#戶外好去處 #影燈塔秘位超靚
剛過去嘅復活節假期，我哋除咗去流水響+鶴藪，仲去咗 #鶴咀。今次係第三次去😆，路線同以前冇分別，但帶住細佬B，反而行少咗某 d 景點，所以我補咗 d 舊相比各位參考👀。
筲箕灣港鐵站外，坐9號巴士🚌，大約半小時內到達鶴咀道落車，沿石屎車路行45分鐘至1小時，到達鶴咀電台位置，繼續向海邊方向行。多人嘅時候要小心行❗，崖邊位置有點兒窄。
接住返出石屎路，行前多少少，左邊有條樓梯，行到最頂轉左，會見到一間類似破屋，果度就係 #遙望燈塔嘅靚位，燈塔旁有橙色頂建築物，加上䇄立崖邊，影幾多次相都勁靚📸。雖然路徑容易，樓梯亦短，小朋友都行到，但上到最頂冇圍欄，千祈唔好比小朋友自己周圍跑🚫。
影完相，落番黎，繼續向海岸進發。仍然都係寛闊石屎路，好快見到一大片海，心曠神怡。正常情況下，行畢石屎路可直達鯨魚骨，不過道路維修關係，要繞道落石灘，先可以到達最盡頭嘅岸邊及 #蟹洞，帶住細佬B，怕跣腳危險，今次就唔行到最盡頭了，留喺石灘摸摸石仔就算。
另外，仲有必到點 #雷音洞，大浪從洞隙中打入，驚濤拍岸，值得一睇。遊完幾個景點，時間差唔多，從原路行番出去，#今次冇上燈塔，可以參考舊相，沿斜路行上去，亦係打卡熱點。來回共行 9公里，用咗 2.5小時。
⭐路線易行，但注意岸邊/崖邊位置要小心
⭐遇正假日，筲箕灣9號巴士會多人搭，因為佢嘅總站係石澳，及途經龍脊起步點。預多少少時間等車，走嘅時間都係，可能需要等幾班車先上到。
⭐一路上冇遮蔭，黎緊夏天陽光猛烈時記得擔把遮，冇咁辛苦。
#行山 #戶外活動 #親子好去處 #假日好去處 #海岸保護區 #kidshiking #hiking
龍脊鶴咀行山 在 一起行山闖蕩去- 【第十一步︰龍脊、鶴咀機槍堡】上集日期︰ ... 的推薦與評價
第十一步︰龍脊、鶴咀機槍堡】上集日期︰2017年11月11日路線：筲箕灣➡柏架山引水道水道橋➡龍脊難度 長度：8公里時間：3小時(包括拍照及休息時間) 速度：慢- ... ... <看更多>