關於 首試無鈎釣魚 ，我們在網路上蒐集到這些相關的討論、資訊與評價

#首試無鈎釣魚
#魚村半日遊

謝謝 芊嶠與細佬·雞蛋仔 既邀請🎉，尋日我地一齊去左南丫島索罟灣體驗下漁民嘅生活🐟。 平時去南丫島多數係榕樹灣入，索罟灣我就去過一次，依邊以居民為主，遊客比較少，船期班次都一小時先一班，所以去之前要夾好船期先🕛，免得呆得太耐！入到去再坐2分鐘既駁船出去魚排🐠，就係今次既目的地。

魚排入面既魚都養到好大條，仲有成百歲既大龍躉同魔鬼魚添😍！仲可以親手餵魚🐟、摸海星、或者試下無鈎釣魚，我都係第一次釣魚咁刺激⚡，一放D餌落去，成堆魚就搶住食💢，仲超大力添，雖然最後釣唔到，不能真係好好玩👍！

又可以登上古漁船了解下水上人既生活，QB問點解D野咁舊既❓少年你真是太年青了😝，依d先係漁村風味嘛，唔好成日係石屎森林行商場嘆冷氣啦，原始既快樂仲有望住海玩韆鞦🤩，一班小朋友既笑聲就係最好既娛樂💖！

上年都去過大埔三門仔既魚排，依度相對地方大d，比較適合較多或年紀細少少既小朋友黎，整體環境都好乾淨企理，有洗手間🚽，吹下海風睇下魚🌬️，黃昏睇埋日落🌤️，輕輕鬆鬆玩上大半日，都係一個好好既親子假日活動👨‍👩‍👧！

尋日係芊嶠生日🎂🎉，QB化身陪玩小專員自己都玩得好盡興😆 感謝領隊安排😘！

南丫島漁民文化村 Lamma Fisherfolk's Village
預約購票：http://lammafisherfolks.com.hk/tc/

交通：
中環4號碼頭到索罟灣
班次：http://www.hkkf.com.hk
再轉乘免費專船來往索罟灣碼頭和文化村

#南丫島漁民文化村 #無鈎釣魚 #lammafisherfolksvillage #hooklessfishing #漁村生活體驗 #魚排 #海星 #魔鬼魚 #索罟灣 #南丫島遊 #假日好去處 #親子好去處 #自費活動

最近這家模仿東京釣船茶屋的餐廳大受歡迎，經常需提前一星期訂位。究竟有甚麼吸引力？餐廳供應日本料理，中央的位置模擬漁船設計，周邊有魚池。另有廂座及散枱，廂座中間亦有魚池。每晚5:30pm-10:30pm，客人可於不同的魚池釣魚，每逢有魚上釣，就傳來砰砰砰的鼓聲，氣氛熱烈，小朋友最為興高采烈。

可能希望愈大，失望愈大。網上發現不少投訴，歸納所得，共六宗罪：
1.十人甚或十五人只有一條魚竿，工具完全不夠。
2.魚竿又短又幼，連平日常見釣魚所用的鉛墜都沒有，像玩具般兒嬉，難釣。
3.魚餌$20份，只有五六隻蝦毛，有的甚至發霉，難吸引魚上釣。
4.成功釣魚後客人要付費，每尾約$500起跳，可做刺身。若要做熟食，另收加工費，收費太高。
5.餐牌很多食物沒有供應。
6.食物水準參差，壽司混合了醬油、天婦羅腍巴巴，質素與價錢不成正比。


為求公正，記者聯合釣魚達人、日本菜顧問及攝影師於18/2晚去放蛇實試。結果如下：

首先，一行五人只得一條魚竿。侍應解釋，十人以上才有兩條魚竿，廿人有三條，如此類推。魚竿數目少，本身亦好兒嬉。海鮮批發及釣魚達人Peter Kam說，塑膠魚竿柔韌性欠奉易斷，像小朋友玩具。魚鈎亦綁得馬虎，「平日綁不會露出整條魚絲，有時魚群看見這樣就不吃餌。」

此外，魚餌二十元一小碟，只有五六隻蝦毛。「我認為偏貴。」雖未至於像網民說的發了霉，但可以做得更好，「這個沒有醃味，平日有時會調味以吸引魚群。」Peter說。

當晚我們在兩個魚池來來回回，共四個點嘗試釣魚，但大半小時都沒有魚上釣（限時兩個半小時）。「魚池水流急速，魚竿又沒有鉛墜，魚餌只在表層飄浮。」有時看見魚群在魚餌旁游過，卻完全沒有意欲去聞一聞，碰一碰。「有時水溫或環境不合適，或魚群剛運來魚池，未適應新環境，就不肯開口吃東西。」Peter解釋。


釣魚食白果，雖然有些掃興，但又暗自慶幸。皆因釣到的話，要釣者自付，當中的鱲魚、間八約$500起跳，龍蝦更要$1,600左右（有7-8折）。可做刺身或熟食，熟食更要另收加工費，汁煮、炸及涮涮鍋加$80；做湯一碗$30。日本菜顧問馬師傅看了餐牌亦說，「釣活魚的價錢偏貴，所有活魚包括間八、黑臘、赤鱲等，定價大約是成本價的2-3倍。」

砰、砰、砰，當晚間中亦傳來成功釣魚的擊鼓聲，有位小朋友更釣了隻美國龍蝦(約$1,600)，真是暗暗「恭喜」他們。這晚我們釣不到任何魚，就象徵式點了刺身、壽司、手卷、天婦羅和冷烏冬等。牡丹蝦刺身$110\2隻、深海池魚刺身$130\5片，價錢跟坊間日本料理差不多，不算貴。

菜式陸續上桌，全部有供應。看來網民說，叫甚麼都無的情況經已改善。水準又如何呢？手卷紫菜頗硬，當中的海膽明礬味很重，並非日本海膽。壽司明顯功夫未到家，赤身有件切錯了紋理。燒左口魚裙邊壽司，更連壽司飯也燒焦了。

至於有網民懷疑壽司飯加入醬油，其實是赤醋。「淡味的魚如鱲魚、白身魚，通常用白醋；拖羅、吞拿魚腩通常用赤醋飯。」馬師傅解釋，但這兒的左口魚壽司亦用了赤醋，不太合適。

刺身中規中矩。油甘魚及深海池魚不夠通透，「不是最新鮮、鮮紅的感覺，可能放了一兩天，但仍然是可接受程度。」吞拿魚腩中間明顯有條白色的筋，一咬就吃到筋。

另外，有食客曾投訴天婦羅腍巴巴，我們的蝦天婦羅亦不夠脆。蝦是急凍的，已切好的現成貨，零鮮味。冷烏冬溫度恰當，仍保持煙韌，只是醬汁略鹹。

總括來說，記者點了11款菜式，埋單約$1,800，價錢不算超貴，不過五人其實吃不飽。若要吃飽，每位估計至少$500，這價錢在坊間其實有很多更美味的選擇。

六宗罪中，除了叫甚麼無甚麼這一項，其他都成立，餐廳有必要檢討一下。

釣魚船屋
電話：6383 3304 (日) ，9769 8986(夜)，9740 3123(夜)
地址：觀塘駿業街56號中海日升中心2H鋪
營業時間：星期一至日 11:30am-2:30pm,5:30pm-11:45pm
詳情： http://bit.ly/2UaSbrU

採訪：編輯部
攝影：攝影部

========================================
立即Subscribe我哋YouTube頻道：http://bit.ly/2Mc1aZA (飲食男女)
立即免費下載飲食男女App： http://onelink.to/etwapp
即like《飲食男女》Facebook：http://www.facebook.com/eatandtravel
飲食男女網站：http://etw.hk
Follow我哋Instagram，睇更多靚片靚相！
http://bit.ly/2J4wWlC (@eat_travel_weekly)