，發現App 的操作介面是英文 - Facebook 的推薦與評價
完成下載Suunto App 後，發現App 的操作介面是英文，卻不知道如何更改語言顯示嗎? 以下教您，簡單的幾個步驟，將App 語言改為簡體中文顯示 ! ... <看更多>