關於 黃偉文身家 ，我們在網路上蒐集到這些相關的討論、資訊與評價

《情陷夜中環 - 煮題》

留住你一晚是運氣，留住你一世是學問，談戀愛如是，開餐廳亦如是。

曾經有個朋友的餐廳快將開業，嚷著要我去幫襯。

餐廳開業前不久的一個晚上，跟這個朋友在另一家餐廳吃飯，飯後甜點是糯米糍。

「好食喎，」他說，「係咩味呢？」

是開玩笑還是說真的，如此明顯的菠蘿香味也嚐不出來？

「黃黃哋色，係咪芒果，」原來他真的嚐不出來。連芒果和鳳梨都分不出來的食癡 (白癡個癡) 開餐廳，有人願意開盤的話，一定賭佢一年內執笠。

好彩冇賭，結果十二個半月後才結業。

沒有人說「識食」是一位餐廳老闆必須擁有的條件，但 common sense 真是萬萬不能缺少。

雄心壯志是應該有的，卻不能被雄心壯志矇住了視線，餐飲戰場上滿佈的屍骸是對任何一位準餐廳老闆的警惕；扣埋人工唔使蝕已經好叻，有幾多人投資了七位數字做飲食，最後二十萬賣得番出去已經開心到笑淚縱橫。

有位居於香港的台灣富豪是一家高檔飲食集團的主要股東之一，他曾經說，餐廳要做得住，先要做對市場，而要做對市場，便要做對主題。

來自什麼什麼國家的米芝蓮級大廚或品牌是主題，拉麵牛腩麵車仔麵冰室茶餐廳珍珠奶茶等等等等又是主題。

做哪個主題才好？富豪說，「做自己人生的主題。」

受教了。

有些餐廳老闆的人生主題，叫「重生」。

瑪利曼中學出產過很多女神，廚神卻沒有幾個，這位叫 Tiffany 的女生可能是唯一一人。

灣仔的 Jean May 在疫情下誕生，賣的是講心多過講金的 casual dining，但端上餐枱的菜色是馬會 Derby Room 都被比下去的星級水準；想在 Jean May 訂枱食飯，最快要等到今年九月。

很多傳媒都報導過，主廚 Tiffany 曾經在投資銀行高薪厚職，但就是因為腦內生了一個血管瘤，所以醒覺到不能一生做不喜歡的事，於是毅然轉行做廚師。

坐在距離廚房最近的位置，可以一邊享受美食，一邊望著這位 Tiffany 全情投入工作。看著她笑著慢煮鴨胸的樣子，不由妒忌起來——上天給予一個人最大的禮物，或許就是一個令你醒又唔會令你死的血管瘤了。

又有些餐廳老闆的人生主題，叫「自虐」。

富二代搞餐廳應該怎樣搞的？應該像某家小姐那樣，在什麼地方代理一個牛肉麵回來，在銅鑼灣租個靚位，在朋友圈中碌盡人情卡叫人過來光顧拍照，然後便沒有然後，好好好得閒嗰陣先落去兜個圈浦下頭。

同樣是在銅鑼灣的一家餐廳，這位富二代擺出的是另一種姿態。

有次跟朋友求其在銅鑼灣選了一個叫 Moo Moo+ 的地方喝酒，坐底不久，「呯」的一聲，有客人不小心摔跌了玻璃杯，一地碎片。有個 waiter 拿起了掃把準備收拾之際，一位身穿白恤衫的男生對那位 waiter 說：「你去落單，等我執。」

高大靚仔不在話下，還要渾身書卷氣，掃起地來竟然技巧純熟。「嘩，」我的朋友覺得這位年輕人面熟，「條友做兼職做到嚟呢度？我喺觀塘個 food hall 食晏成日見到佢㗎。」

之後才發現，原來觀塘的 food hall 和銅鑼灣這家餐廳都是他開的店；再經查證，這位叫 Wilson 的，其家族是某位行家的大客，身家數以十億計。

係咪癲咗，富二代喺餐廳掃玻璃碎。

滿身銅臭的我，自然不會放過任何一個巴結富二代的機會。「你咁有米，攞間 franchise 返嚟做仲好玩啦。」

他笑得很迷人，語氣卻非常認真：「香港人應該做番香港人嘅 brand 嘛，有一日外國人問番香港人攞個 franchise 嚟做，你話幾威。」

還有些餐廳老闆的人生主題，叫「唯美」。

為同事慶生，餐廳我都選好了，壽星女卻問大家：「你哋介唔介意去旺角？」MK 是香港的一部份，當然願意到極點。

去到餐廳，打扮得一身仙氣的壽星女坐立不安似的；舉頭的時候左望右望，低頭的時候那濃濃的睫毛則在微微閃跳，明顯在等待什麼。

其實餐廳在太子，但看得出老闆還是竭力地希望擠出一些 MK 的味道，但 MK 得來又有點王家衛的 2046，牆上懸著的霓虹燈字體好像在某個失落的時空似曾相識；每一寸空間都有玩味，每一個細節都想吸睛，老闆應該是個唯美主義者。

餐廳的名字是張國榮的一首歌名——「芳華絕代」。

「喂，生日快樂。」突然有位長得像中田英壽的男生在壽星女的肩膊上拍了一下，她緊張的門牙幾乎把沙嗲的竹籤都要切斷了。

原來他就是芳華絕代的老闆，原來他就是那位唯美主義者，原來他就是她一直在等的人。

他叫 Norman。

還有更多「原來」。

原來 Norman 是港大畢業的 architect，原來餐廳由他負責設計。

原來同事與 Norman 在港大認識，原來同事一直暗戀他 (這個是我猜的)。

「係呀，我哋嗰陣好有緣，」Norman 回憶著，「大家唔同 faculty，但我成日都見到佢。」

「你成日見到佢，」我看透世事了，「咪即係佢成日吊住你尾囉。」

話音剛落，壽星女在枱底狠狠的踩了我一腳，眼神仍然帶著仙氣。

然後，有另一股仙氣突然飄了過來，有對白滑的玉手繞在 Norman 的肩膊上。同事看到這個女的，極度不自然的 hi 了一句；這一句 hi，像一壺滾水倒進冰桶內，響起了噼哩啪啦的碎裂之聲，應該是心碎的回音。

故事最後的「原來」，是原來 Norman 有女朋友。

自虐、重生、唯美，其實是人生一步一步的必經階段，希望最終可以做到芳華絕代。

所謂「芳華絕代」，就如黃偉文寫的歌詞一樣。

「顛倒眾生，吹灰不費，」人只要有自己的主題，就算再微不足道，都可以「艷與天齊」。

［過去十五歲沒戴錶　不過有時間］勞力士無止境～～～活著多好～不需要靠物證

TLDR：15歲有隻勞！我嘅人生已經完了，呼。

原文: 馬鞍山4賊誘15歲少年赴公園　刀劫11萬元勞力士　兩中學生落網 （https://bityl.co/3gn3）

1. 是真的，真係悲慘世界，我就話香港人好有錢。請睇，15歲嘅小朋友，就戴隻11萬嘅勞！你在第度見唔見？講緊MOS喎！賣漢堡包咋！唔係太平山搶包山呀！

2. 「梗係悲慘世界，人人唔信港紙只係信實物」。可能都係，呀少年11萬勞，但得900蚊在身，仲唔係唔信個貨幣制度。呼！

3. 不過另一方面睇，三條友，出埋牛肉刀，先夾到11萬隻勞。二手（？）價，每人有冇幾皮嘢分都成問題。結果咁就拉埋，又真係悲慘世界。呼，「人值得命中減少幾秒～～～～多買一隻錶」

4. 聽朋友講，十一萬勞，其實就平嘢啫。好似係，不過，我都係想像唔到點解個15歲少年可以戴15萬嘅whatsoever．正如香港啲秘書文員仔都可以孭個愛瑪士，實為奇觀。我在英國年幾都冇見過啲咁嘅嘢。當然英國我多數時間在西米特蘭呢啲狗也不X的地方，但，我地而家講緊MOS咋下

5. 即係細細個睇YES（呼，回憶返晒嚟），見會睇下啲小妹妹身上嘅嘢幾錢，咁嗰時我唔識，以為係老撚作或做媒。後來大個，先知真係值咁貴，堅嘢嚟架喎。明顯係貧窮限制我想像力。

6. 埃汾嘛，咪撚玩啦。我成世仔夾埋都冇戴過11萬嘅錶！可能1.1萬都冇！應該話，我係唔戴錶嘅。自從考到CFA後都冇戴（因為，考試要睇時間，但唔會畀你帶電話）。無巧不成話，我考到CFA嗰年，正係廿七歲。真係「霎眼廿七歲 ～～～時日無多～～～方不敢偷懶
7. 」

