《做乜殺科》陳心遙
《信報》2017年3月29日《視線所及》專欄
讀書選科好重要，不過未重要到一個致命嘅地步，即係話你讀咩科，都唔會就此決定晒你一生嘅前途㗎。呢方面，我首先要多謝父母，從冇干涉我讀咩科，最多都係問下：「你讀呢啲第時搵唔搵到食㗎？」跟住，我諗要多謝我中學，點解呢？
到升中四要選科的時候，學校派了選科志願表給我們，主要有三個選擇：文、理、商，當然也有老師提供升學就業輔導，譬如讀咩科先有得入大學某啲學系諸如此類。當時我中學嘅會考成績都係理優於文，而且理科每年都會出一個半個狀元。所以冇乜特定目標，但成績優秀嘅同學都會揀理科，亦有啲同學憧憬喺商界嘅前景，就會讀包含「經濟」、「會計」、「商務」嘅商科。文科？真係為興趣囉。
果然，最後結果，五班入面佔咗三班半揀理科、差唔多一班半揀商科，揀文科？只有8個人。校方可以透過課堂編排，將文科嘅必修科目同其他同學嘅選修合併教授。但問題係，揀「中國文學」嘅真係就只得8個人。
開學前我以為學校會取消科目，強迫我哋8個揀過另一科嚟讀。點知，最後真係8個人上「中國文學」堂，校方並冇因為用所謂「善用資源」等等做理由，取消一項喺旁人眼中「冇乜用」、「冇乜就業前途」嘅科目。
到考完會考升中六，五班變成三班，分別只有3個人讀A Level嘅歷史及中文，學校都照開不誤，我哋好似上私人補習班咁，成績未必會好，但至少同老師關係特別好，老師又會講多好多課程以外、標準答案以外嘅學術見解，呢啲先係受用終生。
所以，當我聽到香港大學因為少人讀而殺數學、物理、天文等Major嘅時候，覺得匪夷所思。大學係學術交流嘅地方，學科與學科，並唔係單獨存在嘅個體。唔在講好多應用科學嘅根基，就係物理同數學，實在想像唔到，一間綜合大學可以咁輕易拋棄物理同數學，就好似想像唔到奧林匹克運動會，會因為少人參加而取消田徑甚至馬拉松一樣。
唔知係咪由政府將教育定為咩「核心產業」開始，我哋就不知不覺接受大學係一間商業機構，有供應原則，講資源效益，愈嚟愈多學費昂貴嘅課程、愈嚟愈多俾外地學生嘅碩士學位，但係由小學、中學到大學各級教育就節衣縮食。如果真係想培育更多人才，就唔好再喺學科上偏頗。香港已經有科技大學，希望香港大學同中文大學可以謹守綜合大學嘅底線，唔好再亂咁殺科喇。
#做乜殺科 #香港大學 #九龍華仁 #教育局 #殺科 #數學 #物理 #DSE #TSA #信報 #陳心遙
龍華科技大學學費 在 跨部選修的價錢到底怎麼算？！ - 龍華科技大學板 | Dcard 的推薦與評價
今天去簽加修單整個被價格嚇死，直接開價一萬八，哈囉～我的學費一學期也才兩萬左右欸，然後問承辦人員她也說不上來怎麼算，後來只說因為我是夜選日， ... ... <看更多>