直線抽擊偽科學系列《十四》素人父母教你兩歲女肺炎用薑同精油醫
就算我們改變不了這班素人父母，我們仍然可以拯救我們的下一代
——————-背景資料————-
1. 肺炎是一種下呼吸道感染(lower respiratory tract infection)。最常見導致肺炎的是細菌性感染（病毒性或fungal性較少）。
2. 小孩因爲免疫系統仍在發育、相對較容易在上呼吸道感染(upper respiratory tract infection) 後併發肺炎。
3. 社區性感染的肺炎(community acquired pneumonia)一般通常來來去去都是那幾種的病源(pathogen)，所以一般會處方抗生素約7-10日（視乎臨床情況和病情）
4. 小孩肺炎一般會收入院觀察，因為小孩可以於短時間惡化。
5. 小孩病情穩定後一般會安排出院，再持續服用一段時間的抗生素，再評估
———————————————————-
首先，我要點名批評Cindy Lam林綸詩
我唔知道沒有醫療背景的林小姐你憑乜嘢去唔建議病人服用抗生素。無醫療背景唔係問題，好多人都做好多功課去睇文獻學習再進行良性討論。但你乜嘢資料都唔比，淨係話用中醫排毒，咁你係咪有中醫背景？但又唔係喎，係乜背景都無，資訊又無，係咁易拋幾句用薑用精油，個原理係咩都無講。你叫人放棄一種已有醫學實證的治療方法，就唔該你substantiate返個rationale同fully inform個病人唔食抗生素嘅風險。
其實林小姐分分鐘連咩係肺炎、上呼吸道、下呼吸道感染係咩都唔識。黎黎去去都淨係識果幾招浸浴食物（薑蔥蒜 and friends)、艾草和精油。
我逐點去講
1. 薑蔥蒜唔係一個有效對抗肺炎的抗生素。就算你用有效的抗生素去浸浴，都唔會去到個肺，因為你要抗生素入血再傳送去個肺殺菌。
2. 薑蔥蒜我就算當係天然抗生素，你叫人無事都瘋狂浸浴，咁係咪濫用抗生素呀？你d薑蔥蒜就可以濫用都唔驚，西醫抗生素(有醫學實證)就連適當使用都唔得呀？By definition, 一隻抗生素（天然與否），只要長期使用都會引致抗藥性，咁到時浸到無效，你諗住浸咩，檸檬呀？
3. 停用抗生素後發返燒係因為個病未好，未殺哂d菌令個肺炎持續。你竟然唔覺得呢個係問題，如果肺炎持續，細菌可以入血(bacteremia)，更可惡化至敗血症(sepsis)。
4. 如果個媽媽跟你意見，個女出事係咪你負責？但又唔係喎，因為你戴哂頭盔話純粹分享自己意見，唔係專業blah blah blah. 咁你如果將自己定位做唔專業的人，可唔可以唔好覆網民覆到成個專家咁？如果要行專業路線，麻煩你substantiate返自己嘅claim，浸浴點樣醫治肺炎！
—————————————————-
我再回覆埋其他嘅網民
逐點去睇
1. 個女試過發燒入院要用抗生素
2. 服用完後身體差咗好多
3. 要幾星期先變返正常
首先，服用完抗生素後身體差咗好多，邊方面差咗？無講過。幾星期先變返正常，之前係點樣唔正常？無講過。
成件事都係典型的素人父母style，N=1，無頭無尾，無解釋過食抗生素點樣令身體變差，差成點，點樣食完後要幾個禮拜先變返正常。尤如麥兜風格的「有人服用抗生素後身體變差」。
唔係唔可以講個人意見，但當你係建議緊、介入緊別人嘅治療，有可能影響別人嘅健康時，你係可能do緊harm，你係有責任去確保你嘅意見有一個合理嘅質素。
傷風感冒都話damage未必會太大，但依加講緊一個兩歲細路肺炎，你知唔知肺炎唔處理嘅併發症可以係咩？如果細菌入血再敗血症個風險有幾高？
我地要持續地追擊偽科學，齊來守護我們的下一代
#小孩是無辜的
#肺炎可大可小
#請及早求醫
————————————————————-
—————————————————————
如果喜歡文科生的文章的話請慷慨給個讚和分享給身邊的朋友，讓文科生更有動力寫文啊啊啊
記住把文科生set做see first就可以時常睇到文科生的小故事啊
記住follow我IG: artstudentinmed ❤️
————————————————————
sepsis definition 在 Sepsis and Septic Shock - 2016 Consensus Definitions 的推薦與評價
In 2016 a critical care task force proposed a new definition for sepsis and septic shock based on advances in science and the testing of ... ... <看更多>