善用食材一個羅宋湯底變出一湯和兩三個餸，沒有刻意量度材料，只是隨心去煮，食譜都係隨心寫，希望大家睇得明😂
羅宋湯：蕃茄🍅六大個（三個打蓉，三個切件。），西芹1/4棵，洋蔥大半個，紫洋蔥大半個，日本椰菜半個，甘荀兩條，牛臉頰先煎封，同湯同煮半小時撈起，湯煲到自己喜歡的濃度，如想羅宋湯顏色帶蕃茄色可以加點茄汁或茄膏調色，加鹽完成。（洋蔥可用一個，只係我煮西班牙海鮮飯需要用細半個😂）
🍅炆牛臉頰：牛臉頰未煲湯前用鹽和黑椒碎醃半小時，煎封後煲湯半小時，撈起再次用油煎香牛臉頰，加上一碗上湯，一碗意粉醬，再加入未煲好的羅宋湯和蔬菜，份量只需過蓋牛臉頰，炆一小時，中途牛臉頰需翻面，最後可加鹽調味。（不同煮食器皿炆煮時間有別，筷子輕易穿過牛肉即代表腍身。）
炆牛舌：今次將食剩嘅羅宋湯和炆牛臉頰嘅醬汁同炆，急凍原條牛舌處理方法，用刀直接切走脷苔，用薑蔥酒汆水，排出蘇味和肉的雜質，過凍水備用，或用薑蔥酒煮耐一點，感覺脷苔變硬，直接撕走脷苔表面，過凍水備用。（可取最厚部份做鹽燒牛舌。）
炆煮牛舌做法先用鹽和黑椒碎醃半小時，用油煎封牛舌，尋晚食剩嘅材料羅宋湯和炆牛臉頰醬汁混合，翻滾後加入牛舌，如果醬汁不夠可加入上湯和意粉醬，炆約一小時，可自行調味，我加入螺絲粉和午餐肉粒同食，另外可取少許醬汁加入茄汁和生抽做色，再加半湯匙低筋麵粉加熱攪勻至沒有粉粒，做成茨汁淋在牛舌表面。（我都係第一次處理牛舌，我選了直接切走不要的部份。）
鹽燒厚切牛脷：牛舌較厚身部份切片，用鹽和黑椒碎醃一陣，熱鍋熱油煎熟牛脷，途中加點岩鹽同煎，完成。
#善用食材 #羅宋湯 #蕃茄炆牛臉頰 #炆牛舌 #鹽燒牛脷