8. 涘汾自己記得戴過嘅錶，只有Swatch．另外，初夜女（梗係我初夜，唔通佢初夜？）（https://bityl.co/3glp）好似都送過隻錶畀我，都貴貴地幾千蚊的，呼，可惜我冇乜戴，甚至唔記咩牌子，好一條仆街仔。

9. 實情唔好話11萬嘅錶，明顯我全身上下夾埋都唔會有11萬！1.1萬都未必有（咁，三部電話成本價計應該有嘅？）。才華？哈哈哈，幾錢斤？我啲才華應該值11萬一年嘅，老細咁講。

10. 唔使陳奕迅fans 都應該知（但我係黃偉文fans），呢隻膾炙人口（冇誇張）嘅《陀飛輪》，除咗令好多窮撚知道咩係陀飛輪外，亦係四部曲之一。男人嘢嘛，仲有《葡萄成熟時》、《人車志》、《沙龍》。而基本上我係完全唔好嘅。錶講咗，車我從來都冇（有車牌，已過期）。相機當然不甚講究，用過罪大滔天嘅索尼，畀龍友朋友狂屌。酒嘛，倒係飲嘅。但真係而家MK仔都講Single Malt ，HKU SPACE 入學都考你Islay點讀了 （就當然唔係葡萄酒啦，我知）

11. 最後，好似啲跳樓新聞都講返樓盤走勢，尺價買入價之類（又一香港特色）。都同大家講返品牌故事。

12. 勞力士雖則地位神聖，但始終單品牌，私人公司。做唔到太大的，「同愛瑪士差不多」（但愛瑪士係上市的！！！）。

13. 勞力士一年幾錢收入？因為私人公司，真係唔公開，普遍估計，80-100億美金一收入一年咯，咁當然都好多，「十間八間維他奶」（吓？！？！）。愛瑪士？應該再少啲。留意你地炒嚟炒去嘅錢，升值幾多，唔會入咗公司袋，正如你二手市場炒到Tesla 三千蚊股，唔會有一個仙入咗公司袋—雖然佢可以批新股—上市公司真好。當然，保值呀，二手市場活躍呀，亦到頭嚟帶動返個一手價值。埃瘋如是，太古城如是。

14. 不過，呢啲水平同「味將軍七菜刀」「奢侈品美心」嘅LVMH比，就爭得遠了。LVMH講緊600億美金收入一年。冇計，品牌太多，你話cheap都好，做大事都係銀紙銀紙同銀紙。而LVMH想買愛瑪士亦係公開的秘密，不過愛瑪士市值都有LVMH三份一，做單品牌都有你三份一，就睇你點睇了。以上種種，Patreon有講過，記得支持下（https://bit.ly/31QmYj7）

15. 即係，你講地位，咁唔使講，米芝蓮三星餐廳梗係巴閉。但麥當勞市值拍得住LVMH！睇你要乜咯。

16. 以前寫過篇文，講「員工，股東，客戶，是但死一瓣」 ，訊息量幾大，居然寫得好短，以埃汾作風好反常（https://bityl.co/3gmP）。但一樣的，你做米芝蓮三星嘅客當然過癮，員工都過癮，但股東就應該唔多過癮。正如你食麥當勞應該都唔多過癮，做員工都唔太過癮。但你食麥當勞慳返啲錢，應該買唔到樓，但買麥當勞股票，咪有錢食米芝蓮三星咯（不過食咁多麥當勞仲有冇命就另一問題啦下）。

17. 咁中庸之道呢？其實買愛瑪士股票，回報都非常好，45度角咁上的。

18. 我啲金融撚真沒趣，人地講品味講地位你就講市值。但，原諒我就係咁膚淺。個撚個叫你去科撈your heart去追夢嘅，過半都上咗岸，本質上同啲馬迷入場睇馬差不多。

19. 而你可以諗下，陳奕迅唱「勞力是 無止境」嗰時有幾多身家。到佢有「伯爵那地位 和蕭邦的雋永」，「身邊 應該有 已盡有」，就可以講呢啲啦。到佢「世間 個個也妒忌時」，咪可以諗下「為甚麼高興咯」。聽日仲要準時返工嘅（例如我），就唔使諗呢啲。

