[歎息橋班底新作][心房治療師]
金馬影展早前揀咗兩套港片，黃修平執導嘅《狂舞派3》同埋陳健朗執導嘅《手捲煙》做今屆嘅閉幕電影。今日金馬又有消息公布，兩套由港人創作嘅劇集入選「金馬創投會議」劇集項目嘅13強。
金馬創投會議今年新增劇集項目，13強名單裏面包括陳果、錢小蕙嘅《那夜凌晨，我坐上了旺角開往大埔的紅VAN》。仲有林保怡監製、肥波25執導、黃綺琳編劇嘅《心房治療師》。呢套劇冇乜其他消息，只知道係劇情片，但已經令我好期待。
睇返喺金馬網頁裡面《心房治療師》嘅圖，劇嘅英文名係「The Feng Shui Installer」，即係風水師傅。圖中間有個太極圖案，兩極分別係一道開咗嘅門同埋一個男人。仲有句tag line：「環境改變心態 / 心境扭轉世界」。好緊張呀到底今次會玩乜？
金馬創投會議係個將電影劇集project同投資者配對嘅平台。《心房治療師》如果喺金馬創投會議得到青睞，或者會喺台港合拍片。
另外入選嘅劇集project都非想吸引，包括咗《我們與惡的距離》導演林君陽與林文龍合導嘅《29張當票》。《血觀音》監製劉蔚然製作嘅《刑警教父》。《紅衣小女孩》、《目擊者》導演程偉豪聯同金馬最佳改編劇本得主傅凱羚合作嘅《詐欺先生》。《你的孩子不是你的孩子》導演陳慧翎嘅《祝妳幸福》。《花甲男孩轉大人》導演李青蓉嘅《我的意外女兒》等。
#香港有冇呢啲創投會呢
#林保怡 #楊承恩 #李紹波 #黃綺琳 #心房治療師 #歎息橋
#那夜凌晨我坐上了旺角開往大埔的紅VAN
#我們與惡的距劇 #血鐵音 #你的孩子不是你的孩子 #花甲男孩轉大人 #台北金馬影展
#方以文 #fem
