關於 foodiesdnn九龍灣 ，我們在網路上蒐集到這些相關的討論、資訊與評價

《不normal既supernormal 》▪️▫️▪️▫️▪️▫️▪️▫️▪️▫️▪️▫️▪️▫️▪️
👁‍🗨墨西哥粟米片 (7/10)💲 86

➰兩個人食呢個墨西哥粟米片好似多症啲，份量比想像中要大，面頭有一大舊cream cheese，仲有啲啲牛油果醬，蕃茄肉醬撈離食，確實多層次又好味😛

👁‍🗨西班牙海鮮燴飯 (7.5/10)💲 118

➰西班牙海鮮燴飯既飯粒粒分明，係有少少硬身有咬口果隻既意大利飯質感😍個汁亦都好，海鮮既款式都多，有魷魚，蝦，青口同埋蜆😇而且都幾新鮮冇沙，有驚喜

👁‍🗨三重奏芝士安格斯牛肉漢堡 (7/10)💲 96

➰呢個漢堡成個賣相都好吸引，首有啖啖薯既薯條，之後個包帶點點脆身，入面有三隻芝士，安格斯牛肉漢堡，菜，煙肉同埋蕃茄，底層仲搽左少量茄汁，所以食落非常惹味豐富，不過個安格斯牛肉漢堡就略為煎得過火左些少，搞到冇咩肉汁可言😭但係整體離講係吾錯既

👁‍🗨焦糖菠蘿 (7.5/10)💲34

➰呢度既特點係除左有西餐食，仲有得叫串燒🤡因為叫左好多其他既野食，所以冇咩機會叫多啲串燒試，只係揀左呢個焦糖菠蘿😭佢個菠蘿好香好多汁，仲燒得好靚仔，外層咬落有一片片脆卜卜既焦糖，冇諗過呢度整出離既串燒都咁有質素，完全冇失禮😏

👁‍🗨青瓜薄荷青檸梳打 (7/10)💲 38

➰次次有呢類好似mojito 咁既飲品，都比佢吸引左，呢杯飲落好有薄荷同青檸味，夠哂fresh,酸酸地又出奇地帶微微咸身，可以暫時一解我想飲mojito既癮😂😂

🔛 整體評分（7.5/10)
▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
📍SuperNormal (九龍灣)
地址:九龍灣牛頭角道77號淘大商場2期地下196-199號舖(九龍灣站B出口)
營業時間：
星期一至四及星期日 12:00-22:30
星期五至六 12:00-23:00
#FoodiesDNN九龍灣
#FoodiesDNN香港

《冬日韓燒☃️💨》▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
前幾日Megabox有間運動用品店做大減價，睇完運動鞋之後去左佢樓下幾層嗰間新既炑八度食個韓燒🍢呢間既設計係走比較時尚型格既路線，有一半左右係開揚既卡位適合多人聚會，另一半就係獨立既雀籠咁幾有私隱度😎係佢新開張期間仲有個限時優惠，即日起至到年尾，凡惠顧兩碟或以上既燒烤產品，就可以免費獲得一份牛臉肉或者護心肉😈
.
👁‍🗨 前菜（7.5/10）
.
➰ 除左柚子沙律，其他包括爐邊泡菜蛋、粟米芝士、海帶、芽菜、泡菜、生菜等通通都可以免費添加😱大部分都唔錯，係略嫌個芝士鹹度高左少少😳值得一提係之後年輕店員們見我地食曬都有主動問駛唔駛再加，今時今日呢種服務態度👍🏻
.
👁‍🗨 霜降牛小排（7.5/10）💲190
.
➰ 霜降牛小排既油花分佈都幾平均，厚度適中，食落肉質夠曬軟腍，牛味濃郁，而且有黑椒粒調味得宜😍
.
👁‍🗨 厚切上等鹽烤牛舌（7/10）💲118
.
➰ 呢個牛舌真係夠曬厚身大塊，一開始第一塊唔知係咪燒得太耐，食落某啲位稍微韌身難咬👉🏻👈🏻所以之後嗰啲我地縮短燒既時間兼夾剪細佢，後尾就無再話韌到咬唔開之餘，又可以保持到一定既嚼勁😛
.
👁‍🗨 芝士熔岩飯（7/10）💲128
.
➰ 個飯一上台，店員就會倒芝士同蛋漿落去，再撈幾撈就可以做到🧀拉絲，呢個最緊要係趁熱食，泡菜都落得重手，入口香辣惹味，而且必定會飽肚🥘
.
👁‍🗨 純Oreo冰抹（6.5/10）💲62
.
➰ 呢個啲冰都幾綿，頂部有雲呢拿雪糕、脆身既Oreo餅、比較薄層既Oreo碎，以致Oreo味唔係好夠濃，食食下入面會有啲麻糬粒，大部分都係煙韌既，有少部分會略為硬身，仲可以自行淋上薄荷朱古力醬，可惜去到中至底部已經無曬配料得返啲冰，感覺變得單調了🍨
.
👁‍🗨 冰雪芒果特飲（6.5/10）💲38
.
➰ 面頭係有大概半個橙同埋幾粒芒果肉，下面就係沙冰特飲，沙冰幼滑唔會話有冰粒🍹味道方面，橙味好似比芒果味突出，橙味都正常唔會藥水，不過如果芒果肉可以多返啲、芒果味香濃些少切合返個名會更好，底下仲有唔少帶點咬口既蘆薈粒🤗
.
🔛 整體評分（7/10）
▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
📍炑八韓烤 (九龍灣)
地址：九龍灣宏照道 38 號企業廣場第五期 Megabox地下21 號舖
營業時間：
星期一至日 11:30-23:00
#FoodiesDNN九龍灣
#FoodiesDNN香港
#炑八韓烤 #炑八 #炑八新分店 #韓國餐廳 #韓國菜 #炑八烤肉 #韓燒 @ 炑八韓烤 MeokBang Korean BBQ & BAR

《平食下午茶》▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
👁‍🗨 汁燒薄切牛脷飯(細) 💲 34 (下午茶餐）
.
➰ 行到餓又吾知食咩，就是旦搵左呢間日本餐廳醫下肚😶叫左個汁燒薄切牛脷飯，賣相比想像中失色，而且個飯吾夠汁，想用下佢既燒汁撈飯都有點難度，牛脷亦都有點梅😳冇咩牛脷既香味，不過整體離講，味道不過不失，$34下午茶份量岩岩好又包飲品，算係咁上下🤔
.
🔛 整體評分（6.5/10）
▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
📍北海道十勝豚丼 (九龍灣)
地址:九龍灣宏照道38號Megabox 10樓4號舖
#FoodiesDNN九龍灣
#FoodiesDNN香港