前幾日搭地鐵
喺總站坐喺度等開車
見到月台上有個西裝男士踎左喺地下
雙手抱住個頭 狀甚痛苦
嗰下猶豫左一陣
唔知佢係喊緊定唔舒服
同時有位女士行左去問佢有無事
當我問緊老公有無紙巾之際
佢向左跪左落地下
嗰下淨係覺得自己都學過下first aid
點都幫到少少手掛
就衝左出車門幫手
同時亦有另一對情侶過黎幫忙
未己佢就開始嘔紅色液體
嚇撚死我以為係血呀屌
原來嗰位先生係醉左嘔緊紅酒
之後我地叫左職員幫手
好快就有人安排輪椅比佢休息
位小姐仲幫手執起佢銀包電話交左比職員
我地就走左嚕
有點感概 唔知幾時開始
嗰d乜黨物黨入侵香港 騙案當道
見到身邊有事發生時
香港人都係隔岸觀火 驚奶屎上身
又或者係覺得你死你事
咪撚阻我影相拍片放上fb share
阻我收工燒春袋
我地成日屌強國係地獄鬼國
咩車撞到人無人理所以失救呀
咩比人搶野求救無人幫呀
但喺我地屌鳩大陸人既同時
我地又何嘗唔係變成緊我地不齒嗰種人
如果問我回歸廿年咩改變得最多
（除左無左法治以外）
就係以前的香港滿滿係人情味。
公屋的小朋友會一齊玩
黃太唔得閒咪張太幫手睇住個細路囉
依家？行出𨋢都未必識你既鄰居
以前食肆老闆娘會叫得出你個名
慢慢呢d小店變曬元氣茶木
以前沒有關愛座但會識讓座比有需要既人
依家無人坐關愛左驚比人上網批鬥
見到自已家園變到咁
心好累
失去耐性
失去同理心
失去體諒
。
無咩大道理
純粹覺得將心比己啫
如果唔舒服嗰個係你 或者係你屋企人
你都會想有人幫手
而唔係一堆事不關己既眼神
放低電話留意下身邊人
幫到手咪幫囉
可能係一句提醒、一張紙巾
對你係舉手之勞
可能對其他人係make her day
勿以善小而不為
就係咁
香港騙案 在 香港騙案關注組(前名:香港百大老千龍虎榜x 騙案大全Group) 的推薦與評價
香港騙案 關注組(前名:香港百大老千龍虎榜x 騙案大全Group) 入來開名踢啲老千，騙局！ ... <看更多>