Search
香港資訊科技商會榮譽會長方保僑表示，已認識前局長楊偉雄多年，形容楊的為人沒有太大問題。方保僑指，過去數年創科局向業界大派錢，「太多嘢想做，但香港係咪真係有本錢做？」他舉例指，過去局方推動香港「再工業化」，惟即使在鄰近的深圳及廣州周邊區域，企業生產線亦陸續遷移；本港沒有相關配套，同時薪酬及租金開支龐大，香港亦難以兼顧工業化。
方保僑：香港錯失很多發展機遇
方保僑認為，當局多年來沒有重視招攬大型科技公司進駐，未能創造更多科研職位或培育科研人才，錯失很多發展機遇，例如Google原本打算在香港設立數據中心，但當局一直未有理會或提供協助，「（Google）地方都租埋，但擺咗兩年之後走咗……招咗Uber過嚟，但轉個頭就掉落黑洞。」
對於新任局長薛永恒，方保僑指業界不太熟悉對方，期望薛上任後應與業界多溝通，並且應先為本港創科把脈，不要再藥石亂投。方希望，未來創科局能集中發展軟件、大數據及人工智能範疇，但他相信在目前的政治環境下，吸引海外科研公司進駐變得更加困難。
一，醫管局職工經過大比數決議，宣佈罷工。發言人台上灑淚；睇得出都係一個困難嘅決定。其實經過沙士一役，我相信好多香港人都企響醫護嘅一邊。
二，當然，亦唔排除會有藍朋友會話：「做得呢份工，就預咗㗎喇。」我唔知佢哋係咪做醫護；係嘅，我都會尊重佢哋堅守前線嘅勇毅忠誠。不過，假如係唔關係嘅人，我只會講：「你都幾無良，迫人攞條命搏。」
三，道德，早幾日講過呢個題目；其實有一個好基本嘅原則：「己所不欲，勿施於人」呢句說話，出自《論語》。洋人語境，耶穌都講句一模一樣嘅：Do unto others as you would have them do unto you。當耶穌同孔子都不約而同，夠份量啦。
四，耶穌同孔子，唔係叫你做聖人偉人，亦唔係叫你大愛，而係叫你做返個人。好基本嘅要求就係，你當自己係人，就接受其他人都只不過係人。你會真係搵條命去搏咩？遠嘅唔講，暉明、麗晶、美孚嘅街坊點解咁燥？佢哋心裡面嘅問題係：Why me？
五，政府有冇人出來同佢哋傾？冇。好忙？真係咁忙？一個話得事嘅都唔得閒？唔好玩啦。驚就認咗佢啦。我嘗試代入政府官僚嘅角度去諗，負責搵地方嘅，又唔駛負責同社區溝通；要面對群眾嘅，又唔係搵地方個部門。結果，咪有部門話搵到地方，有部門話好吖，幾時搬；就係冇人會問：「咁有冇同地區人士傾過？」然後兩個部門就你眼望我眼：「傾，咁就 close 唔到 file。」如是者，大家當睇唔到，出事先算。
六，「你又知政府咁多嘢？」同我熟嘅朋友都知，我都算做過下大機構嘅十九管理層；其實大機構同政府，差唔多，分分鐘衰過。剛才講嘅現象，以前打工個陣，日日都見，個經歷都令到我唔想再做大公司。
七，講返正題。千錯萬錯，林鄭就係衰一樣嘢：「點解唔封關呀？不該！」
八，其實，我都係估，林鄭非不為也，實不能也。我唔係為佢開脫。佢要搵十九個理由去支持「死不封關」呢個決定，係因為呢個係佢唯一可以做嘅事。咁點解唔可以呢？最大可能性就係北京唔畀。
九，點解北京可以封武漢、封湖北，就係唔畀香港自封？其實你都可以想像個畫面：香港宣佈封關，大家額手稱慶；即係，行動上確認咗中港區格得人心。嘩，咁仲得了嘅，咪畀班反中亂港有位入囉。所以，澳門就可以，香港就唔得。（後補：讀者指正，澳門都冇全封，只係對曾經去過湖北嘅入境人士作出限制。）
十，封關，本來係特區政府彰顯「香港可以說不」嘅絕佳時機。依家先封，我睇香港人都唔會原諒佢；當然加埋之前幾個月嘅恩恩怨怨，呢個政府醫返都嘥藥費。
十一，不如，我又估下北京同香港政府，會點樣應對吖。大家可以 Save 低呢篇，過半年大家對一對。
十二，先講北京。很肯定，中央會不計後果咁，超級放水。又話說，近年大陸有個講法，叫「定向寬鬆」，意思係不但放水，而且可以對到準一準咁放。呢次嘅規模，點都會大過2008年嘅四萬億。即係話，衰足十年嘅 A 股，都有可能水浸。
十三，當然，北京放水，一定會同時吹水，講到係要發展乜乜物物。今年要公布「十四．五」規劃；其實上年底，發改委已經開工起草。 我睇過下啲文件，話「十四．五」呢，會將市場行為劃做「第二准則」，我嘅理解係會講到明有乜係市場唔可以做，剩底嘅，先至由得你去玩。
十四，我又見文件講咩「工業化後期」、「人工智能」、「城鄉人口雙向流動」、「高齡化」、「生態建設」同埋「社會治理」。究竟有邊啲股份受惠，大家仲有幾個月去慢慢研究。
十五，「區域協同」都似乎會係重點。咁，大灣區就一定會講，深圳就一定係主力，香港就金融中心乜乜物物，珠澳橫琴咩休閒旅遊，廣佛係行政文化⋯⋯非常之咁 predictable 。
十六，香港呢？香港一樣會係咁派錢。不過，香港真係距離結構性赤字冇幾遠喇，所以特區政府會派，但大多數嘢都唔會恆常化。
十七，不過，政府體制同負擔，已經超出呢個人口逐漸高齡化嘅社會可以承擔嘅程度。過去，我講緊十幾年前，香港特區政府會講咩吸引人才之類嘅，今日仲講呢套，真係難聽過粗口。至於叫退休人士返大陸養老，我諗講出口都一樣畀人吊起來啦，係咪？
十八，所以，可能呢個政府，乜春都唔講。但，唔代表唔做嘢。
十九，從香港公共財政嘅結構去分析，利得稅你唔郁得，一郁就真係拆去新加坡；再講，其實好多企業，根本就係要來 hold asset 之嘛，邊有稅交？來來去去，咪又係個一百幾十間大企業。
二十，今時今日嘅社會，尤其係服務業，你加我 1% 稅率，我肯定有人將基地外遷（我都講咗幾年）。政府稅收增加嘅比率，亦唔會等於稅率增加嘅比率；分分鐘收少咗都唔定。一刀切加利得稅，未必有著數。
廿一，不如加啲走唔甩嘅大財團啦！我都幾肯定，政府係咁諗。大財團亦都一定詐型。世界同北京大旋律之下，咩企業社會責任吖嘛，我估政府會有啲 plan 畀大財團：你一係交稅，一係就自己攞去做公益嘢。機會來喇飛雲！啲咩 NGO 社企之類，一定好好生意。
廿二，以上，都係解決唔到香港公共財政最根本嘅問題，就係越來越多人，甚至企業，佢哋最重要嘅財富來自資產價格上升。理論上，香港冇資產增值稅，但好似話為賺取收入而買賣資產，又可以收你稅喎。但係，呢啲技術問題，一定可以技術解決。我唔買賣資產，但搵方法變現金流得唔得呀？一定得。現金流收入，畀少好多稅。不過，呢啲玩法只限一百幾十億身家以上嘅人，我估呢度冇幾多個（有嘅，inbox 小弟，等我開心下，原來都有咁 high net worth 嘅讀者）。
廿三，最後，呢個政府除非放棄聯匯，否則唔可以賺好多，印以亦唔可以自己印錢買自己嘅債，所以唯一可以量化寬鬆嘅資產，就係⋯⋯登登登等⋯⋯土地！
廿四，明日大嶼，就係土地量寬。
廿五，唔熟地政嘅朋友，可能會以為，政府鬥地主要收農地，其實就係要迫發展商明日要用真金白銀支持明日大嶼嘅地。我反而更相信，政府要發出一個訊號，迫發展商盡快用更高嘅溢價提出轉換土地使用，如果唔係就搞你。某程度上，都係一種鬥地主。
廿六，發展商，其實都係睇住麵包幾錢就用幾多錢去買麵粉。政府當然唔理得咁多；喂阿哥，大家都等錢駛，唔係你窮就係我窮，咁梗係你窮好過我窮啦。
廿七，發展商同政府，我覺得，最終係沒有贏家。土地嘅量寬，唔係冇代價。我見到未來嘅香港，窮人一世住公共房屋，係一世。以前仲有流動性，至少跨代有流動性。未來，階級會世襲，流動性大減。
廿八，土地經濟鏈崩解，可能有社會棟樑拍晒手。但係我想提醒一下大家，發展商嘅資本係流動嘅，唔響香港賺錢，佢哋都會將重中轉移。事實上，過去十幾年，好多都已經到處投資；甚至乎佢哋嘅私人投資，早就散佈世界各地。佢哋可以十幾代人都唔做嘢，都過得比我地富庶。但從前香港，由基層晉身中產，得兩條路：入大學神科同置業。
