【拒絶死忍經痛】
好多人都知我早排入咗醫院，但就未必知我其實係同跟咗我10幾年嘅老朋友─朱古力瘤講Bye Bye！
3月係世界子宮內膜異位日(Worldwide EndoMarch) ，大家成日聽到嘅朱古力瘤都係子宮內膜異位嘅一種，我呢個過來人當然要分享下。因為呢個病，我受經痛困擾好多年，我會形容嗰種痛就好似有條毛巾不斷喺子宮位置扭啊扭啊扭，痛到腰都挺唔直，嗰種痛，你地啲男人唔明架啦！人地叫「好打得」，我就叫「好忍得」，以前跑新聞，有突發事件，幾痛都只能忍忍忍忍忍！
成日聽人講，經痛好正常，以為個個女人都有經痛，所以一忍就10幾年。諗返轉頭，都有啲後悔拖咗咁耐，足足俾子宮內膜異位折磨咗10幾年！
希望有持續經痛問題嘅女士，的起心肝去睇醫生。至於仲係估估下嘅你，可以用1分鐘，click入 http://your-life.hk/zh/period-pain-test，回答簡單問題，初步了解自己係咪患上子宮內膜異位。
早啲發現，就早啲開始治療。而家，手術已經先進左，亦有荷爾蒙藥物，好似新型口服黃體素可以減輕病情同防止手術後翻發。青春無幾多架咋，無謂搞到影響生活或者想生BB時先黎後悔啦！
#EndoMarchHongKong #世界子宮內膜異位日 #子宮內膜異位 #朱古力瘤 #1分鐘測經痛 #減經痛 #防不育
