《IP奇俠 前傳》終於都推出，牛佬擔大旗，成村人幫拖，硬橋硬馬真功夫！？會唔會真係可以打出新血路？
五區總辭唔成功，唔會對香港有咩影響，但係鄧小方已經死左，新中國統一就遙遙無期喇！咦？小方唔係《黑豹》新一輯主角嗎？
五書總辭，會唔會搞到完全無書睇呢？又唔會喎，2010年下半年，幾乎間間公司有新書，真係大把有得你揀，我地又睇下有邊本書會令大家有期待呢？
1. 《牛佬龍九洲》遙遙無期，不過如果出，由於已經同舊著時代背景完全唔一樣，可能放低晒D包袱，都有期待！
2. 朱元璋過後，會係邊一個？朱棣？努爾哈赤？李自成？順治？洪秀全？定係鐵拳無敵孫中山？無論如何，變返做薄版的《天子7》，不變的編繪組合，你會唔會期待？
3. 史上最長漫畫書名《新著龍虎門前傳三 火雲邪神傳》，原班人馬，阿狼同你睇血統，論往績，完全唔撐。等等先，前傳已經去到「四」喇喎！
4. 壹本今年會唔會出到兩本書呢？《火龍》#5大家知係咩啦，但《殺道》完左，新書我地有咩期望？題材大預測！
5. 一漫年有老劍新書，會唔會拉低《溫群傳》質素？
6. 志祥寫唔寫《爆籃王》架？難得咁多人出書，不如襯個熱鬧，搏下，話唔定大家行過洗開錢，買埋呢本喎。但如果唔寫，不如俾十五少寫《爆(馬)檻王》啦！
7. 新書仲有笑話書，就係肥帝o既《絕地天行》，過左高峰o既佢，感覺已失，仲可唔可能寫到勁到勁一勁o既《絕地天行》？
8. 至於佢有提過o既古裝書，我地預測應該出唔到架喇，因為海洋d古裝舊圖本本唔夾風格，好難拼湊做同一本書呢！
9. 發仔新書，可能係《七大寇》，如果唔能夠擺脫一味耍帥的繪畫風格，大市底下，實在唔容易有突破，尤其馬sir出名要求「高」嘛！
10.《神王II》宣傳左成幾年，年底係咪真係出得到呢？阿義加水斌，我地都希望可以有好野睇呢！
11.連冰之都睇到驚o既鬼書，嚇到連《新著迷離境界》都唔敢睇喇！
12. 《o靚模》係咪要等到新一年動漫節先出？
13. 邊個主編《鐵血螳螂》呢？傳過係戇男，最近又有不負責任傳言話係牛佬，實在迷離過迷離境界。如果係戇男，就可能短時間內出，但又有傳戇男可能出返《戇男故事》喎；如果係牛佬，咁即係最少要等《葉問》完左啦！
14. 從《神4》到《第8銅人》，福龍呢間公司的聲譽總算返左黎，下一步《功夫》又會點？稍稍同你講下呢本原著小說o既重點！
咁多書準備出籠，你又最睇好，最唔睇好邊本？
最好本本都好，咁就難得開到舖，梗要買返三四套啦！
5大家知係咩啦 在 廣東話粗口- 維基百科，自由嘅百科全書 的相關結果
粵語粗口係啲粵語嘅粗俗字詞，字義多數本身係性器官、性行為或者咒人死傷。狹義上，只係得下節介紹嗰五個字，統統同性有關。 ... 「大家樂」, 大㞗鑊. ... <看更多>