廿九，我曾經聽過一個故仔。有位仁兄，佢中環有一幢大廈咁多。有次佢話，每個月收租嘅錢，夠買一架法拉里；買得多，都厭啦。最終，都要搵地方投資，結果買埋買埋的大藍籌科技股，又倍倍聲咁賺。重點係，呢位仁兄響個有錢人圈子入面，根，本，唔，入，流。
三十，就係咁，香港真係一個好顛倒嘅地方。富不與官爭咩？咪唔好爭囉。冬天去下滑雪，夏天就巡下酒庄，咁又一年。官，日日畀人吊到開花，但真係好慘咩？佢哋閒閒地有幾千萬，仔仔囡囡又可以結交下啲新貴，咁又一世。
三十一，無權無勢嘅，我知佢哋嘅積怨。早幾年，大家都發下夢，以為可以做隻咩 App 畀騰訊阿里收購，就有十億八億。發夢就冇咁早。事實係，搵兩餐晏仔，唔難；發達，就可以慳返。
三十二，講真，今時今日搵十萬八萬一個月，都真係算窮。你無聽錯。係窮。搵幾百個一年，有資格做中產。有幾千萬身家，大把人。過億，都先至剛剛叫做有個錢。我有時覺得，只係可以出得起兩、三萬請個同事幫下手，真係唔好意思開口叫佢哋做咁多嘢。
三十三，香港咁嘅狀態，好大程度係因為量化寬鬆。其實量化寬鬆，唔單止令香港扭曲晒，甚至乎世界各地發達國家，多少都係咁。不過，你去美國，大不了搵個鄉下地方，過田園生活，一定餓你唔死，等閒打下機，上 Facebook ，上 Amazon 訂下嘢，咁又一日。
三十四，但又話說回頭，搵幾世都用唔晒嘅錢，又點？咪用唔晒囉。我知我咁講好似有少少阿Q，但實情係，歷史上有錢人不嬲都係極少數，科學家都係，運動員都係。不過，偏偏香港有一段日子，演變出一種以身家論身份嘅文化；咁當其時又真係做大學教授嘅十個八個，非常咁見駛。做大企業管理層，十個廿個，已經住紅山半島陽明山莊。呢個係上世紀八、九十年代，我哋稱為香港黃金時代最好嘅日子。
三十五，其實自從亞洲金融風暴到沙士，香港已經內傷；我越睇就越覺得，近年香港係故事嘅尾聲。對社會，我係悲觀嘅；甚至對人類文明，我都好灰。我唔擔心自己，我擔心嘅，係下一代人面對嘅世界。
三十六，唯一希望係，我哋嘅下一代，可以平安咁過自己嘅人生。正如一開始所講，道德其實好簡單，做人，就係對身邊嘅每個人嘅要求，就好似對自己嘅要求一樣；唔好睇唔起自己，亦唔好睇唔起其他人。好人一生平安，亦應作如是觀。
【今夜屠房 不再設防】
非洲豬瘟疫情在中國失控，毒臨城下，若病毒感染本地豬隻，積弱的本地豬業隨時全軍覆沒。為應對危機，港府在6月實施「日日清」政策，即中國輸港豬隻不在屠房「留過夜」，減少交叉感染機會。
那麼「日日清」是否能堵截豬瘟病毒襲港？政府沒有正面說明，只宣傳「豬瘟病毒不會傳人」，暗示措施無阻止病毒輸入。但比起把豬瘟病毒吃下肚更令人憂慮的是，「日日清」其實減少了本地獸醫在屠房檢疫的時間；政府為保護國企利益，不想中國豬隻在售出前病發，不惜自毀防疫長城，隨時醞釀另一場疫症在港爆發。
--檢疫的第一防線－上水屠房--
現時中國活豬抵港後第一站為上水屠房，亦是豬瘟病毒在港的第一個著陸點，可以理解上水屠房是最需要嚴防病毒散播的環節。若上水屠房的防疫和消毒做得不好，豬瘟及其他可感染人的病毒可隨著運豬車和屠房工人散播到各處。
香港政府與豬肉入口商（主要是國企華潤旗下的五豐行）商討後，實施屠房「日日清」，每天運到屠房的活豬，會在24小時內屠宰、清空豬欄並消毒，聲稱減低活豬在屠房感染的機會、亦「避免發現受感染活豬後而要關閉整個屠房」【註1】。
--為照顧國企利益 第一防線自我崩潰--
「日日清」區隔了不同日子運到屠房的活豬，減低了不同批次活豬互相感染的機會，即使有活豬在中國感染了病毒，最多只影響同一批次的有限數量活豬，局限了屠房內受污染的豬欄的數目，令屠房未受污染的地方能繼續運作。換句話說，「日日清」重點在於減低染病豬隻內逗留時間及病發機會，繼而避免關閉屠房影響國企旗下五豐行的利益，而非堵截病毒進入香港散播。
但從生物安全(biosecurity)角度看，第一道防線自我崩潰，讓病毒長驅直入，極為愚蠢。
--「日日清」反協助病毒擴散--
那麼「日日清」如何實質地影響檢疫？現時，活豬的檢疫方式非常依賴肉眼觀察病徵，只有少量的抽查樣本會送到漁護署進行更詳細的化驗，化驗結果出爐前，有問題的豬肉已流出市面。
根據世界動物衛生組織（OIE）的資料【註2】，非洲豬瘟的潛伏期一般為2至19日，當受感染的活豬仍處於潛伏期中未出現病徵時，屠房的食環署衛生督察和漁農署駐屠房的獸醫難以察覺活豬是否帶有病毒，檢疫時間再縮短，成功找出病豬就更加困難。有研究更顯示，受感染的活豬在出現病徵前，病毒已經存在於不同的體液當中【註3】，這些帶有病毒的體液有可能感染同一批次中其他的豬隻。這些受感染豬隻，會否進一步感染本地豬隻？極有可能。
簡而言之，「日日清」縮短了豬隻停留時間，使獸醫在把豬隻「驗清驗楚」前，已將豬肉推出市場，猶如將懷疑有高度傳染病的病人提早趕出醫院，讓病毒在社區散播。
--隔離檢疫是基本功--
當香港還在實施「日日清」的「虛招」時，外國應對豬瘟的手法是隔離病毒(quarantine)。例如歐盟建議農場對進口食用活豬進行30日的隔離檢疫，目的正正就是避免處於潛伏期的病豬流入市場【註4】，但港府卻透過「日日清」將潛在的「生化炸彈」送往香港各區。病毒有可能在屠房的工作人員、工具、或車輛擴散到本地豬場，令病毒有機會在本地豬場中爆發，所以「日日清」政策不但沒有阻截病毒入侵，反而是摧毀僅餘防疫措施的效用。
一言以蔽之，「日日清」就是「眼不見為乾淨」，將衛生風險和食物安全風險100%轉嫁至市民身上。從防疫的角度而言，是個徹底失敗的政策，但政府卻成功地將豬隻病發前推出市面，讓市民以為非洲豬瘟已經受控。
--豬瘟不會傳人，可放心食用?--
政府多番宣傳「豬瘟不會傳人，可放心食用」。的確，現時的公共衛生學研究無證據顯示非洲豬瘟能夠傳人，但這不代表市民就可掉以輕心，尤其是政府實施「日日清」戳破檢疫防線後。切記，我們要預防的，不會只是非洲豬瘟病毒。
衛生防疫措施的成功要素，是要比疾病演變得更快，所以，現時全球的防疫重點是要令防疫系統有能力應付新興傳染病(emerging infectious disease)。而新興傳染病往往是由動物的疾病跳越物種屏障（species barrier）感染人類，即「人畜共通傳染病」（zoonoses）。2009年影響香港、逾20,000人感染、造成15人死亡的豬流感病毒就是其中一種「人畜共通傳染病」。
--中門大開 或醞釀下一場疫症--
未來還有什麼能透過豬傳人的「人畜共通傳染病」？我們不知道，但隨著全球暖化及畜牧業工業化，這個風險日益增加。2012年，中國發現了一種「豬三角冠狀病毒」(Porcine deltacoronvirus)，2014年在美國俄亥俄州的豬場爆發，雖然暫未有人類感染個案，但科學家已因「豬三角冠狀病毒」與引起沙士(SARS)以及中東呼吸綜合症(MERS) 的冠狀病毒極為相似，而非常憂慮【註5】。
若果有天「豬三角冠狀病毒」不幸變種，成功跨越物種屏障由豬傳人，會不會是另一場沙士疫症？這個「眼不見為乾淨」、只照顧國企華潤旗下五豐行的利益，無視本地豬農和市民安全的「日日清」政策，只會增加防疫缺口，讓不知名的病毒入侵香港。
--我們可以怎麼辦？--
本地活豬檢疫最大的弱點在於沒有對進口活豬進行隔離檢疫和缺乏有效的快速檢測技術。政府可參照歐盟國家的做法，對進口食用活豬進行隔離檢疫，以阻止已經感染但處於潛伏期的活豬流入市面。另一方面，政府應該研究引入快速，甚至是高通量 (high throughput)測試，增加抽查的密度和加快檢測的速度，避免處於潛伏期的病豬流入市面，這意味著政府需要調撥資源購買儀器和培訓人才，加強本港應付將來可能出現的能感染人類的豬隻致病原。
