[出片後小感想]
點解要大熱天時拖埋@ahmychannel 同 @killer.steal 落水出去拍幾個鐘片就係為咗個7,8分鐘嘅segment?
我都唔係好知點講，好多原因嘅：
第一，我知好老套但都係想拍好條片，呢部機@sonyxperiahk #Xperia1II 我已經遲出架啦，所以諗住要大家等咁耐，不如就深入少少同大家講下佢個相機，起碼大家等咁耐都gur啲呀。
第二，其實係為咗自己。而家有個studio，有冷氣，隨時可以開機拍片，係舒舒服服，但係拍得多，每條片都係同一個angle同一set，其實有啲悶，所以就想出去拍下片，比啲挑戰自己(雖然搞鳩埋我兩個friend) 。
.
I love my job and I'm grateful for everything, but like, it's still a job man. 有陣時會覺得，好多工序都好重複好相似，我以前講過一個比喻好似超人片咁：劇情都好似一樣係隻怪獸唔同。
我唔想自己嘅片變成流水式作業，所以⋯⋯有陣時出下去拍片，踏出自己comfort zone(我知，好港女tone)，搞鳩下自己，其實係為咗想自己團火燒得再旺啲，唔好咁快burn out。
.
做咩都好，覺得頹嘅，得閒比啲麻煩嘢自己做下係一個幾好嘅方法。
.
最後多謝ahmy同killer兩個咁熱都出嚟幫手，無言感激！冇咩事⋯⋯我又番出去做嘢先啦。