彩蛋：01網頁呢個彈出廣告真係一流
———————————————————
Ivan Patreon 狼耳街華人，一星期至少三篇港美市場評點，一個月一舊水唔使，開張一個月已500人訂！仲有兩篇免費試睇：https://bit.ly/31QmYj7
——————————————————————————
［收費短片第九擊］美股科技股是否泡沫爆破？價值投資之選

課程資訊：https://homebloggerhk.com/course_detail/?code=CC009

內容:
*美股急跌點算好
*科技股係咪泡沫爆煲？
*有乜價值投資之選？

本星期內特惠售價: $80
課程編號：CC009
觀看期限：首次播放後一星期及限每影片４次
客服whatsapp: 63832145

另外想買返第八擊（美國總統大選股票部署）都仲可以：https://bityl.co/3NPn

［最愛演唱會之上一個十年（1/3）：越笑越見疤痕，留了提示誰是南波杏］

前言： 置地記者 早前寫咗楊千嬅（http://bit.ly/2P3vcBr），我就寫容祖兒。咁啱早排演唱會其實搵咗楊千嬅做嘉賓，仲唱咗容祖兒成日演唱會唱嘅《連續劇》（http://bit.ly/2P2KWVd）（拿，鐵粉就知）。然後就到台下啲鐵粉（即係我同置記）格劍。

其實有冇佢寫楊千嬅都好，我都只係寫容祖兒，實情我篇文早過佢開始寫，不過就梗係達者為先。咁你話怕唔怕相形見絀 。心情惡劣？唔怕。一來，有乜好怕？由第一日寫文就係格劍架啦。怕同人比較嘅，永遠收埋在條褲入面吽臭，寶劍永不出鞘，逃學威龍善良的槍，永遠唔開，咪唔怕自卑。嗒真啲呢句嘢。

二來，都真係唔同。音樂嘅嘢我識條鐵咩。話寫容祖兒，然後好似寫時代，拆開其實係講女，最後都係講自己。全無公共性，只講自己嘢。以為係咩流行文化分析嘅，可以起身了。
________________________________________
再講一次，其實係講女。但件事源起係我今個星期睇容祖兒演唱會，第十次。

咁即係我試過一個人去睇演唱會。但真係未撚痴線到自己一個睇容祖兒。至少在我成長嘅年代，香港流行曲，就係男女情愛嘅衍生工具市場。買唔起正股咪買輪咯，好多新一代聽聞都冇買過正股。正如我地，未戀愛已經聽情歌，好似有份入市咁。溝唔到女冇仔溝嘅，咪去聽歌去演唱會，就好似談咗場戀愛咁。亦即係未做愛已經睇四仔咁，冇伴侶嘛，唯有自戀影院，這夜我寂寞但高興。

容祖兒，陳慧琳，楊千嬅都係不同既衍生工具，背後代表住唔同嘅asset class，股票債券物業咁，背後係唔同既價值觀，唔同嘅回報同唔同嘅風險，雖然有時唔係咁鮮明分到。而有啲人係好把撚，well balanced，好似我咁，乜都聽，亦都係好花心，咩女都啱。你聽巴哈蕭邦就即係唔投資，冇風險，保證輸死（即係我而家做嘅嘢）。

而啲衍生工具，玩到太大規模，去到啲輪都幾十億成交呀，甚至去到啲I kill you later咁，wag the dog，倒頭嚟影響返正股。冇返一兩首主題曲，你點證明自己真係戀愛過？

當然，衍生工具同現實都係有距離，買得太多輪，到炒正股時就覺得「做乜唔撚郁嘅？咁悶嘅？」。做愛一樣，「做乜唔撚郁嘅？咁悶嘅？」。聽得太多情歌睇得太多四仔，嚟真時就梗係會失望。所以我覺得新一代對現實不滿係好合理的。我其實唔明白如果我十五歲已經晚晚睇口爆群P，到我真係有性生活時可以玩乜。亦因為咁，朋友叫我食蟲食鴨仔蛋我都唔去，倒唔係真係好噁心，而係我心諗，我三十歲就食蟲，咁五十歲食乜？食屎？亦可能因為咁，而家新一代反而玩純愛 — 因為呢啲係佢地反而少見到嘅嘢。正所謂冇嗰樣整嗰樣，啲日本仔明顯因為玩得太變態，近十幾廿年一樣係玩純愛風。