然而，可以預期活豬供應商將會極力反對任何加強的隔離檢疫措施，而若果民間缺乏對眼前危機的認知及施加壓力，政府很大機會會在（國企）利益和減低公共衛生風險兩者之間，選擇前者。
－－－－－－
註1：屠房「日日清」以防非洲豬瘟傳播. 2019年7月. 香港特別行政區政府食物安全中心; [accessed 2019 Sep 23]. https://www.cfs.gov.hk/tc_chi/multimedia/multimedia_pub/multimedia_pub_fsf_156_04.html
註2：OIE Technical Disease Card - African Swine Fever - Aetiology, Epidemiology, Diagnosis, Prevention and Control References. 2019 Jun. OIE - World Organisation for Animal Health; [accessed 2019 Sep 20]. https://www.oie.int › fileadmin › Home › eng › docs › pdf › Disease_cards
註3：Guianat CG, Reis AL, Netherton CL, Goatley L, Pfeiffer DU, Dixon L. 2014. Dynamic of African Swine Fever Virus Shedding and Excretion in Domestic Pigs Infected by Intramuscular Inoculation and Contact Transmission. Vet Res. 45(1):93.
註4：Jurado C, Martinez -Aciles M, Torre ADL, Stukeji, M, de Cardvlha Ferreira HC, Cerioll M, Sanchez-Vizacino JM, Bellini S. 2018. Relevant Measures to Prevent the Spread of African Swine Fever in the European Union Domestic Pig Sector. Front Vet Sci. 5:77.
註5：New pig virus found to be a potential threat to humans. MAY 14, 2018. Medical Press [accessed 2019 Sep 30]
https://medicalxpress.com/news/2018-05-pig-virus-potential-threat-humans.html
#食安研究
#非洲豬瘟
#日日清
－－－
💰月捐撐起本研 單次捐款支持亦可以!
https://liber-research.com/support-us/
📱新設本研 Telegram Channel 立即追蹤! https://t.me/liberinfo
香港再工業化困難 在 【字幕】戴麟：香港再工業化的路應該怎樣走？工業家如何大力 ... 的推薦與評價
【字幕】戴麟： 香港再工業化 的路應該怎樣走？工業家如何大力推動科技商業化？《恒傳感言》（2022-06-11）（影片由恒生大學傳播學院提供）. ... <看更多>