【清邁近郊．周末煙燻店GreenSmoked】
忙透過後，也不太敢到市中心放鬆，一來清邁朋友似乎也不是人人戴口罩（10個可能有3、4個戴下嘅），二嚟仲係有為數不少嘅中國遊客四圍走。思前想後還是在近郊一帶活動，至少每枱客人都下意識各據一方，保持一定距離。清邁就係地方多，日與夜就算同一個地方，都可以是截然不同的兩幀風景，好有趣。
今晚先談一店的夜間風景。
早在大半年前跟GreenSmoked老闆遇上，型仔老闆響Nimman區早有一家有名的咖啡店「Rustic & Blue」，不過時日過去，連老闆自己都頂唔住尼曼區變得極遊客，於是就同佢嘅家人走到近郊的Hang Dong區（哈！我都係常流連這一區啊！）另覓一個可以繼續俾佢有更大實驗空間嘅地方。老闆跟他的兄弟們很厲害，自己搭建店的鋼鐵大門、自己製造煙燻爐，足足用左8個月時間！所以說，所有的美食都是得來不易的啊！望穿秋水，GreenSmoked在19年12月底每逢周末營業。
佢哋個Menu好簡單，有四款煙燻主食，另外有三款Side Dishes。主食包括：16小時龍眼木煙燻牛腩、煙燻香料全雞配自家秘製燒烤醬、烤厚切豬排配中東甜椒醬，還有煙燻豬牛香腸漢煲配蛋黃燒汁醬。至於Side Dishes就有烤薯、爽脆沙律配合核和煙燻提子、烤南瓜鷹咀豆芝士配梨醬。常常覺得，只要店家肯比心機做好一件事，就算只賣一樣嘢，一樣大有作為！如果有食力的朋友，GreenSmoked就有全個Menu都可以食勻的套餐選擇；不過我驚眼闊肚窄，最後都係單點個別菜式就夠了。
試了佢哋16小時龍眼木煙燻牛腩和煙燻香料全雞配自家秘製燒烤醬，兩款煙燻菜式都烤得軟腍透徹，能吃到本身肉的香甜味道，同時帶著或是木烤或是香料滲出來的焦香韻味。不過更令我覺得驚喜的是其配菜，那道沙律裡的煙燻提子，原來水果跟煙燻味道可以這樣夾，非常有趣！
當你諗住老闆梗係唔志在，所以先只限周末營業？下回分曉佢哋日光白白搞邊科。
greensmoked
暫時只限星期六晚上6時半至11時半營業。
必須預約，可透過facebook或IG inbox訂座；但同時也要預早入錢過數先可確定。
M Size套餐夠2-3人份量 ฿2350
L Size套餐夠4-6人份量 ฿4700
*另外也可以好似我咁，逐道菜單點，詳情請與greensmoked訊息聯絡，佢哋會俾詳細菜單收費予客人。
**也可自攜酒水（暫時無收開瓶費）
#泰國 #清邁 #HangDong
#煙燻店 #BBQ
#好好好女遊清邁