咁容祖兒，當然係呢個愛情衍生工具市場入面，其中一隻最活躍嘅冧把。在我心目中，容祖兒就代表失戀。如果愛情有神，佢就係愛情嘅死神。我覺得聽容祖兒，或者睇佢演唱會，同你去睇《死神來了》差不多。睇一次死神來了，點橫死點坐過山車死晒太陽燈晒死，乜都齊。同樣地，你去一次容祖兒演唱會，等於戀愛咗好多次，同時又失戀更多次。咩初戀（再見我的初戀，怯）暗戀（特別嘉賓）單戀畸戀苦戀（阿門，啜泣，摩登時代，習慣失戀，心淡，分身術）被虐（痛愛，破相）三角戀（一拍兩散）多角戀（十六號愛人）婚外戀（好事多為）男仔頭畀人以為唔使人愛（告解）姐妹搶男朋友（出賣）事業搶你男朋友（天之嬌女）甚至失戀自強（搜神記，貪嗔癡），全部齊晒，梗有一款死法啱你。你可以體會到自己感情不同嘅死法，每一種。但the beauty is，同你睇恐怖片一樣，唔會真係死，喊一輪，第二朝你就可以重新做人。幾咁好呢。然後聽晚再聽過。

聽一次歌，好似談一次不後悔嘅戀愛咁。而本城只宜失戀，不宜戀愛。 理論上， 談一次戀愛， 先可以失一次戀， 一出， 一入。但聽一隻CD，或者去一次演唱會，絕對唔係愛一個上一課，往往你失左十二隻戀，碌到隻 bonus track等到N call（唔好堅持讀encore)， 都未談到一次戀愛．

在呢方面，容祖兒咁紅（應該冇反對？），除咗因為佢唱得好（應該都冇反對？），仲有就係呢種歌路。而呢樣嘢佢係同楊千嬅相似的 — 甚至我年代每一個香港女歌手都係咁。畢竟流行曲，係好多歌迷（不論男女）嘅愛情投射，家仇國恨呀咩嗰啲，屌，講呢啲，我地年代唔興的。

但，正如賴叔講過，楊千嬅紅得起係十分R頭的：樣唔靚，身材哈哈哈，唱歌又唔係好，演技又哈哈哈，但都係紅得起。可能就係觀眾緣啦。另一個好相似嘅就係鄧麗欣。容祖兒，都係唔靚，甚至稱得上醜（當然紅咗有錢咗打扮化妝甚至整容都幫到唔少），但至少唱歌好聽，仲要唱咁多年現場都好少失拖，紅得好合理 — 不過，至今都未嫁人，更唔好講生仔。同啤咗一件嘅丁太比，就冇咁圓滿 — 我知，女權撚左膠又要鬧，但就恕我係咁沙文。特別係，喂，唔係叫你做大韓民國或中華民國總統喎，流行文化戀愛代言人喎，唔生仔結婚，點圓滿？唱情歌唔結婚生仔，即係拍四仔唔中出咁咯。你家強嗰啲，幾千萬身家，又寫字樓收租又乜，仲點唱《我是憤怒》？嬲個租客唔交租？
________________________________________
好，容祖兒講住咁多，之後真係講女。每一次睇容祖兒，都係同女，同唔同嘅女。咁當然囡囡（即係，我老婆）應該係唯一一個睇過超過一次嘅（水姐肯定等我睇過唔止一次演唱會，但容祖兒我唔肯定有冇兩次）。而容祖兒演唱會係比較易搵女睇，亦都女會去睇的。應該話，根本我唔使特登搵個歌迷去。基本上普普通通嘅港女，有免費飛嘅，好似我約親都會去 — 我甚至唔使問佢係咪歌迷。

特別係有個年代，我係好多演唱會飛嘅，主要係我做傍友，老細大面子（老細唔係真係出糧嘅老細，係相對於傍友，你當我係食客又好咩都好，而老細唔係大面Bella）。有時仲要係好靚嘅位，頭十行嗰啲。後來有次我仲畀咗張飛律勤（假名），當其時應該我結咗婚。咁莊子在不龜手之藥（http://bit.ly/2M2ur8q）嘅故事話齋，用在我手上就同囡囡睇多次啫，但用在律勤（都話假名！）身上就更大功用嘛，所以我讓咗畀佢。不過好似唔係容祖兒，好似係黃偉文之類。佢好似成功溝咗／上咗條女，無辜負我張飛。

下集講下，到底2009年發生咩事。有女出場，卜卜脆，保證。Stay tuned。其實一早寫完。