Search
#7頭天天都多 WhatsApp + Signal Sticker第一彈啱啱上架啦🌝留言區有QR code👉
好多人問我點解咁耐都唔畫sticker🥲原因係我好難創作一啲自己唔會用嘅嘢，大佬我全日WhatsApp同Signal搵我嘅msg大約得0-3個，大部分仲係客嚟🥲我邊有咁多機會send sticker畀人，所以我真係唔識點畫實用嘅sticker，因為我本人33年嚟都完全冇機會用sticker同人flirt嚟flirt又naughty又funky😎人生好難🥲
WhatsApp Sticker:
https://whatsticker.online/p/492910Ci5a7K1/HK/zh
Signal sticker:
https://signal.art/addstickers/#pack_id=ee3416ce180e91808d8407e40f80d2cf&pack_key=e3e563d461aa655081ab82ca4b4b25b1db3e2ac004bfd15ea91377f73a20662a
【7頭天天都多】新書大賣感謝祭羞恥PLAY video🥲書展買唔到嘅朋友可以上 tvmostmall.com 網上訂購👴🏻 白卷出版社
攝製隊同事：@cineight_perspective
@otterten_studio
#7頭之歌 #氣質k歌
曲：Johnee
詞：Johnee
編：Edwin Ho @edwinhokk
監：Edwin Ho @edwinhokk
All instruments & Programming：Edwin Ho
Bass：Fatboy
Mixing & Mastering：Edwin Ho
YouTube無限循環喪loop=Galaman
https://youtu.be/VR3qNpHyGEs
今年書展卒之完咗啦😛我嗰2000本新書【7頭天天都多】成功喺最後一日售罄😭多謝所有真金白銀買咗呢本咁冇營養荼毒青少年嘅不良刊物嘅金主們🙏不枉我出賣肉體同尊嚴，用我嗰對88年嘅膝頭哥做祭品瞓身宣傳本新書👴🏻好多謝 白卷出版社 嘅編輯部嘅同事呀Write Girls校對王子呀設計師呀通咗咁多晚頂瞓埋喺公司先出得切本書請加佢地人工🤢仲有多謝書展個booth嘅sales們白卷Boy同White Girls咁多日以來take care我湊仔咁湊我，明明我好命啲已經生得佢地出嚟做埋佢地老豆，仲要佢地照顧殘障人士咁照顧我，我真係恬不知恥🙏 仲有多謝 @fukfu_127 同 @ah_to_hk 幫我做勞作黐本巨型書出嚟同寫書脊啲字😛
講起寫呢本書其實我用咗差唔多兩個月時間回憶自己嘅人生有咩7事，實際上寫同畫都係用咗個幾星期燃燒生命咁狂飲能量飲品飲到我差啲猝死，最後寫咗4萬幾字但篇幅有限delete咗一半嘅故事差唔多2萬字，最後我決定呢本書只要好笑就夠，就將所有矯情內心戲嘅內容全部delete，所以你地依家睇到嘅冇乜營養嘅內容已經係篩選咗一半之後嘅精華啦陰公！
我對出書呢件事其實毫無自信，n年前啱啱畢業冇耐第一次出書只賣了差唔多100本仲要間出版社半年後執埋笠😂我得到超激レア稱號：【累到出版社執笠作家】，所以我一直覺得自己唔會係暢銷作家，只係一個出道15年都半紅不黑喺人海中浮浮沉沉又死唔去苟延殘喘嘅插畫家，成日都懷疑自己當初係咪入錯行，或者我的創作根本不被這個地方需要，覺得自己喺呢個世界冇人需要同冇價值。當你做咗同一件事15年都冇乜突破時，你會懷疑自己係咪已經過咗人生嘅高峰，或者依家經歷緊嘅低潮，會唔會已經係高峰啦？
當初純粹係為咗解鎖【作家】呢個成就稱號同洗刷污名就應承咗出書呢件事，我雖然係寫緊一本開心嘅書，但成日喺夜深人靜嘅時候寫到喊，覺得自己寫嘅嘢冇人會鍾意睇，如果這次出書都無人問津，我可以有信心繼續堅持創作嗎？因為我情緒有啲問題，成日都會鑽牛角尖，我就是我自己最大的hater，明明身邊每一個人都話我好好，只要有一個人走出來鬧我否定我，我就會瞬間失去所有自信捐入窿入面住返一頭半個月，我整整半年嘅生活都係不見天日足不出戶，活喺自我厭惡嘅情緒入面，這樣的我要寫出一本笑話書，不就是一個笑話嗎？最後deadline將至我逼迫自己轉念，只有在我享受創作這件事情得到快樂的時候，我的快樂就能透過作品傳達給讀者，他們才能在我的作品中感受到快樂，所以我用我最大的演技，飾演一個快樂的作家完成了這本書。
後來我發現原來出書根本唔係一個人嘅事，而係一team人每人貢獻出自己人生無數寶貴嘅通頂夜用肝指數做祭品先可以做到出嚟嘅作品，好似以前大學做group project喺學校通頂趕project咁，我就好似free rider做完preproduction果part交咗貨就unun腳喺屋企等present，我想，別人都為我努力了這麼多通頂了很多晚，如果喺presentation時我可以做多少少努力，就可以令件事結果好啲，我唔介意努力多少少。
我每次喺書展坐喺到簽書好似騎劫咗人地個booth咁，嘩眾取寵！標奇立異！又搶埋人地部大電視狂播7頭之歌😛我相信隔離booth突破出版社啲員工個耳膜已經被突破，一定好想夾錢暗殺咗我👴🏻
每天在書展簽書會畫名的那幾小時其實是幸福多於疲勞的，因為人生中能遇上可以努力一點就能做好一點的事情其實是很幸運的，大多數時候努力跟成果是沒有關係的，所以遇到可以努力的時候，我願意努力一點。因為我發現原來好似我咁奇怪嘅人都會有被需要嘅時候，我已經好耐冇感受過被別人需要嘅感覺，雖然我15年來畫嚟畫去都毫無長進都係嗰三篤屁，但我確切咁感受到有人因為我嘅創作得到快樂，多謝。
我一直深居簡出完全沒有生活可言，我覺得自己嘅存在雖然好淡薄，同每一個人都唔會有深交，但因為我嘅創作，有些人的人生有一小片快樂係嚟自於我，他們的人生有一小塊碎片有我的參與。我經常在簽書會中途被感動，不小心哭出來，但我會用演技假裝在抹汗，反正我的面油已多到反晒光，分不清是眼淚還是隻眼出油。
世界把苦難栽種於我，原來是為了讓我轉化成快樂的種子，然後當我被人們需要的時候，我就會快樂起來了。
哎呀大穫啦，我發現，原來我是耶穌啊🧔🏽♀️
【瞬間看柒頭】柒事 天天都多 你今日柒咗未?前排奧斯卡頒錯獎柒到同關家姐有得揮，不過柒到盡頭便是_!不如一齊睇下佢哋可以有幾柒啦~(溫馨提示：片尾有 ... ... <看更多>
7頭天天都多 在 7頭天天都多- Explore 的推薦與評價
#7頭天天都多WhatsApp + Signal Sticker第一彈啱啱上架啦 留言區有QR code 好多人問我點解咁耐都唔畫sticker 原因係我好難創作一啲自己唔會用嘅嘢，大佬我 ... ... <看更多>