［今日寫呢啲］傻咗，整咗好多篇Facebook Post，明顯因為月頭吸下新讀者，記住月頭訂最抵！邁向2000人！
＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝
講返大市，美股冇乜特別。ADP「小非農」係同預期爭好遠，但疫後都同官方數字成日打交，不用過份演繹。
美股呢？今年53次新高，史上冇試過頭8個月咁勁。只係8月就已經12次破頂，差不多兩日就一次。極之易玩，你只需要唔好自爆。跟返我在Patreon講嗰啲基本法則就得。
不過，9月傳統上係美股最差嘅一個月。咁點部署？亦係文入面會講。
港股呢？之前星期二咪V型反彈700點？2000億成交。但嗰日MSCI換馬嘛，所以睇定啲。咁去到昨日星期三，一樣未散，仲有1800億成交，見底啦啩？仲有啲中概股都大升返晒（Fuck that 政策風險冇得量化冇人敢買啦），餐飲股賭股都強。咁應該買乜？Patreon講
大師冇點你嘅，不再重覆，你見我耐唔耐就「吼～」。係喎，樓上講，美股8月都12次新高，咁我堆嘢日日有幾隻新高又幾奇？但，你又係咪跟得上指數？我唔明啲人做乜話「升咗好多」—添曲上任時，人人都話增長見晒頂，結果蘋果再升咗十倍。而知唔知咩叫做「創新高」？，即係你任何位買都贏錢，包括我之前「吼～」時你話「升咗好多」時。Big Tech 郁得慢？ASML 同Google今年都升咗9成，咁你都唔滿意嘅，我都冇乜好講。遲早我連呢啲都唔貼，我知有啲人唔入Patreon只係睇呢度啲冧把，咁當然都得，等於你唔幫襯去麥當勞坐之嘛，冇搞到人咪得。但，既然成日嚟坐，就買返杯嘢飲嘛。一舊手個月肯定唔夠你去麥當勞坐一個月啦老細。
但講返，其實個垃圾股社會實驗先玩到我懷疑人生。都話上個月睇美股分析員啲細價股心水，亂咁買，完全唔知係乜。結果？一個月升咗15%！勁過咩畢菲特同契媽，真係令我覺得使鬼分析咁多嘢睇咁多嘢。但其實都唔係嘅，正係因為我冇信心，所以買咁少當實驗嘛。30000蚊而家贏咗4500蚊，「都夠我打一個月邊爐」。想知係乜？文入面有講，列晒出嚟的，但都只係垃圾，你鍾意摷垃圾桶嘅都可以嘅
每日一圖嘅，第一個冇特別，蘋果25000億市值。留意10000億市值係2018年嘅事，後來跌返（都話2018年第四季一季跌咗三成），然後2019年9月左右再上返10000億。升咗兩倍幾唔係最大重點，重點係由第二次10000億計呢，跑贏其他幾間。但你由今年開始呢？就跑輪咗。有乜啟示？文入面講
第二圖，今次收水，同2013年，有乜分別？咁都話咗你知，債市表現好唔同。2013年嗰次債息大升，震散股市。今次呢？債息仲要跌。點解會咁？定時辰未到？Patreon講
Good Read兩篇，第一篇講啲「Big Picture」嘢。冇錯，近N年嘅大還境，就係低息，人口老化，同社會財富不均。而呢三樣嘢互為影響（低息咪股樓狂升，咪加深財富不均）。有人話之前中國嘅年青平價勞力令到世界冇通脹，但之後中國都老化，咁全世界人工成本一定大升，就會通脹。但又有另一講法話，科技先進，仲邊使咁多人做嘢？況且，人口老化亦令啲消費能力低咗。當然早兩日我都睇論文又見到，其實係貧富不均先再導致低通脹 — 因為同你第一下諗法唔同，有錢人其實係唔消費的。唔信？文入面講。
第二篇，講航海，講畢菲特，講Captain Scully．牛市個個股神（但，呢兩年都有人話冇乜贏錢，甚至輸錢，都幾高難度），但梗係惡劣環境先見真章。你冇人mark射三分就十射十中，但場上有人mark住呢？得返半秒呢？入就反勝唔入就輸波呢？完全唔同。 今年呢啲市都話又驚又冇買嘅，之後點算？Patreon詳細講
＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝
