【失球分析】
片段來源: 元朗足球
首先希望版主多啲同大家分析失波，希望可以貼地啲講一啲大家成日遇到嘅毛病。從而幫到大家改進。
白衫係右攻左嘅港會B隊浩運，左攻右係淺藍衫嘅觀塘。當觀塘中場放個直線，球落在兩個中堅之間嘅隔距度。首先浩運防線有冇意識喺傳球之前將防線壓前裝越位？如果有踢過港會主場嘅朋友都知道呢個球場窄而短。推幾步已經跑左好遠。
而喺劏穿情況下，守門員要出迎係一個正常意識。不過個人認為龍門同右中堅相對欠缺溝通。而守門員可能情急之下冇留意右中堅已經埋去包位。通常呢啲情況一出會炒埋一碟。如果守門員當時叫Keeper，中堅正常會「讓路」比龍門出迎。咁當然有可能係聽唔到或者覺得要埋埋左去包位。所以呢個情況多溝通係可以避免。
如果呢個情況，版主覺得有兩個方案
1️⃣比中堅出去包波
如果睇番個時間差，中堅係快過龍門到，一般中堅會埋身施壓，對方會唔射得輕鬆。而右中堅嘅位置已經封了守門員右方嘅射門路線。即係得中間同左邊。因為一般射手取易不取難。只要守門員慢慢壓出收窄射門角度。即使對方擺脫中堅，仍然有守門員可以再封。而且已經收窄射門角度。即使起到腳，只要準備充足，都相對有更高機率去救到。最壞情況係中堅被擺脫，守門員已經喺度等機會。最多都係 1 vs 1狀態，對手得兩個選項1️⃣直接起腳2️⃣扭高守門員，因為已經壓前，即使出現邊個選項都佔上風。
2️⃣直接叫Keeper 出迎
叫得Keeper，有經驗嘅中堅會讓路比守門員出迎，又或者「食」住個位等守門員出黎接。喺片斷中，守門有冇叫應該自己最清楚。而叫Keeper出迎之前，就要判斷自己同個波嘅位置同個波嘅距離，自己嘅速度夠唔夠。唔夠快又見到中堅到。叫咪唔出迎。呢個波假假如出，按個人經驗成功率都有60%-70%。因為龍門同對方「相遇」喺禁區外，即係只可以用腳鏟波，而鏟波時得一個人封阻闊度。如果鏟唔到就GG，隨時紅牌食全餐。所以呢個相對係比較冒險嘅方法。
如果冇中堅黎包位，反正都好大機會輸，不如用Technical Foul。因為個波係禁區外，而中堅喺附近。咁就唔係「最後一位防守球員」。比你踢中佢，比較大機會係黃牌加罰球，仲有埋人牆幫你擋。如果你決定揀選項2️⃣，即使唔中波都要Foul停個對手。
咁既然都同中堅炒埋一碟，自己回到身，對方個射門又咁慢，肯追係抵讚，不過個波離門一兩碼，係咪接實係一個最佳選項？重點係面向龍門，比你飛到埋去接實。都會連人帶波入，不如伸手拍去橫邊或者鏟走會黎黎更實際？
總結呢啲位置係好尷尬，反正見到有中堅包波，即使被擺脫，入到禁區龍門至少賺多雙手用。假如對手猶豫不決，咁就大大舊叉燒擺喺面前任食。賺嘅唔止係雙手，仲賺到更多時間做準備，甚至將對方迫埋一邊，咁就可以將一個後防失誤化解。個人覺得係年輕龍門欠缺一分嘅冷靜。其實有更多更好嘅選擇。不過冷靜同經驗係可以透過時間累積。希望呢個分析幫到大家可以應付呢類情況🙏🏻
#失球分析 #經驗同冷靜係可以用時間累積 #守門員 #守門員技術 #守門員訓練 #判斷
黃牌vs紅牌 在 為何你選擇紅牌不是黃牌? - Mobile01 的推薦與評價
各位車友們好，小弟有個疑問想請教！為何大部分的人都建議上紅牌呢？紅牌黃牌一樣能上快速道路，還是說為了比0－100？ ... <看更多>
相關內容